|
|
Бүген кемнәр туган
|
|
Архив
|
21.04.2021 Җәмгыять
Яшь аналар һәм йөкле хатыннар өчен Владимир Путин яңа түләүләр кертәАеруча да тулы булмаган гаиләләрдә бала тәрбияләү авыр. Аларга тагын да зуррак ярдәм кирәк, дип билгеләп үтте Президент. “Хәзер без бәяләр арту белән очраштык. Алар халыкның керемен “йота” бара. 90 еллар, 80 елларда ниләр булганын хәтерлибез. Киштәләр бушап калды. Моның өчен базар механизмнарын куллану кирәк. Алар бар. Иң мөһиме хәзер гражданнарның реаль керемнәрен арттыру тора. Иң мөһиме авыр хәлдә булган гаиләләргә дәүләт ярдәм күрсәтергә тиеш”, - диде Владимир Путин юллама вакытында һәм Россиядә 7 яшькә кадәр балаларга нинди ярдәм күрсәтелүен искәртеп үтте.
Аеруча да тулы булмаган гаиләләрдә бала тәрбияләү авыр. Аларга тагын да зуррак ярдәм кирәк, дип билгеләп үтте Президент.
Юллама вакытында яшь аналарга да игътибар бирелде.
"Хәзер “больничный” түләүләре эш стажына бәйле. Быелдан 7 яшькә кадәр балалары булганнарга “больничный” хезмәт хакыннан 100 процент күләмдә түләнергә тиеш, - диде Путин.
Моннан тыш, Федераль җыенга юллама вакытында Россия Президенты Владимир Путин булачак ана дәүләт тарафыннан ярдәм алырга тиеш, дигән фикерен җиткерде.
Россия Президенты Владимир Путин аз керемле йөкле хатын-кызларга 6350 сум күләмендә пособие түләргә тәкъдим итте.
“Булачак ананың дәүләт тарафыннан ярдәм алуы бик мөһим. Ул баласын үстерергә, аякка бастырырга ярдәм итәчәкләренә ышанырга тиеш. Йөклелекнең беренче айларында ук теркәлгән, авыр матди хәлдәге хатын-кызларга айлык пособие түләргә тәкъдим итәм”, - диде Путин.
Фото: пиксабай
Лилия ЛОКМАНОВА |
Иң күп укылган
|