Казанда наив сәнгать күргәзмәсе ачылды (ФОТО)

Халыклар дуслыгы йорты өчен наивчылар күргәзмәләре оештыру гадәти күренеш: бер ел элек биредә грузин рәссамы Нико Пиросманиның 100 еллык истәлегенә багышланган картиналар «Нико и мы» исеме астында күргәзмәдә тәкъдим ителгән иде. Быел исә барлык эшләр дә Россия рәссамнары Союзы әгъзасы Әлфрид Шәһмәрдәновныкы. Рәссам картиналарны 1993 нче елдан бирле тудыра, Татарстанда ул аз санлы булган наивчылар рәтенә керә.

 

Күргәзмә ачылышында консул, Венгриянең Казандагы Генераль консулы урынбасары Ласло Дароци чыгыш ясады. Венгрия белән Татарстан мөнәсәбәтләрнең төрле формада булуына, шул исәптән шушындый күргәзмәләр оештырылуга, дипломат кәнәгать булуын белдерде. Шулай ук, 2015 елда Казанда Венгриянең Генераль консуллыгы ачылганна соң, Татарстан һәм Венгрия халкы мөнәсәбәтләренең күзгә күренеп җанлануы турында әйтте ул.

 

«Әлеге мөнәсәбәтләрнең бер мөһим өлкәсе булып мәдәният тора. Мондый чаралар башка милләтләрнең гореф-гадәтләре белән танышырга зур мөмкинлек бирә һәм халыкларның дуслыгын көчәйтергә булыша», — дип өстәде Ласло Дароци.

 

Татарстанның Халыклар дуслыгы йорты директоры урынбасары Наталья Мясникова, күргәзмәдә тәкъдим ителгән эшләр дөньяга бөтенләй икенче күзлектән карау мөмкинлеген бирәләр, дип әйтте һәм Әлфрид Шәймәрдәновка иҗади уңышлар теләде.

 

Күргәзмә июнь ае ахырына кадәр эшләячәк.

 

Белешмә. Тивадар Костка Чонтвари (1853-1919) — венгер үзлектән өйрәнүче рәссам, йөзгә якын хезмәт авторы. Исән чагында рәссамның бер эше дә сатылмаган. Ул бары тик 20 нче гасырның 60 нчы елларында гына таныла.