Рәмис Латыйпов: "Татар-информ"га күчүемнең төп сәбәбе - җитәкчелеккә Шамил Садыйковның килүе

Инде вәгъдә иткәнебезчә, "Татар-информ"дагы тагын бер яңалыкны җиткерәбез. Хәзер агентлыкта Рәмис Латыйпов эшли.

Рәмисне киң җәмәгатьчелек "ТНВ" каналындагы "7 дней" тапшыруы аша белә. Аның сюжетлары һәрвакыт тозлы, борычлы һәм иронияле. Дөрес, татарча акценты булу сәбәплеме, Рәмиснең сюжетларында башка хәбәрченең тавышы ишетелә иде. Әмма, аңа да карамастан, Латыйповның "почеркын" сизеп була иде.

"Татар-информ"ның яңа хезмәткәре язма матбугатта да моңарчы еш күренде. Авыл хуҗалыгы турындагы аналитик мәкаләләре "Ирек мәйданы"нда, төртмәле "комментарлары" - "Азатлык"та, Илфак Шиһапов белән Казан буйлап сәяхәтләре "Шәһри Казан"да чыга иде.

"ТНВда, басма матбугатта алган тәҗрибәм "Татар-информ"да ярап куяр. - диде Рәмис Латыйпов "Матбугат.ру" хәбәрчесенә, - Агентлыкка Шамил Садыйковның җитәкче итеп куелуы минем өчен төп стимул булды". 

Шамил белән Рәмис инде күптәннән танышлар. 90нчы еллар ук бергә эшләгәннәр иде. "Адымнар" тапшыруының "Эфир" каналында чыккан вакытын күпләр хәтерлидер. Менә шул елларда төшкән бер-ике фото:

Рәмис Латыйповка яңа эш урынында уңышлар телибез.