Рифат Зарипов: "Хәлдән килгәнчә ярдәм итәчәкмен..."

Бүгенге көндә һәркем билгесезлектә яши, шул исәптән артистлар. Күпме концертлар көзгә күчерелде, күпме тамашачы сабыр гына көтә?! Әмма араларында паникага бирелеп, билет акчаларын кайтаруны таләп итүчеләр дә бар. Татар эстрадасының популяр җырчысы Рифат Зариповтан билет акчаларын сораганнар. Бу хакта ул безгә үзе сөйләде.

 

 

- Аллага шөкер, әйбәт. Түбән Камада "теща"ларда ял итәбез. Балык тотабыз, шашлык кыздырабыз. Ифтарга әзерләнәбез.

 

 

- Инстаграмда директка, комментарийларда язалар. Сүз билгеле бер концерт турында түгел, төрле шәһәрләрдә концертлар булмый калды. Янәсе кассалар бикле, акчаны кире кайтармыйлар. Эшләмәгәч, бирмиләр инде. Эшли башлагач, кайтарырлар. Телиләр икән, шул билетлар белән көз көне булачак концертларга килә алалар. Концертка килмәгән очракта, үзизоляция тәмамлангач, билет акчаларын кассадан алырга мөмкин.

 

 

- Әйе шул. Кеше билет алдым да, Рифатка китте, дип уйлый. Без ул акчаларны концерт куймыйча алмыйбыз. Кайвакыт акчаны концерттан соң 3-4 көн узгач кына күчерәләр. Бу кухняны белгән кеше аңлый. Ләкин сабыр гына көтүчеләр дә бар. Яз буламы, көзме, кышмы - көтәбез, иң мөһиме - исән-сау булыйк, дип язалар.

 

 

- 14 кеше. Ипотека, кредиты булганнар түләүләрне 2-3 айга кичектереп торды. Минем белән ике абый эшли. Берсе шәһәрдә калды, икенчесе - гаиләсе белән авылда. Барабанда уйнаучы егетебез Мамадышта әниләрендә яши. Вакытлыча таксида эшли. Гитарист егетебез "Яндекс Еда" хезмәтенә эшкә кергән. Башкортстандагы администраторыбыз заправкага сакчы булып урнашкан. Аның гәүдәсе туры килеп тора: буе - 198 сантиметр, авырлыгы - 102 кило тирәсе. Һәрберсе көзгә кадәр эш тапты. Кызлар әниләрендә дип беләм. Бер мин генә эшсез. (көлә)

 

- Сүз дә юк, "запас"лар бар. Тик алар еллар буена җитмәячәк, 2-3 айга җитәргә мөмкин. Төркемдә ипотека һәм кредиты булган егетләргә эзләп йөрмәгез, мөрәҗәгать итегез, дидем. Хәлдән килгәнчә ярдәм итәчәкмен...