Рифат Зарипов: "Барыбызның да гаиләсе, кредиты бар. Ашарга, яшәргә кирәк. Үземне генә кайгыртып йөри торган эш түгел"

 

— Әлегә Казанда Сибгат Хәким урамында яшибез. Өченче ел шәһәр читеннән — “Живописный” бистәсеннән җир сатып алдык. Шунда былтыр җәй нигез салдык, йортны әкрен генә төзибез.

 

 

— Илдус һәм Илгиз исемле абыйларым бар. Өч гаилә — барлыгы уннан артык кеше берничә ел бер түбә астында яшәдек. Рәхәтләнеп сыйдык. Хәзер һәрберебезнең үз фатиры бар. Шөкер, безгә дә, аларга да булды.

 

— Без гади гаиләдә үстек. Әни мәктәптә җыештыручы булып эшләде. Әти нефть чыгара торган оешмада тракторчы иде. Хәзер икесе дә пенсиядә. Кунакка килеп-китеп йөриләр.

 

 

— Соңгы тапкыр авылга 23 февраль алдыннан кайттык. Күршеләр, сыйныфташлар белән күрештем, аралаштым. Дуслар белән кар чанасында йөреп, Бакайны аркылыга-буйга гизеп, ял итеп килдем. И-и, авылда нинди “йолдыз” инде мин... Алай булуын теләмим дә. Рифкать белән Рәмзиянең гап-гади улы Рифат мин. Укырга киткәндә нинди булсам, хәзер дә шул ук. Авылда гына түгел, гомумән, бөтен җирдә ничек бар, шундый. Үзгәрә, масая белмим.

 

Рифатның хатыны Диләрә — Түбән Кама кызы. Өйләнешкәнче, Рифат төркемендә биюче булып эшләде. Гаилә корганнарына җиде ел була. Уллары Исламга 5 яшь.

 

 

— Хатыным бер компаниядә хезмәт куя. Кул астында эшләүчеләр шактый. Хезмәт хакын да әйбәт ала. “Өйдә тик ятасы килми. Берәр җирдә эшлим әле”, — дип сорагач: “Ярар, әйдә”, — дип, уйнап кына башланган эш иде. Уеннан чынга әверелеп китте. Яхшы суммада акча алып кайта башлагач, тагын да рәхәт булды (көлә).

 

 

— Состав шул ук, үзгәрмәде. Бергәләп эшлибез, булдыра алганча хезмәт хакы түлим. Барыбызның да гаиләсе, кредиты бар. Ашарга, яшәргә кирәк. Үземне генә кайгыртып йөри торган эш түгел. Бер-беребезне аңлап, матур итеп эшләргә тырышабыз. Киләчәктә тулы залларга чыгыш ясарга насыйп булсын.