Рәзил Борчак: «Читтәге татарларны шаян формада туган телгә өйрәтәм»

 

–  Гаилә тормышы бик үзенчәлекле икән ул, кызык-мызыклар да  булгалый. Тормыш иптәшем Элинаны беренче тапкыр әти-әнием белән таныштырырга алып кайткач, 15 банка чия компоты яптык.

 

 

– Таба башлады инде. Менә шул компот каплаганнарны төшереп, «Тик-Ток» һәм «Инстаграм»га керттем. «Вишневые будни» дип исемен дә куйдым.

 

 

– Ялкаулыктыр. Аннан соң, андый видеоларны «Инстаграм» яратмый, кабул итми башлады. Лайклар, караучылар саны кимеде. Шуңа да мин яңа «Будни…» дигән форматта төшерәм. Барыбызга да таныш хәлләрне халык ярата, кызыксынып карый.

 

 

– Интернетта үземне популяр дип санамыйм. Минем өчен блогер булу – хобби гына.

 

 

– Мин моны татарчаны онытып, тулысынча русча сөйләшер өчен түгел, ә чит җирләрдә яшәгән татарларны җыеп, татар теленә кызыксындыру уятыр өчен эшләдем. Телебезне пропагандалауның бер чарасы бу. Минем сәхифәмдә «Уроки татарского мастерства» дигән рубрика бар, татар сүзләрен, аларның төрле очракларда кулланылышын өйрәтәм. Шаян формада, әлбәттә. Хәзер «Тик-Ток» алгы планга чыкты, шуңа да видеоларны күбесенчә рус телендә төшерәм.

 

 

– Ул һәрвакыт минем хобби гына булды, хәзер дә шулай. Гаиләле булгач, хәзер күп вакытымны якыннарыма багышлыйм.

 

 

– Аларның барысы да якын. Хәзергә бөтенесен берьюлы эшлим. Көллияттә баянчыларга белем бирәм, туйлар алып барам, ә видеоларны сирәк-мирәк кенә төшерәм.

 

– Бар. «Кызык-мызык» (Илназ Габидуллин), «Булат Браво» (Булат Абдрахманов), «Татар малай» (Ринат Галиәхмәтов), «Кишер» (Рәдис Гарипов), Рәмис Гыйлметдинов («Дневник татарина») белән бик яхшы аралашып торабыз. Тик алар шалтыратканда, мин җавап бирәм, мин шалтыратканда – алар алмый.