|
|
Бүген кемнәр туган
|
|
Архив
|
20.03.2020 Җәмгыять
Азнакай музеенда күргәзмә оештырылдыАзнакай шәһәренең крайны өйрәнү музеенда «Бөек Җиңү маршаллары» дигән күргәзмә оештырылды. Ул якынлашып килүче бөтенхалык бәйрәме – Бөек Җиңүнең 75 еллык юбилее уңаеннан эшләнде. Музейның бер бүлмәсендә сугыш чоры хәрби җитәкчеләренең 20 фоторәсеме эленде. Аларны ЛКСМ Үзәк комитеты заказы буенча яхшы сыйфат белән Мәскәүдә эшләгәннәр. ТАССРның 100 еллыгына кадәр әлеге күчмә күргәзмә республиканың эре шәһәрләрен йөреп чыгачак һәм даими торучы экспозиция булып Казан шәһәрендә калачак.
Күргәзмә белән беренчеләрдән булып танышучылар арасында «Татнефть» берләшмәсенең элекке җитәкчесе Ш.Ф. Тәхәүетдинов һ.б.лар бар, аларда ул зур кызыксыну һәм Ватаныбыз өчен горурлану хисләре тудырды. Кызганычка каршы, карантин игълан ителү сәбәпле, музей вакытлыча кешеләрне кабул итә алмый тора.
Күргәзмә оештыруда ярдәм итүләре өчен республика комсомолы лидеры Илнур Зарипов Азнакай эшмәкәре Сирин Хафизовка, фиркадәшләре Рөстәм Харисов, Зиннур Зәйниевләргә һәм тарихчы Ирина Халикова җитәкчелегендәге музей коллективына рәхмәт җиткерә.
Хәким ГЫЙЛӘҖЕВ, муниципаль берәмлек депутаты,
РФ Журналистлар берлеге әгъзасы, хезмәт ветераны.
Рәсемнәрдә: музей һәм күргәзмә залы.
--- |
Иң күп укылган
|