05.12.2021 Бәйге

«ТӘЭСИР» татарча видеороликлар бәйгесенең ноябрь җиңүчеләрен котлыйбыз!

Ниһаять, 5 декабрь дә килеп җитте. Нинди көн бу? Дөрес! «ТӘЭСИР» бәйгесенең ноябрь ае җиңүчеләрен игълан итәр көн. Исегезгә төшерәбез: Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән «Матбугат.ру» порталы оештырган әлеге бәйге ай саен оештырыла.

Шулай итеп, ноябрь җиңүчеләрен каршы алыгыз:

1 урын (50 мең сум):

Эльвира Шәфыйкова

“Үткәнен белмәгәннең – киләчәге юк”

2 урын (30 мең сум):

Суфия Вәлиева

“Алтын балык”

3 урын (20 мең сум):

Ришат Мөхәммәтшин

“Фермер тормышыннан бер көн”

Өченче урынны яулаган кеше – Түбән Кама районы Түбән Уратма авылыннан Ришат Мөхәммәтшин безгә болай дип язып җибәргән:

“Хөрмәтле оештыручылар һәм жюри әгъзалары! Җәй буе сезнең конкурсның нәтиҗәләрен карап, кызыгып йөрдек. Шәхси хуҗалык турында берәр видео булмас микән дип көттек. Ниһаять, махсус сезнең бәйге өчен видео төшерергә кулыбыз җитте. Татар фермерлары турында да видео булсын әле. СөбханАлла дип карагыз”.

СөбханАлла дип карадык. Җиңүчеләрне котлыйбыз! Ә «ТӘЭСИР» бәйгесе дәвам итә. Видеоларыгызны 20 декабрьгә кадәр bayge.tatar@mail.ru адресына җибәрегез. Бөтен шартлар Bayge.tatar сайтында.

12+

---
Татар телен һәм ТР яшәүче халыклар вәкилләренең
туган телләрен саклау, үстерү мәсьәләләре комиссиясе
№ --- | 05.12.2021