Ильяс Халиковның 2018 елда иҗат ителгән җырына клип чыкты (ВИДЕО)

Ильяс Халиков тамашачылары өчен инстаграм аккаунтында «Тормыш көрәштән тора» дигән җырына клибын тәкъдим итте. Аны карагач, ел буе күрешмәгән авылдашлар, дуслар белән күрешүдән бигрәк, мәйдан батырының кем булачагын беләсе килгән вакытлар искә төште. Ә көрәш барышында һәркайсы өчен җан атып торасың, күңелдән барысының да җиңүче булуын телисең. Бу җыр да, клип да уйландырырлык.

«Көрәш ярышлары сагындыра бит, дуслар! Татарның йөзек кашы булган көрәш бәйгеләре дә кимеде быел. Чираттагы музыкаль бизәлешле көрәш турындагы җырыбызны барлык көрәшчеләргә, көрәш яратучы тамашачыларга багышлыйм!» - дип яза ул инстаграмда. 

 

 

 

 

Посмотреть эту публикацию в Instagram

 

 

 

 

 

 

 

 

 

Көрәш ярышлары сагындыра бит дуслар!Татарның йөзек кашы булган көрәш бәйгеләре дә сизелерлек кимеде быел! Чираттагы музыкаль бизәлешле көрәш турындагы җырыбызны барлык көрәшчеләргә, көрәш яратучы тамашачыларга багышлыйм!!!!! Бу җыр 2018 елда ук язылган иде. Көрәш турында бер җыр иҗат итәсе килә дигәч, Нурфия көннәрдән бер көнне шигырен тоттырды: " Мә укып чык, үзгәртәсе җирләрен үзгәртерсең, көне буе көрәш турында уйланып йөрисең.Җырың матур чыкса, бәлки радиодан да ишетербез"-диеп өстәл өстенә куйды..... Җыр язылды...Инде менә клибын Сезгә тәкъдим итәм. Клип дигәннән, төрле фикерләр тудырыр ул Сезгә. Чөнки клипта "Манзара проекты" оештырган көрәш бәйгесе күренешләре анда!!!! Аерым алганда, Россиянең Сабантуйлар батырлары көрәше күренеше. Цирк бинасында пәһлеван егетләр бил алыша!!!! Клипның ахыргы финал өлешен карарга онытмагыз!!! Минтимер Шәймиевның интервьюсыннан бер фикер истә калган:"Тормышта көрәшергә кирәк, көрәшмичә тормыш итеп булмый" - дигән фикере безнең халыкка аеруча тәңгәл килә. Әлбәттә, моны төрлечә аңларга була. Әмма "Тормыш көрәштән тора! "Кечкенә вакытымда, әтием туганыбыз мәрхүм Спорт остазы Дахизулла Зиннатов көрәшен каратып үстерә иде. Ә соңыннан үзем дә көрәшә башлагач, бертуган абыем спорт остазы Ислам Халиков көрәш доньясын икенче яктан ачып салды. Җиңәр өчен күп көч куярга, иртәдән кичкә кадәр тән өстендә шөгыльләнүләр... Әле дә хәтердә, Ислам абый авылыбызның иң текә тавына кулларга таш тоттырып йөгерергә мәҗбүр итә иде. Беренче вакытта шул тауны менгән чакта күз яшьләре дә чыкалый, әмма абыйның :"Трудно - учится,легко в бою !"- дигән сүзләре алга таба барырга этәрә. Нишлисең тырышлык юкка китмәгән:район,зона,республика көрәш мәйданнарында җиңү яулаулар, тырышып шогельләнү нәтиҗәсе булды. Көрәш бн студент еллары бик нык бәйләнгән! КДПУда укыган елларда Вакиф Давлетшин кулы астында шөгыльләнү аерым донья ! Клипка кире кайтыйк әле...Клипта Иң дулкынландырганы-үзара дус булган егетләр Муса Галлямов һәм Раил Нургалиев көрәш мизгелләре. Бу алышта Раил җиңеп чыкты. Шунысы ихтирамга лаек, Раил үзенең җиңү поясын әнисенең иңенә салды. Әйе шул, нинди генә батыр булсак та кадерле әни-әтиләрбезгә хөрмәт беренче булырга тиеш

Публикация от Ильяс Халиков (@ilyas_halikov) 5 Окт 2020 в 9:42 PDT