Экстрасенслар Мазовларның кайдалыгын фаразлый

Социаль челтәрләрдә үзләрен күрәзәче, эзотерик һәм экстрасенс дип атаучылар Мазовлар язмышының үз версияләрен әйтә.

 

“Әти кеше белән барысы да начар, балалар белән - яхшы. Тоемлавым буенча, балалар аерым, әти аерым. Балалардан тынычлык килә, ул аларны, мөгаен, я танышларында яшергән, я ял итәргә шифаханәгә яисә кунакханәгә җибәргән. Аның үзе белән хәлләр начар, хис-кичерешләре күп, мөгаен, эчә, адекват булмаган хәлдә”, - дип яза эзотерик Венера Безфамильная.

 

Экстрасенс Елена Степанова, һичшиксез, Артем Мазов балаларын үтергән, дип белдерә. “Соңгы тапкыр ул “Речные зори” бакча ширкәтендә булды, бакча участоклары территориясендә балаларны теләсә кайда күмәргә мөмкин”, - ди ул.

 

Югалган уфалыларның фотосурәтләрен караган экстрасенс Ольга Александрова барысының да юкка чыккан көннән бирле суда булуын "күргән". “Балалар күл, камышлы сазлык кебек ниндидер башка суда. Әти кеше, минем карашка, чыннан да психик тайпылышлар белән, ул кичне бик нык ачуланган. Минемчә, аларны бөтенләй тапмасалар, шулай яхшырак. Туганнарның өмете булса да калачак. Бәлки, мин ялгышамдыр”, - дип фаразлый экстрасенс.

 

Шулай ук эзотерикларның әти кешенең балалары белән урманда булуы һәм кеше күзеннән качуы турындагы версиясе бар.

Башкортстан буенча Эчке эшләр министрлыгында Мазовларның кайда булуы турында теләсә нинди дөрес мәгълүмат өчен 500 мең сум бүләк игълан иттеләр, дип яза "Кызыл таң".

Фото: Башинформ