• 28.05 "Гөргөри кияүләре" спектакле онлайн. Камал театры. 19:00
  • 29.05 "Диләфрүз - REMAKE" спектакле онлайн. Камал театры. 19:00
Туган көннәр
  • 26 Май Рәшит Шамкай
  • 26 Май Рафис Җәмдихан
  • 26 Май Мөнир Соколов
  • 26 Май Дилә Нигъмәтуллина
  • 26 Май Мәдинә Нурулла
  • 26 Май Марс Тукаев
  • 27 Май Илдус Габдрахманов
  • 27 Май Ирек Кашапов
  • 27 Май Әхәт Мушинский
  • 28 Май Илгәрәй
  • Газель Грузоперевозки 24 часа,город,межгород. Длина 4.2,высота 2.2,ширина 2.Офисные,квартирные переезды,грузчики,доставка стройматериалов.Быстро,дешево,надежно. 89178521958 Рустем
  • Минская 30 урамында 1 бүлмәле квартира сдавать ителә! Кап. Ремонттан соң,бөтен әйбер яңа! 13000+ квартплата! Собственник. 89274346231
  • Магистральная 16А урамында урнашкан (Азино)ботен унайлыклары булган 1 бүлмәле фатыйр озак вакытка арендага бирелә. 15 мең (бәягә коммуналь түләүләр кергән). Телефон: 89874072187 Фотоларны whatsap аша жибэрермен.
  • Минская урамында 1булмэле фатыйр сдавать итэм.Ремонты,мебеллэре хэм техникалары барда яна.89274317587
  • Б.касыймов урамында булмэ арендага бирелэ.бик жайлы урында.кибет.тукталыш.балалар бакчасы якында гына.хакы 9000сум.89270330512
  • Казанның шәп җирендә - Мәүлетов урамында 2 бүлмәле фатир сатыла. Ишегалдында ук мәктәп-балалар бакчасы, якында гына базар, кибетләр, поликлиника, Универсиада авылы, медколледж, автотранспорт техникумы . Горки метростанциясенә кадәр җәяү 6 минут. Транспорт тукталышы кул сузымында. Өйдә капиталь узды. Фатирда косметик ремонт. Мебель өлешчә кала. Рәхәт урын. 3,8 млн. Фатирны караганда торг була ала. 89520443409
  • Ф.Әмирхан урамында барлык уңайлыклары булган 2 бүлмәле фатир озак вакытка арендага бирелә. (89274401995)
  • Ниһаять сәяхәтчеләргә юл ачылды! Казанга экскурсияләргә килергә теләүчеләр һәм кунакларыгызны Казанга алып килергә ният кылсагыз, рәхим итегез. Тәҗрибәле, беренче категорияле экскурсовод Сезне көтә! телефоным 89600485700
  • "Тәңре аңы" исемле китабым басылып чыкты. Алырга теләүчеләр, 8–917–874–16–40 тел. шалтыратыгыз яки Tongekuk@gmail.com языгыз. Чаллыдан Дамир Шәйхетдин.
  • Актаныш. Жир сорэм (трактор МТЗ-892) сабан хэм фреза белэн. 89625704993
 

 
Архив
 

               

04.06.2008 Мәдәният

СОҢАРГАН ЯЗМА

Мине кабул итәргә бик авырлык белән генә ризалашкан иде ул. Югыйсә, журналист белән сөйләшерлек сүзе бик күп булырга тиеш иде Сайяра Сәгыйровнаның. Сөйләп калырга тиешле сүзләре...

 Аллага шөкер, ярый әле, кирәк вакытында әрсез була алдым. Матур һәм шул ук вакытта катлаулы тормыш юлы узган ханым турында язарга дип, үзе бик теләмәсә дә, янына килдем. Ярый әле, аны сөйләтеп кала алдым... Әмма, ни кызганыч, язганым басылып өлгерә алмады (ул язма “Сөембикә” журналының май санында дөнья күрде). Сайяра Сәгыйровна 2008 елның 26 апрель көнне дөнья куйды. Ул кызы Гүзәлнең кайткап җиткәнен көтте дә, аның кулында җан бирде...

ТАССРның атказанган сәнгать эшлеклесе Сайяра Юнысова — Казанда профессиональ классик балет мәктәбенә нигез салган күренекле шәхес. Аның тырышлыгы белән ачылган Казан хореография училищесы быел үзенең 15 яшьлек юбилеен каршылады. Ә үткән ел Сайяра Сәгыйровна укучылары белән бергәләп Актерлар йортында үзенең 80 яшьлеген билгеләп үтте.

...Мәскәү хореография училищесын тәмамлап Казанга кайткан Сайяра Юнысова балет артисты булып эшли башлый. “Ленинград консерваториясендә педагог–хореографлар бүлеге ачылуын ишетеп шунда киттем, легендар Агриппина Ваганова классында  укып, өч елдан югары белем алып кайттым. Мине балет труппасына педагог–репетитор итеп алдылар, — дип сөйләде Сайяра Сәгыйровна. — Миңа педагоглык эше кызыклырак иде. Чөнки театрыбызда квалификацияле кадрлар җитмәве сизелде. Шулчак мин балет училищесы кирәклеге турында уйлана башладым. әмма ул чакта уйлаганымны тормышка ашырырга мөмкинлек булмады”.

Кайбер шәхси сәбәпләр аркасында Сайяра Юнысова кызы Гүзәлне алып башта Пермьгә, аннары Новосибирскига китә. Аның педагоглык сәләте нәкъ менә анда ачыла. Балет дөньясында танылган исемнәр: Лариса Василевская–Матюхина, Наталья Посельская, Елена Брижинская, Валентина Прокопова — аның укучылары. Ул укыткан биючеләр арасында халык артисты исемен алганнары да, халыкара конкурслар лауреатлары да бар. “Казанда аңа игътибар җитмәде. Ә Новосибирскида Сайяра Сәгыйровнаны бик зурладылар, хәзер дә сагынып искә алалар”, — дип сөйләде миңа аның бер укучысың әнисе. Дөресен әйткәндә, нәкъ менә укучыларының ата–аналары үтенеч–киңәше буенча килгән идем мин аның янына.

10 ел Новосибирскида эшләгәч, Сайяра Сәгыйровнаны Казанга эшкә чакыралар. Чөнки татар сәнгате өчен бик кирәкле, алыштыргысыз кеше була ул. “Мин вакытында кайтканмын булып чыкты: Мәдәният министрлыгында да училище кирәклеге турында уйлана башлаганнар икән. Мин дә югары квалификацияле кадрлар әзерләргә кирәклеге турында фикеремне куәтләдем. Ул чактагы Мәдәният министры белән килешеп, уртак фикергә килдек. Шулай итеп Казан Музыка училищесында хореография бүлеге ачып җибәрдек. Мин бүлек мөдире итеп билгеләндем һәм шушы бүлекне 20 ел җитәкләдем. Укучыларым арасында атказанганнар да, халык артистлары да бар. Эшемнең нәтиҗәсе күренә башлагач Опера театры директорына кереп: “Безгә училище булып үсәргә вакыттыр”, — дидем. Шунда ук үз бинабызны булдыру зарурлыгы турында да сөйләштек. Чөнки моңарчы без Төзүчеләр мәдәният сараенда гына шөгыльләндек. Директор минем фикеремне куәтләп бина табу мәсьәләсен куйды. Безгә шәһәр үзәгендә бина бирделәр”.

...Ул көнне Сайяра Сәгыйровна белән бик озак сөйләштек. Эшендәге уңышлары һәм борчулары турында да, шәхси тормышында очраган кыенлыклары турында да... Урын өстендә яткан ханымны борчуы кыен булса да, мин китәргә ашыкмадым. Кызыклы иде аның язмышы. Мавыктыргыч һәм гыйбрәтле... Кайберәүләргә үпкә сүзләре дә булды. әмма алары матбугат өчен түгел иде. “Язганыңны укытырсың”, — диде ул. Сайяра ханым үзенең пенсия акчасына яллаган ярдәмчесе (сиделка) дә эшеннән бүленеп, безнең әңгәмәне тыңлап торды. Гомер буе башкаларны биергә өйрәткән педагог һәм балерина бит ул. Хәзер, әнә, аяклары авырта. Йөрмиләр. “Аларга карарга куркыныч”, — дигән иде мине озата чыккан тыйнак татар хатыны. “Атна дәвамында көнсаен дүрт сәгать мин янында торам, ял көнәрендә социаль хезмәткәр килеп булышып китә”, — дип сөйләгән иде ул.

Терелеп аякка басарга бик теләгән иде Сайяра ханым. Шәфкать туташының укол ясыйсы вакытын да көтеп тора иде, югыйсә, массаж да ясатты. “Табиплар терелергә теләмисең, дип әйтәләр”, — дигән иде үзе авыр сулап. Эштән китәргә туры килүенә дә бик борчылган иде ул. 80 яшенә кадәр хореграфия училищесында һәм консерваториядә укытып йөргән, укучылары арасында янып яшәгән ханым ял итәргә өйрәгәнмени?! Мин соңгы көннәрендә ниләр уйлап яшәвен дә белмим. Мин генә түгел, соңгы көненә кадәр аны ярдәменнән ташламаган укучысы, Татарстанның халык артисты, Муса Җәлил исемендәге опера һәм балет театрының педагог–репетиторы Луиза Мөхәммәтгалиева да аның күңелендә ниләр барын белә алмагандыр. Бу изге күңелле ханымның ярдәмчеллегенә, остазына рәхмәтле булуына, таң калырлык. “Булдыра алганымның барысын да эшләдем, кызын да чакырттым, — ди Луиза авыр сулап. — Ярый әле кызы кайтып өлгерде. Аны көтте ул...” Телефоннан аралашып торса да, Сайяра ханым үзенең авыр хәлдә булуын кызына әйтеп тә бетермәгән икән. Әйе, Сайяра ханымның бердәнбер кызы Гүзәл һәм бердәнбер оныгы Айгөл, һәрберсе үз гаиләсе белән Болгариядә яшиләр. әлегә Гүзәл Казанда.

Ни кызганыч, матбугатта балет артисткасы, педагог, ТАССРның атказанган сәнгать эшлеклесе Сайяра Сәгыйр кызы Юнысованың вафатын хәбәр итеп, якыннарының кайгысын уртаклашып язылган некрологлар басылмады. Югыйсә, ул эшләгән училище һәм ул әгъза булып торган театр әһелләре берлеге дә бар иде.

Сайяра ханым үзен зурлаган мәкаләне күрмәде. Соңга калдым. Хәер, үзенә кирәк идемени ул мәкалә... Ул безгә, исәннәргә кирәк. Авыр туфрагы җиңел булсын!

Рузилә МӨХӘММӘТОВА
Шәһри Казан
№ --- | 04.06.2008
Шәһри Казан печать

Фикерләр

Исем:
E-mail:
Текст:
 
№1 (1681) / 05.06.2008 11:49:21

тетрәндергеч.
татар сәнгате тарихында үзенә һәйкәл куярлык эшләр эшләп калдырган КЕШЕ.
Җәүһәрләр вакыт белән югала. ә андыйлар бүген күпме, хәлләрен белүче бармы?!
чын талант "мин менә кем"дип уңга-сулга үзен сатмый шул.
рәхмәт, админ.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте