Казан халкы мәчет төзүгә каршы чыкты: моңарчы булмаган беренче тапкыр төркемле дәгъва белдерәләр

"Матбугат.ру"га мәгълүм булганча, төзүче белән халык арасындагы конфликт 2013 елда башланган. Ул вакытта Годовиков һәм Симонов урамнары киселешендәге мәктәп ишегалды (0,233 гектар) койма белән әйләндереп алынган һәм аның артыннан агач мәчет торгызыла башлаган иде. Төзелеш башлангач, халык прокуратурага мөрәҗәгать итә һәм хокук сакчылары төзелешне законсыз дип таба. Әмма 2015 елда иҗтимагый тыңлаулар оештырыла, анда җәмәгатьчелек, янәсе, ишегалды уртасында гыйбадәтханә төзү идеясен хуплап чыга.

 

Казан Башкарма комитеты биргән төзелешкә рөхсәт 2019 елның гыйнварында бирелгән. Хәзер төзелеш тулы куәтенә бара, дип яза "Реальное время" басмасы. Аның нигезендә мәчетне 2022 елның III кварталында төзеп бетерергә планлаштыралар. Шунда ук банк реквизитлары да күрсәтелгән, алар буенча теләгән кеше гыйбадәтханә төзелешенә акчалата ярдәм итә ала.

 

Казанлылар биргән дәгъва Татарстанда гына түгел, бөтен Россиядә дә яңа процедура нигезендә бирелгән беренче төркем дәгъваларының берсе булды. Гаризаны Казанның Авиатөзелеш суды кабул иткән.

 

Казан юристы Александр Чернов фикеренчә, судта җирле халык җиңүгә өмет бар. "Матбугат.ру"га билгеле булганча, мәчет төзелешенә каршы килүчеләрнең гомуми саны, ким дигәндә, 500 кеше. Алар - ерак түгел яшәүчеләр, 62нче мәктәп һәм 20нче балалар бакчасына йөрүче балаларның әти-әниләре.

 

Төзүче вәкилләре җирле халыкка азан һәм догаларны яңгыраткычлар аша яңгырамаячак, ә мәчет ишегалдында балалар мәйданчыгы һәм спорт тренажерлары урнаштырылачак, дип вәгъдә итә. Булачак мәчет имамы исә интернет-газета хәбәрчесе белән сөйләшкәндә, «кулларында төзелешкә була торып акланырга җыенмавын» ассызыклаган.