|
|
Бүген кемнәр туган
|
|
Архив
|
23.09.2021 Мәдәният
Айдар Фәйзрахманов «ТАТАR СҮЗЕ» бәйгесенә килгән 4 меңгә якын эшне ничек бәяләүләре турында сөйләде«Татар-информ» мәгълүмат агентлыгында Татар дәүләт филармониясе оештырган проектлар турында сөйләделәр. Шушы көннәрдә «ТАТАR СҮЗЕ» бәйгесенең икенчесе старт алды. Гаризалар кабул итү 1 декабрьгә кадәр дәвам итә. Ә җиңүчеләрне 2022 елның 21 февралендә Туган тел көнендә тантаналы рәвештә игълан итәчәкләр. Беренче «ТАТАR СҮЗЕ» бәйгесе зур шау-шу белән узган иде. Катнашучылар саны үзе үк әйтеп тора. 4 меңгә якын кеше бәйгегә үз эшләрен җибәргән. «Бу кадәр эшне жюри әгъзалары ничек карап бетерә ала?», - дип сорады «Матбугат.ру» хәбәрчесе Айдар абый Фәйзрахмановтан. Жюри әгъзалары берничә тапкыр җыела икән. Беренче җыелышта эш планын хәл итәләр, нинди критерийлар, нинди тәртипләр буенча сайлау үткәрәчәкләре турында фикерләшәләр. Аннары жюри әгъзаларына эшләр бүлеп бирелә. Бер кат иләктән узган кандидатларны кабат карыйлар.
«Жюри бик килешеп, аңлашып эшләде. Быел да шулай булыр дип өметләнәбез», - диде Айдар Фәйзрахманов.
Исегезгә төшерәбез: «ТАТАR СҮЗЕ» бәйгесен Татарстан Президенты каршындагы Татар телен саклау һәм үстерү мәсьәләләре комиссиясе башлангычы белән Габдулла Тукай исемендәге Татар дәүләт филармониясе оештыра. Бәйгенең премиаль фонд – 1,6 млн сум. Әлеге бәйге турында «Матбугат.ру»да даими язып торырбыз.
--- |
Иң күп укылган
|