14.05.2021 Криминал

"Мин гимназиягә үтерергә килдем..."

Казан мәктәбенә һөҗүм итүче күрсәтмә бирә башлаган. Менә алардан өзекләр:

"Ни өчен бу мәктәптә үтердем? Чөнки ул минем белән янәшә һәм анда укучылар күп. Бу гимназиядә мин тугызынчы сыйныфка кадәр укыдым. Мин андагы укытучыларны беләм, гимназиянең коридорлары, уку заллары таныш".

"6 майда иртүк пычак алырга әниләр фатирына киттем, аннары 175нче гимназиягә барып, расписаниене карамакчы идем, чөнки терактны шул көнне оештырырга ниятләгән идем.

Әниләр фатирында абый үзе генә иде. Әниләр эштә. Домофонга шалтыратып, абыйга, керт, дидем, әмма ул мине кертмәде, чөнки ул миннән курка. Мин аңа, пычак кирәк, дидем, ул ачмады". Әтисенә шалтыратканнан соң гына, ачык ишек аша абыйсы Илназга пычак бирә һәм яңадан бикләнә.

"Аннары мин 175нче гимназиягә расписаниене карарга киттем. Мәктәп бикле икәнен белгәч, өйгә кайттым, терактны яллардан соңгы беренче көнне, 11 майда эшләргә булдым".

"11 майда иртәнге алтыда тордым, 7.20 тулганны көтеп, җәяү расписание карарга гимназиягә киттем. Беренче катта, гимназиягә кергәндә мин икенче дәреснең 8.55 сәгатьтә башланачагын белдем. Миңа бу мөһим иде, чөнки мин терактны икенче дәрес вакытында уздырырга булдым.

Вахтер хатын минем монда торырга хакым юклыгын әйтеп куа башлады. Мин өйгә кайтып киттем. Өйдән гимназиягә кадәр 300 метр тирәсе, 4 минут тирәсендә үтәргә була.

Өйгә кайткач, 8.30 сәгатьтә киенә башладым. Аннары ике фото ясадым. Беренчесе — көзге каршында бөтен буйга басып. Икенчесе — битне генә.

Аннары мобиль телефоннан бу фотоларны үз телеграм-каналыма җибәрдем һәм "биочүпләрне атам һәм үзем дә атылып үләм", дип яздым".

"Үзем аткан кешеләрнең бөтенесен дә мин үтерергә теләдем, яраларга гына түгел. Әгәр кемне дә булса яраласам, ул аларны яралау яисә куркыту максатыннан түгел, тидерә алмаганга, аннары мин алар үлгәнме-юкмы икәнен тикшереп карамаганга. Үзем аткан бөтен кешеләрне дә үтердем дип өметләндем.

Башта мин гимназиядә егермегә якын кешене үтерергә теләдем, аннары көчем, мөмкинлекләрем җитәр микән, дип уйладым. Мин гимназиягә үтерергә килдем, яраларга, куркытырга түгел...».

Менә шундый вәхшиләр безнең янәшәбездә тәрбияләнә...

Чыганак

Фото: Николай МЕДВЕДЕВ

---
Матбугат.ру
№ --- | 14.05.2021