Альбина Апанаева 10 елдан артык эшләгән эшеннән киткән

Туган көне: 21 май 1981 ел.

 

Туган җире: Яр Чаллы шәһәре.

 

Белеме: югары профильле белемгә ия. Казан дәүләт мәдәният һәм сәнгать университетын тәмамлаган. Икенче югары белеме дә бар: Казан социаль-юридик институты(пиар һәм җәмәгатьчелек белән элемтә).

 

Гаилә хәле: кияүдә,  тормыш иптәше Рафаэль, Миралия исемле кызлары бар.

 

Гаиләсе белән  Казан шәһәрендә яши.

 

 

-  Укырга бик яратам. Яңа гына Роберт Киосакиның “Богатый папа, бедный папа” китабына заказ бирдем. Финанаслар турында. Аны укыячакмын.

 

 

- “Анатомия страсти” сериалын мөкиббән китеп карадым. Соңгы сезонын көтәм. Беркайчан да сериаллар караганым юк иде әлегә кадәр, ә бу сериал бик кызыксындырды мине.

 

 

- Эремчектән әзерләнгән ризыкларны ашарга яратам. Шулай ук салатларны, диңгез продуктларын. Катлаулы ризыклар пешерергә яратмыйм. Вакыт һәм кәеф булганда  гына пешерәм андыйларын. Мәсәлән, кызымның туган көненә торт әзерләдем. Кәефем булып пешерсәм генә, әзерләү процессы белән ләззәтләнәм.

 

 

-  Тырыш һәм сабыр.

 

 

- Әйтә алмыйм, чөнки беркем бернидән страховкаланмаган.

 

 

- Иҗат юлым “Чын дустым” җырыннан (Гөлсәрвәр сүзләре, Оскар Усманов көе) башланды. Шушы җыр мине популярлаштырды. Оскар Усмановның күп җырларын җырладым. Мин аңарга бик рәхмәтлемен.

 

Иң беренче сольный концертым Арчада үтте. Залда алма төшәрлек тә урын калмаган иде, хәтта аралыкларга да утыргычлар куелган иде. Бик дулкынландым. Русланга бик рәхмәтлемен, ул вакытта нәкъ ул бөтен нәрсәне оештырырга ярдәм иткән иде.

 

Шуннан соң сольный концертларым Казан, Яр Чаллы, Әлмәт, Ижевск, Ырынбур шәһәрләрендә һәм, әлбәттә, районнарда узды.

 

Минем Галиәсгәр Камал театрында сольный концерт оештыру хыялым бар иде, тормышка ашты ул, Аллаһка шөкер. Театрның элекке  директоры мәрхүм Шамил Зиннур улы минем иҗатымны ярата иде. Шуңа күрә концерт ахырында фейерверклар җибәрергә рөхсәт бирде. Нәтиҗәдә концерт бик матур килеп чыкты. Мин анда 11 тапкыр образымны алыштырдым. Режиссура да бик көчле иде. Әлеге концерт минем йөрәгемдә мәңгегә уелып калды.

 

Элек җәй саен мәрхүм Ганс Сәйфуллин  “Яшьләр җыены” оештыра иде. Автобусларга утырып атна-ай буена район-авыллар буенча концертлар куеп йөри идек. Бу яшь җырчылар өчен бик яхшы тәҗрибә туплау мәктәбе  булды. Популярлашу мөмкинлеген бирде. Хәзер мондый әйбер юк инде.

 

 

- Әйе. 2011 елның апрелендә мин Әлмәттәге сольный концертларыма әзерләнеп йөргәндә телевидениедән Раил Өметбаев шалтыратып Төркиягә Денизли шәһәрендә узачак Turkish Vision фестиваленә чакырулары турында әйтте. Төрекләр мине кайдан белгәннәрдер,  үзләре табып чакырдылар. Мөгаен, интернетта күргәннәрдер.   2011 елның июнь аенда без – мин, Рафаэль  һәм Раиль Өметбаев  Төркиягә киттек.  “Китәм димә” җырымны төрек телендә җырладым фестивальдә. Әйтергә кирәк, Turkish Visionда 20 дән артык төрки телле республикалар катнашты. Анда барыбыз да дуслаштык, 10 көн бик күңелле һәм позитив үтте. Мине Төркиянең ТРТ каналына туры эфирга чакырдылар, 40 минут эфир вакыты бирделәр. “Чын дустым” җырын җырладым анда. Шушы эфирдан соң миңа төрек телендә альбом яздырырга һәм фильмда төшәргә тәкъдим иткән иделәр. Кыскасы, Төркиядән без канатланып, энергия алып кайткан идек.

 

-  Быел безнең  трио  –  Дилә Нигъмәтуллина, Анна Попова һәм мин – ТМТВ премиясен алдык. Минем тормышымда бу премия икенче. Беренчесе  “Моңлы хатирә” дигән җыр өчен бирелгән иде. Әле кызлар белән бик кызыклы проект өстендә эшлибез, яңа җырларыбыз бар.

 

Шулай ук үземнең проектларым да бар, әлбәттә. Мәсәлән, октябрьдә минем яңа җырым чыгачак, Аллаһ боерса.

 

 

- Дуслар белән яхшы компаниядә. Тормыш иптәшемнең туган ягы Башкортстанга барырга яратам, анда миңа рәхәт.

 

 

- Мин Башкортстанга гастрольләргә бардым. Оештыручылар безгә фатир әзерләргә тиеш иделәр. Бер ай мин Рафаэльның сеңлесендә яшәдем. Шунда аның белән танышып, аралашып киттек.

 

 

- 10 елдан артык  музыка мәктәбендә эшләдем. Яңа гына ул эштән киттем. Үзгәрешләр теләвем белән бәйле бу. Балачактагы кебек инде: нәрсә беләндер кызыксынам, өйрәнәм, килеп чыккач, икенче әйбергә өйрәнү теләге туа. Туйлар, юбилейлар, бәйрәмнәр оештырам, алып барам. Балаларга шәхси вокал дәресләре бирәм. Аларның продюсерлары буларак та эшлим.

 

 

- Андый хәлләр күп була инде.  Бер очрак искә төште. Ырынбур шәһәрендә сольный концертыма барырга чыктык автобуста. Бик каты буран иде. Әлмәттән ерак түгел ватылды машинабыз. Ярый бик еракка китмәгән идек.  Иртәнге сәгать алты. Сервислар әле ачылмаган. Кыскасы, ачылганын көткәнче, ремонтлаганчы 4 сәгать вакытыбызны югалттык. Нәтиҗәдә Ырынбурга  бик соңлап барып җиттек. Репетициягә вакыт юк. Залга халык җыела башлаган. Ярый тавыш операторым Сирень тиз генә аларның аппаратурасын көйләде. Шул арада мин тиз генә резин тапочкалар киеп душка йөгердем, чәчемне юып рәткә салганчы зал тулган, халык көтә иде. Тиз генә киенеп сәхнәгә чыктым. Ә концерт бик шәп узды ул көнне. Адреналин ярдәм иткәндер инде. Хәзер кызык. Әмма ул вакытта кызык булмады, нык кайгырган идек.

 

 

- Хыялларыгызны тормышка ашырырга тырышыгыз диясем килә. Бу, әлбәттә,  башларга басып барырга кирәк дигән сүз түгел, ә барысы да килеп чыгачак дип ышанырга кирәклекне аңлата. Мин, мәсәлән, хыялымны тормышка ашырыр өчен музыка мәктәбендә укыдым, хорда җырладым, пианинода уйнарга өйрәндем. Хәтеремдә әтинең миңа пианино алуын түземселек белән көткәнем. Ул вакытта без Германиядә яши идек, минем әтием хәрби иде. Менә шулай әкренләп хыялым чынга ашты.Әле сәхнәгә чыгарга хыялланучы балаларга үземнең тәҗрибәм, гамәлләрем белән ярдәм итәргә тырышам.

 

Хөрмәтле гәзит укучыларга сәламәтлек, бәхет һәм мәхәббәт телим.