• 11.04 "Микрофонсыз концерт". Казан. БКЗ. 18.00
  • 14.04 "Безнең җыр" иҗат лабораториясенең гала-концерты. Филармония. 18:30
  • 20.04 Вәис Бәйрәмовның иҗат кичәсе.Филармония. 18.30
  • 29.04 Фердинанд Фәтхинең юбилей концерты. Филармония. 18.30
Туган көннәр
  • 09 Апрель Айрат Арсланов
  • 09 Апрель Эльмира Исрафилова
  • 09 Апрель Рифкать Йосыпов
  • 10 Апрель Зөфәр Закиров
  • 10 Апрель Айрат Арсланов (1928-2010)
  • 10 Апрель Александр Долгов
  • 10 Апрель Рафис Фазылҗан
  • 10 Апрель Фәридә Төхвәтуллина
  • 10 Апрель Камил Бикмөхәммәтов
  • 10 Апрель Бикә Рәхимова
  • Казанның Проспект Победы урамында барлык уңайлыклары булган 1бүлмәле фатир арендага бирелә. янәшәдә МЕГА, мәктәп, балалар бакчасы. 12мең+КУ. 89375777702
  • Азнакай районында 7,5 га чәчүлек җир сатыла. 89600451800
  • Продаётся доильный аппарат МДУ5 на 2 козы б/у. Тел. 89172553973
  • Казанның Г.Кайбицкая урамында барлык уңайлыклары булган 1бүлмәле фатир арендага бирелә. 12мең+КУ.т.89196307461.
  • Ике булмэле фатирга бергэ яшэргэ бер кыз эзлим. Ибрагимова урамында. 4500 сум. Хужа. +79179361290 (ватсап)
  • Ф.Әмирхан урамында 1 бүлмәле фатыйр озак вакытка арендага бирелә. 13 мең сум. Телефон 89872974229
  • Казан.Губкина урамында 1 булмэле кв.озак вакытка арендага бирелэ.Барлык унайлыкларда бар.17 мен сум .Собственник. 89534003932
  • Актаныш,ярылган каен утыны сатыла! Телефон:89274777038
  • Ркб ягыннан квартира или булма снимать итабез тел 89393923808
  • Кама Тамагы районы, Сатлыган авылында йорты белэн участок сатыла. Янэшэдэ генэ кул бар, бик матур урында урнашкан. Жире 25 сутый. Тел 89053163640.

 

 
Архив
 

               

06.02.2020 Авыл

Быелгы кыш хикмәтләре дәвам итә

Кичә яңгыр яуган иде, бүген синоптиклар янәдән республика халкын һава шартларының бозылуы турында кисәтә. Алар җиткергән хәбәр буенча, бүген юлларда көчле бозлавык барлыкка киләчәк. Тулаем алганда, республикада атлантик циклоннар алып килгән аномаль җылы һава торышы сакланачак, ди белгечләр.

Мондый көйсез һава торышының уҗымнарга йогынтысы ничек? Кинәт суытып җибәреп, алар зыян күрмәсме? Белгечләр белән әнә шул турыда сөйләштек.
 
“Россельхозцентр” филиалы җитәкчесе урынбасары Любовь Занина әйтүенчә, гыйнварның беренче декадасы башка еллар белән чагыштырганда, 8–10 градуска җылырак булды. Шулай булуга карамастан, хәзерге вакытта уҗымнар яхшы хәлдә.
 
– Безнең үзәк белгечләре атна саен районнарда уҗым культураларының торышын тикшерә. Хәлләр барлык районнарда да бер дәрәҗәдә. Бу районда хәлләр начаррак, ә менә монысында яхшырак, дип әйтеп булмый, – ди ул.
 
Әйтергә кирәк, республиканың Авыл хуҗалыгы һәм азык-төлек министрлыгы мәгълүматлары буенча, Татарстанда уҗым мәйданнары якынча 500 мең гектарны алып тора. Исегезгә төшерәбез: узган ел Татарстанда явым-төшем җитмәү сәбәпле, 218 мең гектардан артык көзге культуралар һәлак булган иде. Әлегә мондый куркыныч юк, ди Татарстан авыл хуҗалыгы фәнни-тикшеренү институты директоры Марсель Таһиров.
 
– Бу кыш гадәти түгел. Һава температурасы җылырак. Уҗымнар да кар белән капланган, алар аста яхшы саклана. Шуңа күрә бүген уҗымнар начар хәлдә дип әйтеп булмый, – ди ул.
 
Марсель Таһиров әйтүенчә, уҗым культураларын саклап калу өчен үсемлекләрдәге шикәр күләме мөһим.
 
– Көз көне үсемлекләрдә 25–30 процент чамасы шикәр тупланды. Бу – уҗымнар кышлау өчен яхшы күрсәткеч, – ди директор.
 
Таһировның фикерен Любовь Занина да куәтли. Аның сөйләвенчә, шикәр күләме күбрәк булган саен, үсемлекләр кышны яхшы чыгачак. Уҗым культураларының хәлен тикшергәндә дә белгечләр әнә шуңа игътибар итә.
 
– Хәзерге вакытта уҗымнардагы шикәр күләме 20–30 процент арасында тирбәлә. Бу бик яхшы. Әлеге күрсәткеч төшә икән, үсемлекләр һәлак булырга мөмкин. Ләкин әлегә бу мәсьәләдә бернинди дә куркыныч янамый, – ди ул.
 
Районнардагы агрономнар арасында, кар яумыйча, көннәр кинәт суытып җибәрмәсен тагын, дигән курку да бар иде. Чөнки шулай булган очракта, үсемлекләр өстендә боз элпәсе барлыкка килеп, алар тончыгырга мөмкин иде.
 
– Аллага шөкер, кар бөтенләй юк дип әйтеп булмый, – ди Лаеш районының Хәерби авылы агрономы Шамил Кушмин. – Әле менә шушы көннәрдә генә уҗымнарның хәлен тикшерделәр. Начар түгел. Кар катламы калын булмаса да, көннәр җылы торгач, куркыныч юк. Хәзер инде көннәр бераз суытып җибәрсә дә куркырга кирәкми, чөнки юрган булып түшәлерлек кар яуды. Бүген дә явып тора әле.
 
Белгечләр әлеге вакытта кырлардагы боз катламының юка – ике сантиметр чамасы гына булуын әйтә. Ул уҗымнарга зур куркыныч тудырмый, ди алар.
 
– Әгәр боз катламы өч сантиметрдан артса һәм ул кырларда өч атна дәвамында ятса, бу үсемлекләрнең 40 процентын һәлак итәчәк. Барысы да температура уйнауга бәйле. Көндез җылы, төнлә салкынайту боз катламын булдырырга мөмкин. Без һәр атна саен температура режимын күзәтәбез. Әгәр боз катламы калынайса, борчылырга кирәк, – ди Любовь Занина.
 
Татарстан Дәүләт Советы рәисе урынбасары, элеккеге авыл хуҗалыгы министры Марат Әхмәтов исә, җылы һәм аз карлы “еврокыш” уҗымнарны йомшартырга һәм уңышка тискәре йогынты ясарга мөмкин, дип саный. Бу турыда ул “Татар-информ” хәбәрчесенә сөйләгән.
 
– “Йомшак” температура, җылы кыш уҗымнарга тирән йокыга китәргә мөмкинлек бирми. Шуңа күрә алар актив рәвештә шикәр куллануларын дәвам итәләр һәм язга йомшарып чыгарга мөмкиннәр. Уҗымнар бик яхшы старт ярдәме таләп итә – минераль ашламалар кирәк булачак, вегетация буенча алар шактый озак тернәкләнәчәк, – дигән ул.
 
Чәчүлекләргә бәйле хәлне озакка сузылган яки соң килгән яз, шулай ук февраль-март айларында калын кар катламы да кискенләштерергә мөмкин. Чәчүлекләр торышын бәяләргә һәм уңышны фаразларга вегетациягә чыкканнан соң гына мөмкин булачак.
 
– Әгәр уҗымнар кышлатудан “ярым ач” чыкса, бу  уңышка йогынты ясаячак. Уңышның нинди булуын вегетациягә чыккач кына якынча әйтергә мөмкин булачак, – дигән Марат Әхмәтов.

Зөһрә САДЫЙКОВА
Ватаным Татарстан
№ --- | 04.02.2020
Ватаным Татарстан печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казанская филармония
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
Милли Музей
Фирдүс Тямаев
Татаркино
Ханский дом
Балмай
Раяз Фасихов
MINBAR
Глобэкс промоушен
Dj Radik