«65» КОНКУРСЫНА ЙОМГАК ЯСЫЙБЫЗ

Бөек Җиңүнең 65 еллыгына багышланган иҗади конкурс тәмам. Ике ай дәвамында «Матбугат.ру»да сугыш һәм җиңү турында язмалар, хатирәләр чыгып килде. Бәйге берәүне дә битараф калдырмады: 4 сыйныф укучысы Ләйсән Мусинадан алып, сугыш елларын үз күзләре белән күргән Таһирә Миңнемөхәммәтовага кадәр...

Җиңүчене билгеләү гел дә авыр. Бәйгенең шартлары буенча, алдынгыларны билгеләү редакция карамагында иде. Язмалар түбәндәге критерийлар буенча каралды:

– кызыклылык, иҗади уңыш, эчтәлек һәм форма берлеге;

– документаль иллюстрация белән баету; 

– резонанс тудыру (комментарийлар саны һәм сыйфаты буенча карала).

Шулай итеп, «Матбугат.ру» фикере буенча, «65» бәйгесендә түбәндәге кешеләр җиңде:

I урын – Халисә Ширмән (Казан шәһәре)

II урын – Замирә Сәмигуллина (Татарстан республикасы Теләче районы)

III урын – Мөхәммәт Нури (Башкортстан республикасы Тәтешле районы)

Вәгъдә иткәнебезчә, 1 урынга “Татарча-русча сүзлек” (ике том), 2 урынга – “Татар мифологиясе” сүзлеге (ике том), 3 урынга – “Шигърият теле” сүзлеге (2 том) тапшырабыз. Калган катнашучыларны рәхмәт хатлары һәм истәлекле бүләкләр көтә.

Барыгызга да рәхмәт!