Татарстан халыклары Яшьләр Ассамблеясе активистлары мастер-класс үткәрде

Мәктәпкәчә һәм башлангыч белем бирү практикасы үзәгендә «МУВИ» форум-театрының мастер-классы узды. Әлеге очрашуны «Имин мәгариф мөхите» проекты авторлары оештырды. «МУВИ» (Мирное Урегулирование Вопросов Интернационала) форум-театры Татарстан халыклары Яшьләр Ассамблеясе активистарының иҗат проекты.

Аның асылында милләтара киеренкелекне уен формасында чишү ята. Форум-театр командасы үсештә, яңа катнашучыларны кабул итә, актуаль сценарийлар төзи, конфликтлы вакыйгадан чыгу юлларын яшьләр белән бергәләп эзли.

Сценарий буенча уен барышында кульминацион момент була. Бу вакытта тамашачыларга актерлар белән рольләрен алмашып, милләтара конфликтны булдырмаслык итеп яңа сценарий төзергә һәм аны уйнап күрсәтергә мөмкинлек бирелә. Нәтиҗәдә, тамашачы конфликттан чыгуның төрле юллары барлыгын аңлый һәм нәтиҗәләр ясый.

Проект авторлары фикеренчә, профессиональ белем бирүдә студентларда «эмоциональ компетентлыкны» үстерергә кирәк, нәтиҗәдә, егетләр-кызлар төрле ситуациядә курыкмыйча аралашырга күнегәчәкләр. Ә форум-театрның эмпирик театраль техникасын куллану студентларга уйламаган киеренкелектә ничек үз-үзеңне тоту траекторияләрен өйрәнергә һәм аны практикада кулланырга мөмкинлек бирә.

Театр җитәкчесе Лилия Сәйфуллина әлеге очрашуның үзенчәлекле атмосферасын, студентларның милләтара аралашу белән кызыксынганлыгын билгеләп үтте. Ул мастер-классның һәр этаб технологиясе белән таныштырып барды.

Форум өлешенә күчү күп кенә студентларны гаҗәпкә калдырды. Тамашачы роленнән алар сценарийны теләгәнчә үзгәртә алучы актер роленә күчтеләр, вакыйга герое булып уйнадылар һәм сюжет конфликтын чиштеләр.

Очрашу ахырында студентларны, форум-театр алымнарын файдаланып, мультимәдәни белем бирү мөхитендәге куркынычлык шартларына әзерләүдә хезмәттәшлекне планлаштырдылар. Студентлар эчтәлегенә милләрара конфликтлар кергән театральләшкән вакыйгалар алгортмын өйрәнәчәк. Нәтиҗәдә алар стериотиплар ачыклаячаклар һәм аларга каршы торачаклар.

kpfu.ru