Казанда Кече һәм урта бизнес ассоциациясе президенты тоткарланган

2016 елның октябрендә Татарстан Республикасы буенча икътисади куркынычсызлык һәм коррупциягә каршы көрәш идарәсе бюджет акчаларын урлауда күп эпизодларда шикләнелүче төркемне тоткарлады. Полицейскийлар бу кешеләрнең эшмәкәрләргә ярдәм итү популяр программасы буенча ялган документлар белән 2014-2015 елларда һәркайсы 1 млн күләмендә субсидия алганлыгын ачыклаган.

Алынган субсидияләр бизнесны үстерүгә һәм эшче урыннар булдыруга тотылмаган, акчалар фирма реквизитларын кулланып урланган.

Полиция хезмәткәрләре ассоциациянең бер әгъзасы Икътисад министрлыгында Конкурс комиссиясе әгъзасы булганлыгын һәм законсыз рәвештә субсидияләр алуны тәкъдим итеп, гранттан үзенә бүләк рәвешендә 30 процентын таләп иткән.

Шунысын да әйтик, җинаять кылган барлык предприятиеләр Кече һәм урта бизнес ассоциациясендә торган.

Полиция хезмәткәрләре шикле кешеләр яшәгән һәм эшләгән урыннарга тентү үткәргән, җинаятькә кагылышлы булган финанс –хуҗалык документлары, мөһерләр, компьютерлар һәм телефоннары алынган.

Әлеге фактлар буенча Россия Эчке эшләр министрлыгының Татарстан Республикасы буенча Баш Тикшерү идарәсе “Мошенниклык” маддәсе буенча җинаять эше кузгаткан. Барлык шикле кешеләр тоткарланган.

Моннан тыш, оператив-тикшерү чаралары барышында эшмәкәрләргә ярдәм итү программасы буенча бюджет акчаларын урлауда шундый ук 20 факт ачыкланган.