поиск новостей
  • 05.12 "Рөстәм маҗаралары", 12+, Кариев театры, 15:00
  • 06.12 "Гөлчәчәк", 12+, Кариев театры, 21:00
  • 08.12 "Алтынч[ае]ч", 16+, Кариев театры, 13:00
  • 09.12-18.12 Илсөя бәдретдинова. Уникс. 18:00
  • 10.12 "Ромео һәм Джульетта", 16+, Кариев театры, 18:00
  • 11.12 "Йосыф", 16+, Кариев театры, 18:00
  • 14.12 "Былбыл бакчасы", Лилия Зщйнуллинаның юбилей концерты, 6+, Кариев театры, 18:30
  • 16.12 "Мио, минем Мио", 6+, Кариев театры, 18:30
  • 17.12 "Бәхетле көнем", 0+, Кариев театры, 13:00
  • 17.12 "Мәхәббәт күгәрченнәре", 16+, Кариев театры, 18:00
  • 19.12 "Агыйдел" дэулэт жыр-бию ансамбленен юбилей концерты.Г.Тукай ис.филармония концертлар залы, !8:30
  • 20.12-27.12 "Галәм кунаклары һәм яңа ел", 0+, Кариев театры, 10:00, 13:00
Бүген кемнәр туган
  • 04 Декабрь
  • Владимир Алекно - спортчы
  • Сибгат Хәким (1911-1986) - язучы
  • Фәиз Зөлкәрнәй (1951-1997) - язучы
  • Марианна Вәлишева - язучы
  • Елена Ненашева - актриса
  • Роберт Гайсин - рәссам
  • Гвардейская урамында урнашкан 2 булмэле фатирга озак вакытка татар кызларын,яки татар гаилэсен кертэбез.Бэясе 20 мен+ ком тулэулэр.89050259315
  • Ит өчен һәм асрар өчен нәселле буаз сарыклар сатыла. Телефон: 895200302799
  • Казан шэхэре батыршина урамында урнашкан 2 булмэле фатир арендага бирелэ.Яшэу очен барлык унайлыклар да бар.89274086591 Риелторларны борчымауларын сорыйм.
  • Зеленодольск районы, Карәтмән авылында (Казаннан якынча 40 км) 25 сутый тигез җир участогы сатыла. Йортка фундаменты да бар. Газ, су, электричество участокка кадәр китерелгән. Бәясе 850 мең сум. Тел. 89179068047
  • Бюджет оешмасына библиотекарь кирэк. тел.8(843)236-97-91
  • Продаю козу дойную нубийскую 15т Лаишевский район 89872137756 а также есть индоутки
  • Казан шэхэренең Киров районында фатир эзлим. Эшли торган татар кызына. Ватсап 89393966212
  • Печэн сатыла Дэу рулон,кечерэк рулон.Питрэч районы Юнусова авылы.89093080463 Альфинур
  • Срочно сниму квартиру проспект победы от хозяина 89869243128
  • Саба районы Югары Симет авылында газ. су кергән һәм сарае булган җир участогы сатыла. Белешмәләр өчен тел. 89393389703

 

Архив
 

 

13.12.2010 «Яшьти» әдәби сәхифә

Яшьти Гүзәл Мәхмүтова

ФИО: Мәхмүтова Гүзәл Хафис кызы
Туган көне: 12.07.1991
Туган ягы: Татарстанның иң гүзәл шәһәрләренең берсе – Яр Чаллы
Укыган җире: КФУ, Татар журналистикасы
Иҗат турында: Җаныма иң ошаганы – шигырь язу. Шигырьләр ничек языла, ни өчен языла? Ничек язылуы һәр шагыйрь, язучының үз сере. Икенче сорауга да һәркем үзенчә җавап бирә. Әмма шунысы хак: шигырь хисләр ташыганда, әйтер фикерләр булганда гына языла. Иң яраткан сүзең яки гыйбарәң: “Уйлар ихтыярга буйсынамени?”
Тормыш девизы: Тормыш дигәннәре авыр булса да, көлеп, сөенеп, һәрбер яшәгән көнеңне шатланып уздырырга кирәк. Чөнки сул яктан болыт булса да, уң яктан һәрчак кояшка юл!


Ялгыз тургай
(баллада)

Зәңгәр күкне иңләп-буйлап
Оча бер ялгыз тургай.
Нидер пышылдап кына
Әйтергә тели бугай.

Ул борчыла.Дустын югалткан
Аңладым һәрбер сүзен
Юатырга тырыштым
Тынычландырдым үзен.

Нәни кошчык,түз инде!
Үпкәләмә язмышка!
Карап моңсу күзләренә
Киңәш бирдем бу кошка.

Беләм, кошым, кайгың зур
Минем сүземне тыңла:
Бар хәсрәтеңне онытып,
Йөрәк түреннән җырла!

Гүзәл тавышың белән
Җырла дустың турында
Җан сердәшең һәрвакыт
Булыр синең уеңда.

... Киңәшемне тотып кошчык
Талпынды бер урында
Җырлады бик тырышып
Туган иле турында.

Болыннарны, кырларны
Җырларында мактады.
Ә югалган дусты хисен
Йөрәгендә саклады.

Зәңгәр күкләрне яңгыратып,
Ишетелә бер кошның җыры.
Уелып керә күңелгә
Ялгыз тургаем моңы.

Җырлый ул көнен-төнен
Яңгыратып һаваны
Җырлары аша тапты
Ялгызлактан дәваны.

Яшәү йомгагы

Дөньядагы һәрбер кеше
Елый күңел бушата.
Ачы-ачы яшьләр түгеп,
Кайгыларын йомшарта.

Әрнү-сагыш, кайгы-хәсрәт –
Елауның төп сәбәбе.
Ләкин бәхет – шатлыктан да
Елауга син сәләтле.

Кеше бит ул – ачылмас сер
Күпме хисләргә ул бай!
Йөрәк серем ачыр өчен
Газап чигәм мин шулай.

Яшәү кадрен белеп яшәп,
Син бик күпне җиңәрсең.
Тормышыңны айкап чыгып,
Дөньяларны гизәрсең.

Яшәү йомгагын сүтәргә
Зур тәҗрибә салына.
Ә тәҗрибә үзе дә бит.
Яшәп кенә алына.

Хыялымда йөрткән изге кешем

Хыялымда йөрткән изге кешем
Эзләдем сине аккан сулардан.
Йөрәк талпынуына дәва итеп,
Эзләдем һавадагы йолдызлардан.

Хыялымда йөрткән изге кешем
Һәрчак тоттым сине күңел түрендә
Күзләремне йомдым өмет белән
Уйлап төшләремдә күрергә.

Хыялымда йөрткән изге кешем
Гомерем буе сиңа табындым
Язмыш юлларына чыгуыңны,
Килүеңне көтеп арыдым.

Хыялымда йөрткән кешем – сине бары
Татлы хисләр булуыңны аңладым.
Ә чынлыкта исә, хыялымда яшәп,
Бары үз-үземне генә алдадым.

Кышның ак карлары

Мамык карлар ява җир йөзенә,
Көлтә-көлтә карлар коела.
Әйтерсең лә, чәчәк бәйләмнәре
Күктән төшкән кебек тоела.

Энҗе кебек ялтыравык карлар ява,
Тәлгәш кардан агач коена.
Ап-ак йомшак карның бөртекләре
Әкрен генә төшеп сыена.

Табигатьтә сафлык бәйрәм итә,
Ак карларга ул да шатлана.
Илаһи бер хозурлык хисеннән
Бөек җиһан ясый тантана.

Әнидән кадерле бүләк

Яңа гына туган балама
Бизәп-сырлап әни юрган җибәргән.
Күчтәнәчнең түбәнге бер өлешенә
“Сабыйга” – дип теләк теләгән.

Атап биргән бу бүләкнең серен
Нәни балам үсә төшкәч үзе аңлар
Менә шулай нәсел җебен дәвам итә
Әби, әни, сабый дигән күркәм затлар.

Бизәкләтеп язган әниемнең сүзе
Тирән уйга салды йөрәкне.
Чын күңелемнән рәхмәт әйтәм:
“Әни, кадерләп сакларбыз синең бүләкне!”

Әни

Өч хәрефтән торган бу сүз
Иң газиз сүз җир шарында
Алтын һәйкәл куяр идем
Әниләрнең барына.

Балаларның телләре дә
Ачыла бит “әни” диеп,
Барлык булган яхшылыкны
Үсәбез әнидән күреп.

Нурлы йөзен, тәмле сүзен
Жәлләми ул беркайчан да
Әни кирәк һәрвакытта
Балачакта, картайгач та.

Карап куям әниемә
Ап-ак чәч тәлгәшләре
Күпме йокысыз төннәр
Түгелгән күз яшьләре.

Рәнҗетмик без әниләрне
Картаймасын йөзләре
Тыныч булсын һәрвакытта
Җәйләре һәм көзләре.

Кызганмыйк без әниләрдән
Җылы, матур сүзләрне
Әни белән тиңләштерик
Кабынган йолдызларны.

Туган ягым – газиз җирем

Туган ягым – яшел бишек
Былбыллардай сайрар кошларың
Ак каеннар мине сәламлиләр
Каршы алып, җәеп кочагын.

Түгәрәк син, бетмәс – төкәнмәс тә
Киңлекләрең тоташа күкләргә
Яшәү чыганагы, хозурлык та син
Шифаң тия бик-бик күпләргә.

Челтерәп-челтерәп ага чишмәләрең
Җир куеныннан тәңкә чыгарып.
Яшел хатфә - иркен болыныңда
Үсә чәчәк, җиләк пешә кызарып.

Аланнарың-киңлекләрең иркен
Юк бит синдә ишек – киртәләр.
Туган җиргә булган изге хисләр
Буыннардан – буыннарга күчәрләр.

Мин эзләмим бу җиһаннан алтын-көмеш
Рухи байлык белән тулы күңелем.
Кендек каным шушы җиргә тамгангамы
Беләм, яшәвемнең башкача мөмкин түгелен.

Менә тагын кайттым бик сагынып сине
Йөрәк ярсуына юк бер чамам.
Үзәнеңә башым куеп ант итәм мин
Туган ягым сине бер дә ташламам! 


Сәхифәнең авторы Ләйсән ФӘТХЕТДИНОВА
Матбугат.ру
№ --- | 13.12.2010
Матбугат.ру печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Глобэкс промоушен
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»
Piter.tatar