• 05.10-22.10 2021-2022 хоккей сезоны. Татнефть Арена
  • 17.10 "Корт", 12+, Кариев театры, 18:00
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 01.11 Юрий Шатунов. КСК "Уникс". 19:00
  • 03.11-07.11 Ришат Төхвәтуллин. Сула. КСК "Уникс"
  • 10.11 Валерий Меладзе. Татнефть Арена. 19:00
  • 20.11-24.11 Гүзәл Уразова һәм Илдар Хәкимов. КСК "Уникс"
  • 26.11 Данир Сабиров. Ике юбилей. Моноспектакль. КСК "Уникс". 18:30
  • 14.12-19.12 Илсөя Бәдретдинова. "Фәрештә түгел". УНИКС
  • 14.12-19.12 Илсөя Бәдретдинова. Фәрештә түгел. КСК "Уникс"
  • 18.12 Татар җыры. «Казань Экспо», И.Шакиров ис. концертлар залы. 17:00
Бүген кемнәр туган
  • 17 Октябрь
  • Әхмәт Саттар (1939-2018) - язучы
  • Роза Туфитуллова - журналист
  • Лидия Әхмәтова - җырчы
  • Рәшидә Җиһаншина (1917-2003) - актриса
  • Гали Хуҗи (1912-1966) - шагыйрь
  • Илгиз Гайнуллин - көрәшче
  • Альбина Шаһиморатова - опера җырчысы
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
  • Сниму 1 ком.квартиру в Советском , Вахит.р-не.Со всеми удобствами,платежоспособная, чистоту гарантирую.Сама работаю, татарка 47 лет.Убедительная просьба прошу риелторов не беспокоить, сниму только от собственника.Тел.89870673548 Гульфиза.
  • Сниму квартиру до 18-19 все включено, татарка, работаю, без вп, тишину, чистоту и своевременную оплату гарантирую, писать WhatsApp +79961212519, риелторов прошу не беспокоить.
  • Продаю натуральный цветочный МЕД со своей пасеки 1л-500руб т.89503210410
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • диван-книжка сатыла. аксыл-көрән төстә.8 мең. яхшы хәлдә. казан. тулырак мәгълүмат ватсап аша. 89047619147
 
 

 
Архив
 
16.01.2010 Бәйрәм

КИТ ИНДЕ СИН, КЫШ БАБАЙ!

Яңа ел исе декабрь башында ук сизелде: балалар бакчасында Кыш бабай өчен 200әр сум акча җыйдылар.

Төркемдә 30лап бала икәнлеген искә алсак, Лапландиядән үк булмаса да, Великий Устюгтан чын Кыш бабай китерәләр булса кирәк, дип уйлап куйдым. Пар ат җиктереп, кыңгырау чыңлатып… Берничә көннән Сәлимәнең утренникта Куян булачагын әйттеләр. Кар бөртеге генә булса да яраган булыр иде, анысына матур күлмәкне туган көненә бүләк иттеләр – кызым кунакларның берсеннән «тыйнак кына» шундый бүләк сораган булган. Әмма куян икән куян. Уенчыклар кибетендә куян костюмы – 550 сум. Ал төстә булса да шуны алдым инде, агын эзләп йөрергә вакыт юк. Хореография училищесындагы «Нәни аккошлар»ның (училищеда 5-6 яшьлек балалар өчен якшәмбе төркеме бар – шунда йөрибез) һәм музыка мәктәбендәге «зур җырчылар»ның (музыка мәктәбендә әзерлек төркеменә дә йөрибез) әти-әниләре 150шәр сум акча җыйдык – чамалап тотсак, укытучыларга бүләккә дә, балаларыбызга киндер-сюрпризга да җитәр дип уйлаштык. Әмма үткән еллар тәҗрибәсе буенча бу чыгасы акчаларның әле «баласы» икәнен сизәм, халык әйтмешли, «алда булыр анасы», чөнки кызым инде бүләкле Кыш бабай киләсе көнне саный башлады.

 

Кемгә ничектер, минем өчен Яңа ел – балалар бәйрәме. Инде бишенче ел – кызым туганнан бирле шулай. Шуңа күрә бәйрәмне кызымның күңеле булырлык итеп оештырырга тырышам. Арытса да, кесәгә сукса да…

 

Яңа ел җитәргә атна-ун көн кала пианино артындагы озын тартма эчендә ел буе «йоклаган» ясалма чыршыны «уяттык» та былтыргы уенчыкларны элеп куйдык. Былтыр алынган кыйммәтле гирлянданың кызыл һәм сары төсләре янмый башлаган икән, зәңгәр һәм яшелләре генә яна. Мин инде Сәлимә елый башласа, яңаны аласы булырмы дисәм, Аллага шөкер, кызым вакланып тормады. Бер караганда, ясалма чыршы файдалырак инде, ел саен яңаны алып акча туздырасы юк, ылысы да коелмый. Әмма яныннан үткән саен үзен тагын пианино артына урнаштырасы барлыгы искә төшә дә, шул чыршы бизәүне уйлап тапкан кешегә ачу килә.

 

Быел телевизор Сәлимәне Кыш бабайга хат язарга өйрәткән. Язган да тәрәзә төбенә куйган балакаем. Сюрприз ясый, янәсе, хатны миңа күрсәтмәгән. Үзе көн саен тәрәзә төбенә килә дә карый, килә дә карый – ә хат ята икән. Сәлимә: «Кыш бабай мине яратмый», – дип елагач, хатны чыршы төбенә куярга икәнлеген аңлаттым. Ниһаять, «югалды» хат – «Кыш бабай» алды. «Дидмарозпадаримнезимлянечкуприхадибстрее» дип язган кызым. Аның болай язуының ояты миңа инде – укыйм-язам дип артымнан йөргән бала белән шөгыльләнергә вакыт табалмыйм. Үзлегеннән өйрәнүенең нәтиҗәсе шул! Биш яше яңа тулган бала сүзләрне аерып язарга кирәклеген белмәсә дә, хатны берничәне язып буласын белгән, ике көннән карасам, чыршы төбендә тагын бер «сәнгать әсәре» ята. Анысы кыскарак: «Дедмарозпадаримнекрыля» дип язылган. Шул канатлары белән өченче ел «Кыш бабай»ны интектерә бит инде ул. Табарсың Яңа ел алдыннан канатлар! «Фәрештә канатлары»н төнге клубта бию өчен студентлар алып бетерә», – ди кибетчеләр, калмый ди ул балаларга. Супермаркеттан 42 сумга катырылган клубника һәм 150 сумга күбәләк канатлары алып, 31 декабрь көнне кызымның бакчадан кайтышына чыршы төбенә куйдым да чиста намус белән бәйрәмне каршыладым. И сөенде балакаем! Ә сеңелем зарлана: аның 10 яшьлек олы малае, көз көне генә телефон алып бирүләренә карамастан, яңа телефон сорап, Кыш бабайга хат язган, ди. Шуннан әтиләре ачуланып, балаларга Кыш бабай юклыгы турында лекция укыган, ди. Минем кыз хәйләкәррәк, андый ялгышлык эшләмәс, чамасын белгәндә Кыш бабайга ышану файдалы икәнлеген аңлаячак ул һәм тагын 15 ел ышанып яшәргә дә риза булачак. Кыш бабай дигәннән бер мәзәк: «Дөньяның асты өскә әйләнгән заман: балалар Кыш бабайдан компьютер сорыйлар, ди, ә ата-аналары – начальникларын катырып куюны».

 

Ярар, Яңа ел минимумы, ягъни мәҗбүри өлеше үтәлде. Инде өстәмә күңел ачу чараларын чамалап карыйк. Урамдагы җимерек йорт диварларындагы афишаларны караштыргалап йөрсәң, Казан шәһәренең һәр театрыннан башлап, «Корстон», «Пирамида» кебек зур күңел ачу үзәкләренә кадәр, барысы да балаларга Яңа ел тамашасы тәкъдим итә. Акчаң белән вакытың гына җитсен! Заманча күңел ачу үзәкләрендә тамашаны кем куйганын һәм ул тамашаларда кем уйнаганын белмим, шуңа күрә балама бәйрәм ясау өчен үзем белгән һәм ышанган залларны сайладым. Әйтик, Камал, Качалов театрлары, курчак театры, опера һәм балет театры, ТЮЗ, филармония, цирк…

 

Мәртәбәле Камал театрыннан башлыйк. Биредә барысы да шәп уйланылган: театрга килгән бала әти-әнисе яки әби-бабае белән «Кар иле Патшабикәсе» әкиятен карый, әкият башланганчы һәм соңыннан күчмә зоопаркны – елан, куян, фазан, диңгез дуңгызы һәм ташбакалар белән тараканнарны тамаша кылырга мөмкин. Әлбәттә, программада чыршы тирәли әйлән-бәйлән дә бар. Ә әйләнмәүчеләр өчен залда – мультфильм, фойеда – батут, буфет тирәсендә рәсем ясау мөмкинлеге тудырылган. Иң мөһиме, чыннан да бу иң мөһиме – Кыш бабайның үзенә шигырь сөйләргә мөмкин. Чын микрофонга! Бала өчен тамаша карау гына түгел, ә үзенең тамашага катнашуы кызык бит. Кыш бабай үзе тыңлый аның шигырен!

 

«Акча убыры» булса да, цирк та ошады. Тәнәфестә шалтыравыклар һәм ялтыравыклар сатып «утыртучылар» булмаса, циркка ешрак йөрелер иде ул. Шулар бетерә бөтен цирк ямен: аңлыймыни бала синең фәлән сумга билет алганыңны, тәнәфестә берәр ялтыравык яки шалтыравык алып тоттырмасаң, авызын турсайтып кайтып китәчәк. Мин дә шоколад алып бирмәгән өчен «халык дошманы»на әверелдем.

 

Курчак театрының яңа спектаклен – «Кот-проказник»ны да рәхәтләнеп карадык, икебезгә дә ошады, хәтта буфет та искә төшмәде. Әйлән-бәйләндә заман геройлары иде. Минем кызым кайсыдыр мультфильмның тискәре героен «одна бабушка» дип, ак барсны «мышонок» дип, ә Бэтменны «чучело» дип атады. Күрәсең, ул геройлар «телевизор кортлары» булып җитешкән зуррак балалар өчендер.

 

Зур концертлар залында консерваториянең Опера студиясе «Золушка» әкиятен күрсәтте. Кызым әкиятнең эчтәлеген аңлап бетермәде. Гаҗәп түгел, минемчә, «Золушка» зурлар әкияте. Принцесса булып тумаган һәр хатын-кызның эчендә Золушка яши һәм ул үз балы турында хыяллана. Ә Сәлимәнең әле үзенең принцесса икәнлегенә ышанган чагы. Аңа әле Фея ярдәме кирәкми, теләкләрен үтәргә әнисе бар. Ә менә әнисенә Феяның ярдәме ярап куяр иде…

 

Филармониянең концертлар залындагы тамашадан кызым белән бергә үзем дә чын-чынлап ләззәт алып кайттым: рәхәтләнеп Шутиков оркестрын тыңладым, Аленушка белән Дуняша маҗараларын карадым. Рус әкиятләренә нигезләнсә дә, музыкаль тамаша искиткеч иде. «Дуняша белән явыз Үги ананы нишләтик?» – дип сорады соңыннан әкиятче. «Үтерергә! Асарга!» – дип кычкырды залдагы балалар. Йа Аллам, илебезнең якты киләчәге…

 

Кызым берничә бәйрәмдә булганнан соң, чыршы тирәли әйлән-бәйләннән баш тартты: «Баруын барам, әмма хоровод әйләнмим», – диде ул. Менә сиңа мә! Мин аңа бәйрәм бүләк итү өчен чатыр чабам, ә ул?! Хәер, аны аңларга да була. Чөнки чыршы тирәли әйләнүче балалар күп җыела, җитмәсә, шул түгәрәккә ата-аналар да тыгылыша, янәсе, балаларын саклыйлар. Әле кайберләре балаларын уртага махсус кертеп җибәрә. Ә үзе башка балаларны этә-төртә керә дә баласын фотога төшерә башлый. «Карагыз! – дип фотоларны кунакларга күрсәтәчәк ул. – Бу фотода минем улым Кыш бабай янында басып тора, монда ул Кар кызы белән җитәкләшкән, монысында аны (нәкъ менә минем улымны, ә аның күршесендәге кызны түгел) Шүрәле кытыклады…» Кыскасы, минем кызым андый болгавыр әйлән-бәйләнгә катнашмый башлады.

 

Миңа калса, ул хоровод дигәннәре совет заманының бер истәлегедер. Совет илендә бөтенебез бертөрле һәм бөтенебез бердәм идек – кулларны тотышып, бер түгәрәк булып әйләнү табигый иде. Ә бүгенге балаларның «без» түгел, «мин» буласы килә. Шуңа күрә чыршы тирәсенә бары тик булачак артистлар, топ-модельләр, олигархлар, президентлар җыелган. Ә булачак артист белән президентка, һичшиксез, аерым игътибар сорала.

 

Каникулларның яртысы да үтмәде, көннәр суытып җибәрде. Планда Опера һәм балет театрындагы «Щелкунчик» спектакле иде. Бәлки көннең суытуы минем файдагадыр, акчам янга калыр дип уйладым да: «Әйдә, кызчыгым, телевизордан «Папины дочки»ны карыйк», – дип, диванга сузылып яттым. «Арзангарак төшә» дисәм, хәер, яңа елдан электр энергиясе дә кыйммәтләнгәндер инде…

 

Бар, кайтып кит инде, Кыш бабай, тамашаларның чиге юк, иң яхшысы – кызымны балалар бакчасына илтим.


Рузилә МӨХӘММӘТОВА
Шәһри Казан
№ 4 |
Шәһри Казан печать

Фикерләр

Исем:
E-mail:
Текст:
 
№23 (32542) / 18.01.2010 17:37:14

нух! Соңгы җавабыың өчен рәхмәт!

№22 (32489) / 18.01.2010 00:41:31

Әлбәттә, бала ашарга пешерергә hәм акча тотарга гына өйрәнеп үсәргә тиеш түгел. Астагы "әhелләр" hаман шул бер балык башын чәйнәргә тырышалар - бала мәдрәсәдә укый, дога ятлый, әз-мәз хуҗалык эшләренә өйрәнә. Кыз баланы күздә тотам. Укып бетерә дә (бетерәме-юкмы әле), берәр әhелгә икенчеме-дүртенчеме хатын итеп кияүгә бирелә - җенси ләззәт алу hәм бала табу чарасы итеп. Сериаллар карый, балалар үстерә, мәчеткә йөри. Югары материяләр белән кызыксынмый, марҗа (яhүдә) хатыннарының фәнни эшләр, политика, экономика белән шөгыльләнүләренә гаҗәпләнеп карый.
Әhелләр өчен оҗмах инде, җирдәге.
Бу хатыннар аларның үзләренә охшаган да була, җитмәсә тагын.
Идиллия. Бу хатыннар белән hава торышы турында, ахырзаман турында, өй җиhазлары, гөлләр, кече малайның эче катуы турында, иртәгә иртәнге 3тә торып нәрсә ашап ятарга икәнлеге, h.б. шундый примитивизмнар турында сөйләшергә була.
Ләкин, дөньяви белем алган, дөнья культурасы турында азмы-күпме хәбәрдар, интеллекты азмы-күпме булган кешегә андый хатын кирәкми.
Андый хатын туры килсә, сөяркә эзләп чабачак ул. Нәрсәдер турында сөйләшергә дә кирәк бит әле, рухи якынлык булырга тиеш. Синнән өйдә бүләк кенә көтеп утырган, ничек ашарга да ничек ятарга гынаны уйлаган, теге дөньяда җәннәткә эләгүне тормышының төп максаты итеп куйган җан иясе - кызганыч җан иясе.

№21 (32482) / 17.01.2010 22:09:38

дөрес әйтәсең Рузилә! һаман шундый караш яшәп килә: татар хатыны һаман сыер астында гына ятарга тиеш. Матур кием турында уйламасын: чүпрәк кортына әйләнә алайса. Сәләмә көенчә эчке матурлыгын күрсәтсен!Ире бүрәнә күтәргәндә авыр башына барып ябышсын. ЭШләп гемморое, бүсере чыксын, бөкресе булса тагын да әйбәтрәк! эшчәнлеген дәлилләп торачак! безнең милләтнең легендага әйләнергә тиеш булып та билгесез калган меңнәрчә хатын-кызларның портретлары сугыш вакытында да,СССР да шулай булды.
Ни өчендер хәзер дә хатын-кызга авыр булырга тиеш дигән фикер алга сөрелә. матур биергә, матур итеп йөрергә өйрәнү начар мәллә ул? Кәбестә шулпасы белән итле шулпа пешерергә өйрәнү берни түгел, ите булса суыткычта! Кияүгә чыккач ашарга пешерү мәҗбүри программага әйләнә . Әйтерсең бездә гаилә белән ресторанга йөрү гадәткә кергән!болай да тормыш ашау өчен яшәүгә әйләнеп бара.
ә сез баланың бала чагын кыскартырга азапланасыз! өлгерер әле!

№20 (32477) / 17.01.2010 21:48:02

Нухка
минем балам русча сөйләшә башлады. мин борчылам, әмма бер чарам юк. урыс садигына йөри бит ул. безнең тирәдә татар садигы юк. мин бу хакта язгаладым инде: безгә иң якын булырга тиешле садик бинасында конгресс утыра. бәлки минем һәм күршеләремнең балалары шул бинага бакчага йөрсәләр милләт өчен файдалырак булыр иде дә бит.
Faridка
баланың пианинода уйный белүе, нота тануы, бии белүе начармыни? мөмкинлеге булган татарлар гомер-гомергә балаларын белем бирергә омтылганнар, музыкага да укытканнар дип беләм. вакыты җиткәч чит телләрне дә өйрәнербез Алла теләсә, акча җитсә.
филармониядә эшләүче бер танышым сөйләп торды, татар концертлары булган көнне бик күп культурасыз халык килә ди, концерт башлангач өерелешеп килеп керәләр ди. Ә урыс концертына килгән тамашачы соңга калса, тамашачының кул чапкан чагын көтеп тавышсыз гына кереп утыра ди. тегесе татар культурасы, дөресрәге культурасызлыгы, икенчесе - яһүд культурасы. татар хатыны сату итә һәм акча экономияли белсен дип кенә яшикмени инде?
сату итегә килгәндә, канда булмагач юк инде ул, өйрәтеп кенә була торган түгелдер дип уйлыйм.
мин баланы мөселманча өйрәтергә һич тә каршы түгелмен. гарәп телен дә, догаларны да өйрәнер.
жрикка
казанда чәүкә бармыни ул? күргәнем юк. кызым кошларны гына түгел, хәтта басудагы арыш белән бодайны да аера (һәрхәлдә былтыр аера иде, быел җәйгә кабатларбыз дип уйлыйм)

№19 (32467) / 17.01.2010 20:14:58

табигатьне шулай үз кулларыбыз белән корыткач,Рәзиләнең тиен күрмәгәненә гаҗәпләнмим. мин быел гына 1 нче тапкыр тере төлке күрдем. Табигатьтә! Шатлыгымнан кычкырып җибәргәнемне сизми дә калдым.

№18 (32461) / 17.01.2010 19:35:06

1. язганнар иде инде, телэсэ кем болай ботен театрларда да шар сугып йори алмый, дип.
2. хэр ялны ленин бабай хэйкэле янында чыпчык ашатыр очен, ленин бабай хэйкэле янындагы йортта яшэргэ кирэк.
3. узен дэ шул яшькэ житеп тиен курмэгэч, баланг карганы да чэукэдэн аера алмый башларга мэмкин.
4. шул рухта дэвам итэргэ була. рузилэ ихлас. эмма... черезчур.

№17 (32454) / 17.01.2010 17:45:17

Сәһибҗамал анлашыла. Син мишяр кардашлар янында яшагач мине сузсез да анлый башлагансын. Тик моны казанда чыккан совок китапларны газета журналларны укып ускан чыхымнарга ничек анлатырга икэн? Алар бит чын-чынлап зур мэдэниятле булу турында хыялланып колга эверелуне дэвам итэ.

№16 (32453) / 17.01.2010 16:36:06

Farid.



Самараның Мәсҗед буендагы паркта тиеннәр күп.

Ерткычлар булган җирдә яшәми шул алар.

№15 (32451) / 17.01.2010 16:10:34

Моны укыганнан соң, беркатлы татар анасы баласыннан бусер чыгартып аны ягуди маданияте конвеерына тыгып газаплана дип уйларга да була. Классик юмор. :( Нича йоз менг татар совогы шул юлны узган бит инде. Анларлык тугел мени эле? Барысынынг да финише бер ич: чираттагы эшсез акчасыз калачак казаннынг примитив типа зыялы марҗалары тэрбиялэнэ. Ни пычагыма хаерче санын арттырып бугенге кызларга чит хореография, чит музыка ойратерга? Аларны эшларга, ашарга пешерерга, ир тынларга, сабырлыкка, акча санарга, экономияга, хич югында сату итарга яки компьютерга, инглиз. кытай телена ойрэтергэ кирэк. Ун ел буе эшлаган торек лицейлары курсэтте бит инде ничек итеп кеше тэрбиялэп булганын. (Шунга курэ ябып куйдылар ич аларны.) Каюм Насыйри я Риза Фахретдин педагогикасы да ратлерак тугел микэн? Урюпинскида яшаучы бер рабочий анага анлашыла: башы эшлами, урыс арасында барыр жире да юк. Э шэхри Казанда бит балаларны татарча, моселманча коткарып та, унган итеп та тарбиялап калып була эле!

пс. күгәрченнәр белән чыпчыклар ашату яхшы идея минга ошады

№14 (32450) / 17.01.2010 16:07:35

Рузилә.
Безнең шәһәр уртасында җим сорап интектрәләр алар.
Тиен димәктән бер хәл искә төште.
68еллар Акадимгородокта (Новосибирск) Елецктан килгән бер егетнең тиен күргәч,кычкырып тиен артыннан куып йөргән иде.Шәһәр халкының сәерсенеп карап торганнары хәтеремдә.
Казан да кыргый шәһәр шул...

Миңа калса Урицский клубы буенда элек яшиләр иде тиеннәр,хәзергесен белмим.

№13 (32448) / 17.01.2010 15:53:55

"...чамасын белгәндә Кыш бабайга ышану файдалы икәнлеген аңлаячак..."

Иркә әйтмешли, ихластан көлеп утырам)))

"...чыршы тирәсенә бары тик булачак артистлар, топ-модельләр, олигархлар, президентлар җыелган.")))

Мин дә бик яратып укып чыктым - тема минем өчен дә актуаль. Без 500әр сум җыйган идек сәдиктә.
И тагын, безгә 4 яшь тә булмагангамы икән, без татарча сөйләшәбез...
Язуы кайсы телдә булыр)))) була калса)))

№12 (32446) / 17.01.2010 15:27:40

"шул яшькә җитеп минем аларны үземнең дә күргәнем юк." Куз алдына китеруенне тогэл итеп анлатырга кирэк иде. Кстати теге эби кем сон ул? Я булмаса тагын куз алдына килдеме яки тоелдымы? Тоелса, ...

№11 (32445) / 17.01.2010 15:17:04

зоопаркта дип әйтүе идемени теге әбинең? :( мин тагын табигатьтә ирекле тиеннәрне күз алдына китергән идем. бармыйбыз без ул зоопаркка. Ижевски зоопаркын күргәннән соң Казанныкыннан гайрәтем чикте. балаларга анда бердәнбер кызык - солярка исе чыгарып тыкы-тыкы эшләп йөргән паровоз исемле трактор

№10 (32443) / 17.01.2010 15:10:03

Тиеннер Ботан бакчасында, зоопаркта бар бугай алар. К-хм!

№9 (32441) / 17.01.2010 14:47:56

балага тиен күрсәтү әйбәт идея. кая бар икән ул тиеннәр? шул яшькә җитеп минем аларны үземнең дә күргәнем юк. кошларны күрсәтәм инде. ял көннәрендә Ленин бабай һәйкәле янында күгәрченнәр белән чыпчыклар ашатабыз. якын-тирәдә генә, машинасыз кешеләр барып җитәрлек җирдә тиеннәр буламы?

№8 (32427) / 17.01.2010 08:32:12

Рузилә ханымның язмасы + аңа язылган коментлар берберсен тулыландыра һәм бик яхшы тәэсир калдыра. Иярмик башкаларга, үзебезчә яшик!

№7 (32425) / 17.01.2010 02:02:19

адвокат, 
килешәм.Ихлас әйберләрне уку кызыклы.

№6 (32424) / 17.01.2010 02:00:17

Рузилә, язмаларың ошый башлады әле.Җиңнл укыла.Син еллык культурный программаны 10көндә үтәгәнсең түгелме?!)))))

№5 (32422) / 17.01.2010 01:32:10

Рузилэне белгэнгэ курэ, якламакчы да, уз итеп кенэ орышучыларга кушылмакчы да булам. Рузилэ башка ишлэре яшереп эшлэгэнне ихластан ачып бирэ. Хикмэт шунда гына. Казанда хэр "ике ананан очесе" баласы турында шулай кайгырта, жэмэгать! Мона тыныч карарга, гаеплэмэскэ кирэк. Вакыты белэн барысы да уз урынына утырачак. Э Рузилэ сезнен балагызнын энисе эйтеп бетермэгэнне генэ "сата". Элбэттэ, ул да 50% ка гына хаклы.

№4 (32399) / 16.01.2010 20:45:38

хоровод уеннары мәҗүси заманнардан ук килә. түгәрәк кояшны, ә кояш -тормышны,бөтенлекне аңлата.
аннан соң бу театрларның барсына да бару мәҗбүри идеме? Әллә соң чакыру билетларын әрәм итәргә теләмәдеңме? сез мәдәният темасын яктыртучылар арткы ишектән генә керәсездер бәлки?

№3 (32392) / 16.01.2010 19:00:58

бездә бәйрәмнәр скромныйрак үтә аллага шөкер! Рузилә балаңа аңлат; Кыш бабайдан зур бүләкләр сорап булмый!Балалар бик күп,ә ул бер генә. һәм Кыш бабайга да акчаны күп түләмиләр диген.
ә иначе!

№2 (32389) / 16.01.2010 18:10:42

Менә җанашкайларым,кем арбасына утрасың бит.Үзебезнең кем икәнебезне \"онытып\",шулай кыланабыз инде,рождество дип.
Кечкенәдән өйрәтсәк балаларыбызны,кыш бабай юк,бу башка дин элементлары,бездә адый хәлләр юк дип,арзангаракка төшәр иде.

Башта үзебезгә сорау:Кем мин?Балам кем булачак?Кем булып кыланабыз?Кирәкме бу безгә вә балаларыбызга,оныкларыбызга?

Бар урманга,паркка.Кошларны,тиеннәрне курсәт,аңлат,ашат аларны.Үскән чыршыларны күрсәт.Уйнагыз биегез җырлагыз-менә булыр бәйрәм.Арзан да күңелле дә.Балага файдасы да.

Ошаныгыз Сәһибҗамал әбиегезгә.Күп еллардан килгән тәҗрибәм.Үстеләр җанашкайларым,без ущерба.Оныкларым да..

Не дураки.Усё в норме.


№1 (32388) / 16.01.2010 18:02:32

Бу бала рэхэт яши икэн.Хэр хатка бер булэк, циркта шоколад, Яна ел бэйрэме генэ дэ 5-6 жирдэ! Килэчэктэ дэ энисе хакын ашап ятучы ялкау, иркэ, кире кыз булмасын дип кенэ телисе кала. Хэзер купчелек кызлар шундый бит.Ойлэнер вакыт житкэч, кем тэрбиялэде микэн боларны дип аптырыйбыз да, андый рэхэттэ усмэгэн ипле авыл кызын алып кайтып куябыз.Рузилэ ханымга сабырлык телим, курэселэре алдадыр эле. Килэсе елга канат кына сорамас бу бала.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar