|
|
Бүген кемнәр туган
|
|
Архив
|
06.04.2010 Матбугат
УКЫТУЧЫЛАРНЫ КИМСЕТМИБЕЗМЕ – 2!Кабаттан мин әле бу! Укытучылар елында, матбугат битләрендә кыю фикерләрен әйтергә теләп торучы укытучылар бездә бик аз икән?! Әллә куркудан, әллә инде үзләрен хөрмәт итмәүдән. Башкача мин моны бер ничек тә аңлата алмыйм. Без зарыгып көтеп алган укытучылар елының менә дүртенче аена да аяк бастык. Хөрмәтле укытучылар, әйтегез әле, сезнең мәктәптә укытучылар елы уңаеннан нинди дә булса үзгәрешләр булдымы? Сездә ничектер, ә бездә бернинди дә үзгәрешләр булмады. Хәер, ялгышам икән,булды сездә дә, бездә дә. Сыйныф җитәкчеләре Дәү хөкүмәтебезнең бушка эшләү экспериментында катнаша. Бу бит сенсация, җәмәгать! Егерме беренче гасырда һәм укытучылар елында бары тик укытучылар гына бушка эшләргә мөмкиннәр. Әгәр бу чит илдә булсамы, укытучылар әллә нинди забастовкалар ясарлар иде. Ә бездә нәрсә, эшлә син, эшлисең килми икән дүрт ягың кйбыла. Хөрмәтең синең шул хәтле генә. Ә чынлыкта исә безгә бер нинди дә забастовка ясыйсы да түгел. Бары тик югарыдан сыйныф җитәкчесе өчен килгән отчетларны гына язасы түгел. Бер атнада мәгариф системасы тар-мар ителәчәк. Барлык ведомствалар эшсез калачак. Безнең отчетлар булмагач алар нәрсә белән эшләсен соң?
Дөрес, депутатларыбыз түгәрәк өстәл артында сөйләшәләр, карарлар чыгаралар. Ләкин алар укытучыга бер нинди дә файда китерми. Аларның карарлары буенча без күптән инде 15, 20 мең хезмәт хакы “алып” эшлибез. Шул ук кәгаздә май аенда барлык айлар өчен сыйныф җитәкчеләренә дә түләячәкләр. Белмим, ышануы бик кыен. Ел да, ялга китү акчаларын да май аенда кайбер районнар түли алмый бит...
Ә бу көннәрдә укытучылар өчен хөкүмәтебез тагын бер “куанычлы” хәбәр ирештерде әле. Быелгы ял вакытында укытучылар үз балаларын башка еллардагыдан аермалы буларак, лагерьларга биреләсе юлламаларның (район һәм мәктәп яны лагеры) 15 процентын түләргә тиеш булачак. Бу якынча 245 сумнан алып 1300 сумга кадәр булачак. Ә бу укытучы я булмаса техник хезмәткәр өчен бик зур акчалар.
Менә шулай, әлегә укытучы елының тискәре якларын гына тыябыз. Тагын 8 ай вакыт бар бит, көтик, бәлки үзгәрешләр булыр...
Нурлат гимназиясенең профсоюз җитәкчесе.
Хәлим ӘЛИМОВ |
Иң күп укылган
|