|
|
Бүген кемнәр туган
|
|
Архив
|
18.11.2021 Шоу-бизнес
"Лучше нет подарка, чем жена-татарка""Давай поженимся"да Уфа кызын димләп, Роза Сабитова кияүгә шулай дигән. Беренче каналда барган "Давай поженимся" тапшыруында күптән түгел Уфадан 31 яшьлек Алинә исемле кыз катнашты. Кияүгә 38 яшь, Артем исемле, Сочидан килгән. Өч кыз арасыннан ул якташыбыз Алинәне сайлады.
Тапшыруның герое Сеулда хайваннарның клоннарын ясау буенча генетик лаборатория хуҗасы һәм ул үзенә тормыш иптәше табарга килгән. Алинә визажист һәм стилист булып эшли, зур тату гаилә турында хыяллана.
Кияү белән танышырга чыкканда Алинә Артемга чәкчәк бүләк итте. Тапшыруны алып баручылар - Лариса Гузеева һәм Роза Сабитовага да күчтәнәчләр өләште. Бүләк сыйфатында кыз «Бас, кызым, Әпипә» биюен алып килгән иде.
Алинә элекке ире белән ике ел яшәгән. Егете белән дүрт ел очрашып йөреп, өйләнешсәләр дә, бер-берсенә туры килмәгәннәрен аңлап, аерылышканнар.
Кызны Артем да, алып баручылар да ошатты. Роза Сабитова: «Лучше нет подарка, чем жена – татарка»,– дип шаяртып та алды. Артем, чыннан да, программа ахырында өч кыз арасыннан кәләш итеп Алинәне сайлады. https://roksa.ch
Ләйсән КАСПРАНОВА |
Иң күп укылган
|