Ленин музеенда «әкияти мотивлар» күргәзмәсе ачыла

5 февраль көнне В.И. Ленин музей-йортында Николай Рябовның «Әтинең өч улы бар иде» дип исемләнгән картиналар күргәзмәсе эшли башлаячак. Вернисаж музееның «Сәнгать оптимизм проекты» кысаларында «Кызыл дивар» күргәзмә мәйданчыгында ачыла.

«Проект…» музейга килүчеләргә шәхси күргәзмәләр, тематик кичәләр һәм концертлар форматында Казанның үз һөнәренең осталары булган иҗат кешеләрен тәкъдим итә. Николай Рябов – КДАТУның архитектура мирасын һәм архитектура нигезләрен реконструкцияләү һәм реставрацияләү кафедрасының өлкән укытучысы; «ДАШКА» балалар архитектура-дизайн мәктәбе педагогы; Россия Федерациясе Дизайнерлар берлеге һәм Рәссамнар һөнәр берлеге әгъзасы, күпсанлы күргәзмәләр авторы.

Рәссамны һәм В.И. Ленин музей-йортын 12 ел дәвамында дустанә, иҗади мөнәсәбәтләр бәйли. Николай Федорович музейда берничә тапкыр креатив фикер һәм үз фәлсәфәсе булган үзенчәлекле эшләр тәкъдим итте. Күргәзмә эшчәнлегеннән тыш, ул укучылар, студентлар өчен тематик чаралар һәм хәйрия акцияләре оештыруда да катнаша.

Яңа күргәзмә «Әтинең өч улы бар иде» дигән гомуми тема белән берләшкән 20 зур булмаган рәсем эшен тәкъдим итәчәк. Кешеләрнең үз-үзләрең тотышын мифологик фикерләү билгеләгән борынгы заманнардан таныш әкияти мотив. Эшләрнең башкару техникасы – акриллы рәсем сәнгате, стилистикасы – магик реализм.

Рәсемнәр – авторның бүгенге дөнья турындагы уй-фикерләренең чагылышы. Николай Федорович үзе: «Ленин музей-йортында Һәр рәсем өстәмә мәгънәгә ия булачак: өч туган абый Ульяновлар – Александр, Владимир һәм Дмитрий – әтиләре Илья Николаевичның уллары булганга гына булса да. Аларның һәркайсының үз язмышы һәм ниндидер үз әкияти тарихы; үткәнгә һәм киләчәккә үзенчәлекле «ачкычлар бәйләнеше».

Күргәзмәгә музей билеты буенча 2022 елның 5 апреленә кадәр кереп булла, дип хәбәр итә Милли Музейның матбугат хезмәте.

Музейның адресы: Ульянов-Ленин ур., 58. Тел. +7 (843) 236 90 12