Бүген Хәлим Җәләловка 80 яшь тулды

1961 елда Казан театр училищесына укырга керә. Ш. Сарымсаков, Г. Шамуков, Х. Уразиков (һ.б.) кебек мәшһүр артистлардан, укытучы-остазлардан белем ала. Училищены тәмамлаганнан соң Г.Камал исемендәге академия театрында эшкә алына. Хезмәтнең башлангыч чорында иҗат иткән Янгир (Нәкый Исәнбәт “М.Җәлил”), Шәрифҗан (Аяз Гыйләҗев “Җиргә тапшырылган серләр”), Гайфи (Х. Вахит “Күк капусы ачылса”) һ.б. образлар аркылы Х. Җәлалов талантлы артист буларак халыкка танылды.

 

Х. Җәлалов әдәби әсәрләрне сәнгатьле укуы белән дә тамашачыларга билгеле шәхес. Радио-телевидение фондында сакланучы бик күп язмалар шул хакта сөйли. Үзе дә әдәби әсәрләр иҗат итә, тәрҗемә эше белән дә шөгыльләнә. А.Вампиловның “Провиния мәзәкләре” китабы (1987) аның тәрҗемәсендә дөнья күрде. Моннан тыш балаларга атап чыгарылган “Корчаңгы тай һәм таз малай” (1993), “Шәрә бүре” кебек китаплары да бар. Аның берничә пьесасы Г.Камал исемендәге академия театрында балалар өчен куелды.

 

Рольләре:  Сева — «Ата хакы — Тәңре хакы»  В.Лаврентьев Шәкүр — «Диләфрүзгә дүрт кияү» Т.Миңнуллин Сәйхун — «Ат карагы» Т.Миңнуллин Тамада — «Илгизәр + Вера» Т.Миңнуллин Кыяметдин — «Без китәбез, сез каласыз»  Т.Миңнуллин Шәрифҗан — «Җиргә тапшырылган серләр» А.Гыйләҗев Адаш — «Өч аршын җир» А.Гыйләҗев Ильяс — «Агыйдел» М.Әмир Рәшит — «Назлы кияү» К.Тинчурин Салих — «Казан сөлгесе» К.Тинчурин Гайфи — «Күк капусы ачылса» Х.Вахит Гыймран — «Ике килен-килендәш» Х.Вахит Шәйдулла — «Талак, талак» Х.Вахит Хөләй — «Качаклар» Н.Исәнбәт Бикәмәт — «3ифа»  Н.Исәнбәт Бригелла — «Болан-Патша» К.Гоцци Гыймади — «Зөләйха» Г.Исхакый Казыйхан — «Идегәй» Ю.Сафиуллин Ислам — «Артист-шоу» Г.Кариев, З.Хәким Хәмзә — «Баскетболист» М.Гыйләҗев.