Бергәләп тотынсак, җиңәрбез!

Якты кояшлы көнне күкне болыт капласа, бер мәлдә ни эшләргә дә белмичә бөтенләй югалып каласың. Казанның Юдино бистәсендә гомер итүче Наталья Әхмәтҗанова да үз диагнозын ишеткәч, бөтенләй сүзсез кала. Яраткан гаиләсе, эше, ике улына сөенеп яшәгәндә Натальяның күкрәгендә яман шеш табалар.

“Апам бик тә кешелекле, яр­дәмчел. Беркайчан моңаеп утырмый. Тормыштан тәм табып яши белә торган кеше. Кинәт кенә авырып киткәнен үзебез дә авыр кичерәбез, – ди икетуган сеңлесе Люба. – Наталья – Казахстанда туып үскән кыз. Аның ике абыйсы бар. Әнисе дә кызының яман чир белән авырганын белгәч, кулдан килгәнчә ярдәм итә. Ул бик борчыла. Әмма безне өмет яшәтә әле. Апамның тереләсенә бик ышанабыз”.
 
34 яшьлек Наталья күптән тү­гел олы улына иптәшкә энекәш алып кайта. Баланы кесеров кисүе белән алалар. Ул сабыен имезә алмый, күкрәгендә сөте бетә. Менә шуннан соң авыртулар барлыкка килә. Табибларга күренгәндә соң була инде. На­тальяның сул күкрәгендә яман шеш табалар. Әле ул бавырына күчәргә дә өлгерә. Хәзерге вакытта кечкенә улына бер яшь тә тулмаган. Балаларны әтиләре карый икән.
 
Дуслары ярдәме белән Наталья Мәскәүгә дәваланырга кит­кән. Әлеге вакытта беренче химиятерапиясен алырга өлгергән инде. Алда тагын җиде мәртәбә химия курслары узасы бар. Бары шулардан соң гына аңа күк­рәгендәге шешен алу өчен операция ясаячаклар. Тик дәвалану өчен зур суммада акча кирәк. Натальяның Казанда дуслары бик күп. Косметолог булып эшләүче бу ханым заманында бик күп туташларга чибәрлек өстәгән. Хәзер менә алар ярдәм кулы сузарга әзер. Арада берсе, яшь ханымның гомерен саклап калу өчен матди ярдәм итүен сорап, Татарстан Президенты Рөс­тәм Миңнехановка да хат юллаган.
 
“Сабыйлары хакына яшәсен иде. Илдә яман чирне җиңү өчен мөмкинлекләр күп бит. Бик еш бу зәхмәтне җиңгән кешеләр турында ишетәбез. Димәк, тырышырга гына икән. Бергәләп акча җыйсак, без Натальяны коткара алачакбыз”, – ди дуслары. Газета укучылар да ике бала анасы Натальяның гомерен саклап калу өчен үзеннән өлеш кертә ала.
 
Исәп-хисап реквизитлары:
 
Номер карты Сбербанка (Наташи) 4276620023352390
Если оплата через Мобильный банк, то карта привязана к номеру 89656023505
для всех переводов:
(рублевых) Получатель Ахметжанова Наталья Рашитовна
Счет получателя 40817810662001430307
Банк получателя:
Отделение "Банк Татарстан" №8610 ПАО Сбербанк
ИНН банка 7707083893
БИК банка 049205603
Кор.счет 30101810600000000603
Хәбәрләшү өчен телефон номеры:
89375263834 (Гаилә дуслары Лилия).