|
|
Бүген кемнәр туган
|
|
Архив
|
06.07.2020 Җәмгыять
40 градуска кадәр җитәчәк, диГидрометүзәк Русия төбәкләренең күбесендә эссе һава торышы урнашачак дип хәбәр итә. Мисал өчен, Белгород өлкәсендә кичә инде +35 ... +37 градус эссе булган. Тамбов өлкәсендә — +36га кадәр, Адыгея, Краснодар һәм Ставрополь крайларында — +39 ... +40, Волгоград өлкәсендә исә 42 градус эссе теркәлгән.
Югары һава температурасы, урыны-урыны белән хәтта янгыннар хәвефе белән янаган эсселәр Башкортстанда, Көньяк, Төньяк-Кавказ федераль округларында, Чиләбе, Курган, Кемерово өлкәләрендә, Алтай краенда, Чукотка автономияле округында көтелә. Халыктан учаклар якмауларын һәм сүндерелмәгән тәмәке төпчекләрен ташламауларын үтенәләр.
Бу атнаның беренче яртысында һава температурасы +26, +32 градуска кадәр күтәреләчәк, дип хәбәр итә синоптиклар. Һава температурасы гадәти нормалардан 3-5 градуска кадәр эссерәк булачак. Урал өстендә югары һава басымы хасил булу сәбәпле, явым-төшем көтелми диярлек.
Русиянең Гидрометүзәгендә хәбәр итүләренчә, Русиядә июльдә уртача һава температурасы күрсәткечләре норма тирәсендә булмакчы (норма +18,4). Явым-төшем күләме — гадәттәгедән азрак (нормасы 60-70 мм).
Автор : Әлфия Шакирҗанова
Чыганак: gtrk.tv
Фото: Видеодан скриншот.
--- |
Иң күп укылган
|