Кече Рбишчада «Шәкертләр бәйрәме» узды (ФОТО)

Җәй айларында төбәгебездәге һәр мәчеттә диярлек дини укулар оештырыла. Рухи белем туплаган ба¬лалар соңыннан регионара “Шәкертләр бәйрәмендә” гыйлемнәрен күрсәтә. Бу күләмле чараны, елдагыча, Сафаҗай яшьләр хәрәкәте, Мәскәү имамнары - бертуган Илдар белән Ринат Аляутдиновлар һәм быел “Адҗа авыл” төркеме активистлары оештырды, ә партнерлары булып “Туган як” газетасы, “Татар радиосы”, РНКАТНО, Мәскәү һәм Түбән Новгород өлкәсе Диния нәзарәтләре, башкаланың Тарихи мәчете һәм Мәскәү Ислам институты чыктылар.

Тантаналы ачуда Кызыл Октябрь районы администра¬циясе башлыгы Халит Сөләйманов, Рбишча главасы Наил Хөсәинов, җирле имамнар Амир Юсипов һәм Мөнир хәзрәт Багаутдинов, азанчы Азат Юсипов, өлкә Алемнар шурасы рәисе Мөнир хәзрәт Бәюсов һәм РНКАТНОның башкарма директоры урынбасары Илдус Абдуллин кат¬нашучы командаларга сәламнәрен җиткерделәр һәм уңышлар теләделәр.

Илдус Ханәфиевич “Адҗа авыл” төркеме әгъзалары Ан¬сар Насибуллинны, Рөстәм Юсиповны, Рамил Шакировны һәм Әнәс Алимовны, ифтар мәҗлесләрендә булышкан Мәскәүнең “Идель” кафесы баш пешекчесе Наил Абдул¬хаевны һәм Сафаҗай яшьләр төркемен Рәхмәт хатлары белән бүләкләде.

Конкурста безнең өлкәдән, Чуаш һәм Татарстан республикаларыннан 15 коман¬да чыгыш ясады. Күбесе, әлбәттә, безнең авыллар¬дан. Катнашучылар ике төркемдә (13 яшькә һәм 18 яшькә кадәр) белемнәрен сынадылар. Һәр команда үзенчәлекле киемнәрдән һәм авыллары язылган бан¬нерлар белән сәхнәгә чыга барды, кыскача үзләре белән таныштырды. Төрле регион имамнары, танылган дин вә- килләреннән торган жюри әгъзалары катнашучыларның чыгышларын “Виктори¬на”, “Коръән уку”, “Нашид¬лар башкару”, “Пәйгамбәргә һәм Ислам диненә багышланган шигырльләр сөйләүдә һәм төрле күренешләр сәхнәләштерүдә”, “Аллаһының 99 исемен белүдә” һәм башка берничә номи- нациядә бәяли бардылар. Командаларның чыгышла¬ры арасында тамашачы¬ларны инглиз, рус һәм та¬тар телләрендә яңгыраган җырлары белән бәйрәмнең махсус кунагы - “Голос. Дети” телевизион-шоу җиңүчесе Сәйдә Мөхәммәтҗанова (фотода Финляндия кунагы Рамил хәзрәт Беляев белән) сөендереп торды. Халык аны көчле алкышлар белән кар¬шы алды, сәхнәдән төшкәч тә аңа тынгы бирмәде, аның белән фотога төшәргә теләүчеләр байтак булды.

Төштән соң татар халык уен¬нары башланды – берәүләре капчык киеп йөгерде, ә икенчеләре алар белән бәрешеп көрәште. Иң ба¬тырларын кечкенә бүләкләр белән сөендерделәр. Аерым бер урында көрәш ярышла¬ры башланды. Ул 10 авыр¬лыкта оештырылды һәм һәрбересендә бил алышыр¬га байтак егетләр теләк бел¬дерде. Конкурс кичкә кадәр дәвам итте. Оештыручылар тарафыннан командаларны тукландыру да кайгыртыл¬ган иде. Активистлар ха¬лыкка бәйрәм мәйданында рәхәтләнеп ял итәргә бөтен яктан ярдәм итеп тордылар. Кояштан ышыкланыр өчен берничә зур чатыр да кайгыр-тылган иде. Шуның астында мөселманнар намаз да кереп укыдылар.

Дини конкурста җиңүче- ләргә, икенче, өченче һәм дүртенче урыннар алучы¬ларга Mastercard карталары һәм кыйммәтле бүләкләр, ә көрәш призерларына ме- дальләр, грамоталар һәм бүләкләр тапшырдылар.

Шундый күләмле һәм үзенчәлекле бәйге халык арасында зур кызыксыну тапты, ә балалар өчен ул чын мәгънәдә бәйрәм булды дисәк тә ялгыш булмас.

Илнар САДЕКОВ, автор фотолары

 Бәйрәмнең җиңүчеләре һәм призерлары:

 13 яшенә кадәр:
 “Викторина”
1 урын - Урмай;
2 урын - Карга;
3 урын - Сафаҗай;
4 урын - Кече Рбишча.
“Коръән уку”
1 урын – Анды;
2 урын – Чүмбәли;
3 урын – Семочки;
4 урын – Буа.
 “Нашид уку”
1 урын – Урмай;
2 урын – Шыгырдан;
3 урын – Сафаҗай;
4 урын – Камка.
“Шигырь уку”
1 урын – Красный Остров;
2 урын – Буа;
3 урын – Семочки;
4 урын – Сафаҗай.

 18 яшенә кадәр:
 “Викторина”
1 урын - Сафаҗай;
2 урын – Зур Рбишча;
3 урын - Буа;
4 урын – Карга.
“Сценка”
1 урын – Зур Рбишча;
2 урын - Сафаҗай;
3 урын - Суыксу;
4 урын – Анды.
 “Вәгазь”
1 урын - Суыксу;
2 урын - Сафаҗай;
3 урын – Буа;
4 урын – Карга.
“Аллаһының 99 исемен әйтү”
1 урын - Шөбиле;
2 урын - Сафаҗай;
3 урын - Карга;
4 урын – Зур Рбишча.

 Көрәш:
 30 кг кадәр:
1 урын - Булат Фәйзрахманов  (Сафаҗай);
2 урын – Рөстәм Мангушев  (Камка);
3 урын – Ильяс Сафиуллин  (Шөбиле).
35 кг кадәр:
1 урын – Айдар Әхмәтжанов  (Кече Рбишча);
2 урын – Рәис Закиров  (Шөбиле);
3 урын – Айрат Саитҗанов  (Суыксу).
40 кг кадәр:
1 урын – Ваиз Хакимов  (Зур Рбишча);
2 урын – Наил Абдулбяров  (Сафаҗай);
3 урын – Рамазан Якупов (Сафаҗай).
45 кг кадәр:
1 урын – Камил Абдулбяров  (Сафаҗай);
2 урын – Хадис Хамидуллин (Зур Рбишча);
3 урын – Илсаф Шарафетди¬нов (Зур Рбишча).
50 кг кадәр:
1 урын – Илдус Атауллин  (Рбишча);
2 урын – Руслан Курамшин  (Шөбиле);
3 урын – Динар Айсин  (Суыксу.
 55 кг кадәр:
1 урын – Зөфәр Багаутдинов  (Кече Рбишча);
2 урын – Рафаэль Атауллин  (Сафаҗай);
3 урын – Равил Айнуллин.  (Кече Рбишча).
60 кг кадәр:
1 урын – Салават Насретдинов (Сафаҗай);
2 урын – Зөфәр Багаутдинов  (Кече Рбишча);
3 урын – Рафаэль Атауллин  (Сафаҗай).
65 кг кадәр:
1 урын – Илдар Кафиятуллин  (Рбишча);
2 урын – Хамис Карагатов  (Рбишча);
3 урын – Азат Усманов  (Рбишча).
70 кг кадәр:
1 урын – Ришат Сабитов  (Сафаҗай);
2 урын – Азат Усманов  (Кече Рбишча);
3 урын – Дамир Абдуллин  (Кече Рбишча).

Абсолют авырлыкта:
1 урын – Ханнән Камалетди¬нов (Сафаҗай);
2 урын – Ришат Сабитов  (Сафаҗай);
3 урын - Хамис Карагатов (Рбишча).