Минем догам кемгә кирәк?

Социаль челтәрләрдә элек тә гадәти булмаган фотолар, видеотасмалар күзгә чалынган иде. Берсендә – мәче баласы намаз укучының муенына сарыла, тырный... Теге адәм мәчене сыпырып төшерә дә намаз укуын дәвам итә. Икенчесендә – бер ир белән ат та – намазда, сәҗдәгә китеп маташа. Намазлык өстендәге әби белән мәче сурәте дә ватсап аша һаман әйләнеп йөри. Сурәт янына, балалар китеп бетте, ниһаять, тынычлап калдык, дип язылган. Кыскасы, шундыйрак “кызык-мызык”ка әй­ләндерелгән сурәтләрне интернет битләрендә тагын әллә ничәне табып була. Әлеге һәм башка үзе мәзәк, үзе сәер хәлләр хакында Казандагы Әмәт бистәсе мәчете имам-хатыйбы Равил хәзрәт Бикбаев белән сөйләштек.

 

 

 – Дөресен әйткәндә, мөфти Камил хәзрәт куйган карикатураны күрмәдем, ләкин күз алдыма китердем. Чыннан да, кайбер мөселманнар гыйбадәт вакытында да үзләрен фотога төшерүгә зур игътибар бирә, селфи белән мавыга. Бу, әлбәттә, дөрес гамәл түгел. Мөселманның гына түгел, бүтәннәрнең дә, кая барса да, үзен фотога төшерүе, сурәтнең һәр­кай­сын интернетка тезә баруы ки­лешә торган эш дип санамыйм. Гыйбадәт вакытында тө­шер­гәндә риядан китәргә мөм­кин.  Синең хаҗ гамәлләреңне, намаз укуың­ны, дога кылуыңны бөтен кеше күрергә тиешме инде?! Пәйгам­бәребезнең сурәт ясаучыга кагылышлы бик куркыныч хәдисләре бар. Ә фотосурәт мәсьәлә­сен­дә дин галимнәре дә бәхәсләшә. Аны кайберсе  рөхсәт итә, кайберсе тыя. Ә тарих буенча күзалласак, бабаларыбыз фотолар белән мавыкмаган. Элек Казандагы Мәр­җани мәчете муллалары, гомумән, үзләрен фотога төшерергә рөхсәт итмәгән. Хәзер дә мөселман кеше моннан сак­ланса, хәерлерәк. Чөн­ки шуның аша кеше күз тию, сихер куллану чыганагына әйләнергә мөмкин. Фото аша бозым ясаучылар барлыгын ишетеп беләбез.

 

 

– Песи дә, башка җан ияләре дә намазга зыян китерми. Шунысы бар: намаз укучы сәҗдә кылганда каршында берни булмаска тиеш. Читлектәге попугайны читкәрәк, почмакка куярга мөмкин.

 

 

– Фотосурәт мәсьәләсендә бәхәс бара дип әйттем инде. Аннары элекке фотоларда хатын-кыз су коену костюмыннан, гаурәте ачык килеш, ир кеше тәмәке, шешә тотып, чит хатыннар белән төшкән булырга мөмкин. Болар берсе дә мөселманга килешми, оныкларга күрсәтә торган үрнәк әйбер дә түгел. Кайбер кеше тәүбә итеп, дин юлына баскач, беренче чиратта, шундый сурәтләрне юк итә. Әти-әни, әби-бабай, үзенең балачак фотоларын истәлек итеп, махсус альбомда саклап була.

 

– Юк, элмәсен. Пәйгамбә­ребезнең бер хәдисендә, йортта эт яки сурәт торса, анда фәрештә керми, диелә. Динебез буенча, этләрне фатирда тоту дөрес түгел һәм сурәтләрне дә эләргә ярамый. Ә сорау бирүче ханымның төшенә шайтан кергән булуы ихтимал. Шайтан үзенә кирәк вакытта төрле кыяфәттә кешенең төшенә кереп, үз кирәген эшләргә мөмкин. Ул бары тик Пәйгамбәр кыяфәтенә генә керә алмый. Ханым, бу хакта газета аша булса да, дин әһелләреннән сорап дөрес эшләгән, төшенә генә таянып эш итмәгән. Төшкә ышанып карар кабул итәргә ярамый. Ул фотоны, пөхтәләп, кая да булса тарт­мага, альбомга алып куйсын. Фотолар дивар бизәгеч түгел. Динебездә диварга статуэтка, хайван сыннары элү дә ярамый. Башка бүлмәдә торса да, һич югы намаз бүлмәсен алардан азат итәргә кирәк.

 

 

– Һәркем үзе өчен үзе җавап бирә. Әлбәттә, тыйнаклык ко­мачау­ламас иде. Ә вәгазьләрдән торган сурәтләр, видеотасмалар халыкка мәгълүмат тарату, сабак бирү өчен эшләнә икән, файдалы гамәлне ничек инкарь итәсең?!