|
|
Бүген кемнәр туган
|
|
Архив
|
23.09.2020 Криминал
Укытучы укучыны кыйнап үтергәнКытайның Сычуань провинциясендә яшәүче укытучы башлангыч сыйныфта белем алган укучыны дәрестә дөрес җавап бирмәгәне өчен үтергәнче кыйнаган. 10 сентябрьдә Кытайда укытучылар көнен билгеләгәннәр. 10 яшьлек укучы кыз укытучыларын, шул исәптә математика укытучысын да бәйрәм белән котлар өчен, мәктәпкә чәчәкләр күтәреп барган. Әмма аның дәресендә кыз бала ике сорауга дөрес җавап бирә алмый. Җәза рәвешендә педагог укучыны тезләндерә һәм колакларыннан тарта, башына суккалый башлый. Кыйналган кызның шул ук сыйныфта укыган игезәк сеңеле сөйләвенчә, җәза вакытында ул сеңлесенә ярдәм итә алмаган. Кыйналган кыз үз урынына сыйныфташлары ярдәмендә генә барып утыра алган.
Өч сәгатьтән укытучы, кызның картәнисенә шалтыратып, оныгын килеп алуларын үтенгән. Мәктәпкә килгәч, әбисе оныгының сөйләшә алмавын һәм күзләрен дә ача алмавын күрә. Кызны дәваханәгә алып китәләр, күп тә үтми ул шунда үлгән.
Картәнисе сөйләвенчә, кыз математика укытучысының дәресләренә йөрергә курыккан, чөнки укытучы балаларны кагып-сугып укыткан.
Шундый "педагог"лардан балаларыбызны Ходай үзе сакласын.
Автор : Әлфия Шакирҗанова
Чыганак: Lenta.ru
Фото: Reuters
--- |
Иң күп укылган
|