|
|
Бүген кемнәр туган
|
|
Архив
|
09.10.2020 Шоу-бизнес
"Элвин Грейның киемнәрен күрүгә, миндә нәфрәт хисе барлыкка килә"Беркөнне телевизорны TMTV каналына күчереп куйсам, Радик Юльякшин исемле җырлаучы җырлаган булып маташа. Әле аның Эльвин Грей дигән ни русча, ни татарча исеме дә бар. Бер генә, үзенең исеме генә җитми микәнни? Бүтәннәргә ничектер, аның килешсез киемнәрен күрүгә, миндә нәфрәт хисе барлыкка килә. Бу юлы да киеменең энә-талагы юк иде: курткага охшаган нәрсә астыннан чабулары төрле озынлыктагы халатмы-күлмәкме кигән, аннан бау шикелле нәрсә асылынып тора... Юльякшин җырлап бетергәч, концертны алып баручы, карадан киенгән Гөлназ Сәфәрова аны мактый башлады. Радик-Эльвинның беләгендә кап-кара татуировка бар икән, ул аны күрсәтеп, мактангандай да булды әле. Аңа: “Син мөселман бит, нишләп мондый әйбер ясаттың?” – дип әйтүчеләр дә бар икән, үзе шулай сөйләде. Гөлназ мактагач, Радик шуңа шатланып: “Мактау сүзләре ишеткәч, күңел булды”, – диде. Артистлар мәдәният хезмәткәрләре булгач, сәхнәдә үзләрен килешле тотулары, затлы, зәвыклы киемнәре белән халыкны культуралы булырга, чисталык-пөхтәлеккә, матурлыкка өндәргә, үрнәк күрсәтергә тиешләр дип саныйм мин. Кемнәргәдер барыбердер, теләсә-ничек кылансыннар дип уйлыйлардыр, бәлки. Әмма безгә үз йөзебезне саклап калырга кирәк бит инде! Җырчы туташ-ханымнар арасында да эчке күлмәккә охшаган, итәге идәннән өстерәлеп, тузан җыеп йөри торган күлмәк киючеләр бар. Бу бер дә культуралылык билгесе түгел инде, минемчә.
Рәфкать ИБРАҺИМОВ, Казан |
Иң күп укылган
|