Казан студиясе телевидениясе эфирга чыга башлавына 60 ел тулуга багышланган чара узды (ФОТО)

Мәҗлесне Казан кооператив институты ректоры, Татарстан Дәүләт Советы депутаты Алсу Рөстэмовна Нәбиевага ачып җибәрде. Бирегә телевидение тарихында эз калдырган шәхесләр, дөресрәге ТВнең “Алтын баганалары” килгән иде. Казан телевидение студиясенең нигез ташын салучылардан, татар язучысы, журналист Әнәс Хәсәнов эшләгән чорларын искә алды. Дикторлардан - Эльмира Хамматова, Рөстәм Нәбиуллин да күңел хәтирәләре белән уртаклашты.

 

ТВдә эшләгән абруйлы шәхесләр шактый. Заманында ТВ баш редакторы булып эшләгән,Татарстанның халык шагыйре Роберт Миннуллин,ТВ ветераннарыннан, язучы, драматург, Г.Тукай исемендәге Дәүләт бүләге иясе Рабит Батулла,ТВ баш режиссеры булып эшләгән, ТВ алтын фондында сакланучы телевизион фильмнар режиссеры Әхтәм Зарипов, “Хәбәрләр” программасының танылган редакторлары, алып баручылары, журналистлары - Илфат Фәйзрахманов, Илгизәр Хәйруллин, Раиф Гыймадиев, танылган режиссерлар - Флюра Бикмурзина Лилия Нигъматова, Дания Гаязова, Нурания Батыршина, шулай ук мөхәррирләр - Әгъзам Файзрахманов, Хабир Ибраһимов, Күп резонанс тудырган “Мәдәният дөньясында” тапшыруын һәм башка күп музыкаль тапшырулар авторы,шагыйрә Наилә Яхина һәркемгә мавыктыргыч итеп хәтирәләре белән уртаклашты. “Шаян-ТВ” телеканалының Башкарма директоры Рамилә Сәхәбетдинова телеканалының үсешенә тукталды. Бүгенге көндә Татарстан телерадиокомпаниясенең милли тапшырулар хезмәте җитәкчесе Миназыйм Мәүлетович Сәппәров киләчәктәге планнары белән уртаклашты.

 

Ел дәвамында институт эшчәнлеген яктырткан журналистларга рәхмәт хатлары тапшырылды. Танылган җырчылар - Венера Ганиева, Рөстәм Маликов, Фәнис Калимуллин халык җырларын башкарды. Ветераннар фикерләрен чәй өстәлендә дәвам итте. Бергә төшкән фотосүрәт һәркемнең күңелендә озак сакланыр.