|
|
Бүген кемнәр туган
|
|
Архив
|
24.05.2022 Мәдәният
Кариев театры Тимур белән бергә мәңгелек сорауларга җавап эзләргә премьерага чакыраКариев театры драматург Полина Коротычның «Вадик поет свою музыку» пьесасын «Тимур һәм комета» исеме белән сәхнәләштергән. Герой өчен аның режиссеры Тимур Шәрәфетдиновның исеме сайланган. Спектакльнең премьерасы 26-27 май көннәренә куелган. «Питерда яшәп иҗат итүче авторның әсәрен үз җирлегебезгә якын китерәсе килде. Исемне дә бик озак сайладык. Соңыннан Тимурның үз исеменә тукталдык, ул каршы килмәде», - ди театр директоры, пьесаның тәрҗемәчесе Луиза Янсуар. Ул Тимур Шәрәфетдиновны беренче тапкыр театрга лабораториягә чакыруларын. Аның белән Америка авторы Селеста Инг әсәрен куярга хыяллануларын әйтте. Әмма авторлык хокуклары мәсьәләсе әлеге әсәргә алынуда уңайсызлыклар тудырган. Шунлыктан лабораториядәге эскизны спектакль итеп үстереп булмаган, дип яза "Татар-Информ" МА. Театр коллективы Тимур белән эшләргә теләп икенче әсәргә алынган. Әлеге әсәр белән журналистларны режиссер үзе таныштырды: «Кешегә кеше кирәк. Без ниндидер коммуникацияләрнең, якыннарыбызның кадерен белергә тиеш. Мин тамашачы белән бу хакта шушы текст аша сөйләшеп булыр дип уйладым», - диде режиссер Тимур Шәрәфетдинов. «Тирәлектә шулкадәр шау-шу булганда, социаль челтәрләр, утыргычтагы әбиләр булганда, реклама, дрель тавышы... ә кайда соң минем тавыш ди безнең герой. Ул үз урынын эзли, урыны дусты янындадыр, бәлки – спектакль шул турында», - диде ул.
--- |
Иң күп укылган
|