Печәдә терлекчелек яңадан үсә

Без, кагыйдә буларак, фермер дигәч, киң җилкәле, көчле куллы ир-атны күз алдына китерәбез. Дөрес тә, чөнки күбесе очракта бу кәсеп ияләре - алар. Ләкин соңгы вакытта бу юнәлештә ирләрдән калышмыйча эшчәнлек алып барган гүзәл затларыбыз да арта бара. Печәдә бер ел элек Наҗия Магҗанова оештырган крестьян-фермерчылык хуҗалыгы эшли башлады.

“Эшли башлады”, дип әйтү, бик үк дөрес тә түгелдер, чөнки Наҗия ире белән озак еллар буе терлек асрыйлар. Ә туарлар саны арта торгач, шәхси хуҗалыкларында урын кими бара. Шулай булгач, алар КФХ оештырырга карар кыла¬лар. Элекке колхозның буш торган кечкенә генә бер каралтысын алып, аны төзекләндерәләр һәм шунда туарларын күчереп, ит җитештерү юнәлешендә актив эшли башлый¬лар. Моны Сергач районының авыл хуҗалыгы идарәсе күреп ала һәм аларга өлкә максатчан программа¬сында катнашырга тәкъдим ясый. Шулай итеп алар 1 миллион 200 мең сумлык грантка ия булалар һәм 18 баш сыер сатып алалар.

Шуннан сөт җитештерү белән дә шөгыльләнә башлыйлар. Бүгенгесе көнгә сөтбикәләр саны ике дистәне узган инде, алардан алган файда¬лы продуктны фермер авыл халкы¬на һәм Сергачка илтеп сата.

Үсешкә юл тоткан фермер ханым-ның туарлары бу каралтыга да сыеш¬мый башлагач, ул күмәк хуҗалыкның 200 баш туарга исәпләнгән дворын сатып ала һәм зур чыгымнарга кереп ремонт ясый: түбәсен яба, идәнен төзекләндерә, яңа ишекләр элә, су, сөт үткәргечләрне яңарта һәм шунда туарларын күчерә. Хәзер анда сөт блогы төзи, яңа суыткыч булдыру да планында бар. Тәҗрибәле терлекче буларак, Наҗия туарларның рацио¬нына зур игътибар бирә: печән, фу¬раж, сенаж ашата, витаминнар да куллана. Быел 100 гектар җиргә арпа да чәчкән. Хәзер КФХда 100 баш мөгезле эре туар бар, шулар арасын¬да ике дистәдән артык сыер ярыйсы гына күләмдә сөт бирә. Ә яңа токым үгезләр, тиешле авырлык җыйгач, иткә сатылыр, таналар исәбенә сыер көтүен ишәйтү күздә тотыла. Ферма¬да ике кеше эшли, Наҗия үзе дә ан¬нан бер китми диярлек.

- Мин гомерем буе туарлар ас¬рыйм. Мөгезле эре туарларны зур каралтыга күчерсәк тә, шәхси хуҗалыгыбыз буш калмады, хәзер анда 100 башка якын сарык, берничә дистә кош-корт бар. Алар¬ны бетерергә уйлыйбыз, ләкин ки¬леп чыкмый. Узган елда дистәгә якын ат та асрадык.

Терлекче хезмәте җиңел түгел, шуңа да карамастан, миңа бу эш ошый. Туар караудан башка тор¬мышымны күз алдына да китерә алмыйм. Эшчәнлегемдә тормыш иптәшем нык ярдәм итә, рәхмәт үзенә. Анардан башка мин фер¬мерчылыкта уңышларга ирешә ал¬мас идем. Район авыл хуҗалыгы идарәсе җитәкчесе Рушан Идри¬совка да рәхмәтемне белдерәсе килә, - ди Наҗия ханым.

Элекке колхозлар чорына күз ташласак, хатын-кызларның тер¬лекчелек юнәлешендә эшчәнлек алып баруы яңалык та түгел кебек. Ул елларда күмәк хуҗалыкларның барлык тармакларында диярлек, аеруча терлекчелектә гүзәл затлар хезмәт итә иде. Алар көне буе кол¬хоз эшендә кайнап, үз туарларын, кош-кортларын карарга да вакыт таба иделәр. Димәк, Наҗия ханым баш-аяк эшкә чумган элекке колхоз¬чы хатын-кызларның бер үрнәкле дәвамчысы булып тора.