|
|
Бүген кемнәр туган
|
|
Архив
|
04.05.2016 Хәвеф-хәтәр
Су астында калган Тугыз турында: Авылда эчкечелек, проституция, урлашу киң таралды - бу афәттән гыйбрәт алыйк!Төмән өлкәсендәге Тугыз дигән татар авылын су басу турында язган идек. Бу көннәрдә су бераз кими башлаган. Шушы авылда туып-үскән Мөнирә Сәгыйдуллина 3 май көнне Фейсбукта менә нәрсә язды: Су әкренләп кайта. Бу көннәрдә 1 метрга якын әзәйгән. Бүген Тугызга, ниһаять өлкә телевидениесе килеп репортаж әзерләп йөри. телевидение белән бергә район башлыгы Рамай Фаридович та килгән. Шулай ук санэпидемнадзордан да вәкилләр килеп суның чисталыгын кабат тикшерә. Район башлыгы халыкка бар яктан ярдәм итәргә вәгъдә итте. Моңарчы төзелмәгән юлны да төзетергә дип сүз бирде.Иртәгә авылга Якушев киләчәге билгеле булды. Халык исә, ник моңарчы килмәде, су кайта башлады бит инде, дигәч төрлечә акланырга тотынган. Янәсе губернаторның моннан да "важные дела" бар. Халыктан да важный нинди эше бардыр губернаторның, билгесез... Иманга утырыгыз, якташларым!
Соңгы атнада йокысыз төннәр, кайгылы көннәр кичерергә туры килде. Туган төбәгем Вагай районы Тугыз авылы су астында калды. Монда минем нәсел чылбырының очлары бәйләнгән, туганнарым гомер итә. Бала чактан рамнарында уйнап үстем, печән чаптым, җиләк җыйдым. Һәм шушы авыл су астында. Юк, булмас, мөмкин түгел. Тик чынбарлык коточкыч һәм аяныч булып чыкты. Мин аларга ярдәм итү теләге белән янып-көеп йөрдем. Ничек ярдәм итим, ничек бу афәттән коткарыйм?
Шактый уйланырга туры килде: ни өчен, нинди гөнаһлар өчен тугызлыларга мондый афәт килде? Аллаһы Тәгаләнең бу сынау тиккә түгелдер. Димәк уйланыр чак җитте. уйлашыйк, иманга утырыйк, башларны саҗдәгә иеп Аллаһы Тәгаләдән ярдәм сорыйк. Бу афәттән гыйбрәт алыйк.
Авылда эчкечелек, проституция, урлык киң таралды. Татар авылы була торып дуңгызлар да берара карап алдылар. Ә бит авылда Астана дигән иске урын да бар. Дуңгыз нәҗесе аларның да, дин тоткан бабаларыбыз күңелен дә рәнҗеткәндер мөгаен. Хәзер халык Алланы да, мулланы да танымый, санашмый. Зинһар, Ходайга сыеныйк, иманлы булыйк, якташлар. уяныгыз,иманга инегез"
Су басудан ФОТОлар: http://matbugat.ru/news/?id=14737
Су басудан ВИДЕО: http://matbugat.ru/news/?id=14763
--- |
Иң күп укылган
|