"Си­зенсә дә, ана күңеле ышанып бетми..."

Казан шәһәрендә яшәүче 3 яшьлек Булат Низамиев яхшы күңелле кешеләрнең ярдәменә мохтаҗ. Әлегә кадәр йөри алмаган бала, тернәкләндерү үзәкләрендә дәвалана башлагач, тәпи киткән. “Балабызны дәвалау өчен бурычка баттык. Бар теләгебез – Булатны аякка бастыру”, – ди әнисе Лилия.

Булат вакытыннан алда туа. Әти-әнисе сабыйның үсеше тоткарлануын сизеп ала. Та­биб­ларга күрсәтәләр. Әмма алар төгәл диаг­нозны әйтми. Малайга массаж, ЛФК курслары узарга кушалар. Булатка өч ай чагында ук әнисе массаж ясата башлый. Лилия баланың сә­ламәтлегендә нидер барын си­зенсә дә, ана күңеле моңа ышанып бетми. Бер яшендә Булатка ДЦП диагнозы куела.
 
“Улымның башы әйбәт эшли. Безне аңлый, сөйләшә, үзе кашык тотып ашый, тик менә аяк­лары гына тыңламый. Күптән түгел “Беренче адым” дигән тернәк­ләндерү үзәгендә булган идек. Дәвалауның файдасы тиде. Андагы үзгәреш­ләрне күреп, сөенеп туя алмыйм. Булатның ныклы адымнар белән атлап китәсенә бик ышанам. Тик моның өчен шөгыльләнергә, һәр­даим дә­валанырга кирәк. Моңа кадәр балабызны дәвалау өчен үзебез тырыштык. Тик хәзер акчаны җит­кереп булмый, – дип эчен бушата Лилия. – Икенче балам да бар. Шөкер, анысы сау-сәламәт. Гаи­ләдә ирем генә эшли. Шуңа да матди мөмкинлегебез чикле. Акча булган саен, улыбыз өчен тотабыз. Май аенда яңадан дәва­ланырга барырга исәплибез. Бер курс дә­ва­лану өчен 250 мең сум акча кирәк. Әмма без моны үзебез генә җыя алмыйбыз. Шуңа да мәр­хәмәтле ке­ше­ләрдән ярдәм сорарга булдык”.

12 мартта Казанда Булат Низамиевка ярдәм итү ниятеннән хәйрия концерты узачак. Кеч­кенә малайның хәлен әнисе Лилиягә 89270365639 номеры буенча шалтыратып белешергә була.

Акчалата булышырга те­ләү­челәр өчен исәп-хисап реквизитлары:
 
Әтисе Низамиев Рәис Габделбәрович исеменә ачылган Саклык Банкы картасы: 63900262 9017469650.