91 яшьлек татарстанлы «Интернетка рәхмәт-2016” Бөтенроссия конкурсы призеры булды

2 ноябрь көнне Мәскәүдә «Интернетка рәхмәт-2016” Бөтенроссия конкурсында җиңүчеләрне тәбрикләү булып үтте. Пенсионерлар арасында компьютерны өйрәнүдә шәхси казанышлар бәйгесен Россия Пенсия фонды һәм Россия электрон коммуникацияләр ассоциациясе ярдәме белән «Ростелеком» оешмасы дәүләт электрон хезмәтләрен популярлаштыру максатында оештырган иде.

Шулай ук ул РФ Хезмәт һәм халыкны социаль яклау министрлыгы ярдәмендә «Ростелеком» оешмасы һәм РФ Пенсия фонды төзегән «Азбука Интернета» укыту программасын таныту бурычы да куелды.
 
Бәйгегә 3 000 гариза кабул ителгән. Татарстан катнашучылар исәбе буенча регионнар арасыннан иң активы булып чыккан. 91 яшьлек Әхсән Шәрипов белән 59 яшьлек Фирдәүсә Яфизова исә призерлар исеменә лаек булган.

Җиңүчеләрне составына Россия Пенсия фонды идарәсе, Россия электрон коммуникацияләр ассоциациясе һәм «Ростелеком» оешмасы вәкилләре кергән авторитет Конкурс комиссиясе түбәндәгечә билгеләде:

"Gosuslugi.ru порталы: катлаулы эшләрнең җиңел чишелеше" номинациясендә

1 урында – Ерёмина Раиса Александровна, Ульяновск өлкәсе, 55 яшь
2 урында – Анисимова Галина Васильевна, Санкт-Петербург, 66 яшь
3 урында - Добролюбова Вера Анатольевна, Саратов өлкәсе, Орск, 61 яшь.

"Интернет – минем дустым һәм  ярдәмчем" номинациясендә

1 урында – Клюкина Галина Васильевна, Мәскәү өлкәсе, 79 яшь
2 урында – Шәрипов Әхсән Әмирҗанович, Татарстан, 91 яшь
3 урында – Григорьянц Наталья Николаевна, Иркутск өлкәсе, 63 яшь

"Интернет-эшкуар, Интернет – эш бирүче" номинациясендә

1 урында – Яфизова Фирдәүсә Әбдрәшитовна, Татарстан, 59 яшь
2 урында – Колько Сергей Павлович, Омск өлкәсе, 62 яшь
3 урында – Уткина Вера Никитична, Төмән, 61 яшь

Конкурста катнашучыларның 86,6% хатын-кыз һәм 13,4% ир-атлар, иң өлкән катнашучыга 91 яшь.

Конкурска җибәрелгән эшләрнең 70% махсус өйрәнү курслары үткән пенсионерлардан, 30% - мөстәкыйль, шул исәптән «Азбука Интернета» программасы буенча өйрәнүчеләрдән килгән.

Gosuslugi.ru порталын даими кулланучыларның саны 73%. 75% эшләр авыл җирлекләрендә яшәүчеләрдән килгән.

«Иң актив регион» номинациясендә беренчелекне Татарстан республикасы яулаган.

Конкурсның барлык тулы нәтиҗәләре белән azbukainterneta.ru порталында танышырга мөмкин.

Партнерлар яңалыгы