• 02.06-07.06 Казан шәһәре буенча җәяүле экскурсияләр. ТР Милли музее
  • 24.06 Вадим Захаров концерты. Филармония. 18:30
Туган көннәр
  • 05 Июнь Наилә Низами
  • 05 Июнь Артем Пискунов
  • 05 Июнь Нурания Җамали
  • 05 Июнь Фәния Арсланова
  • 05 Июнь Павел Сигал
  • 06 Июнь Айгөл Гыймранова
  • 06 Июнь Илдар Хәйруллин
  • 06 Июнь Фәнис Фәтхи
  • 07 Июнь Мөнирә Мазунова-Хәбибуллина
  • 08 Июнь Рәис Миңнеханов
  • Ищем чистоплотную мусульманку на подселение ул.Губкина 30Б. Отдельная комната в трехкомнатной квартире, в новом доме, остановка рядом. Тел.89600412669
  • Казань салмачи бистэсендэ 8 сот жир кишэрлеге сатыла,бик унайлы урында ,фундаменты бар ,барлык сорауларга телефон аша жавап бирэмен,телефон номеры 89377797292
  • Кама Тамагы районында 11,6 га (ике пай 5.8га) межевать ителгэн жир участогы сатам. Участок бик унайлы урында урнашкан, яныннан ук асфальт юл утэ, документлары эзер. 2024 елда идел аша купер тозелеше кулланышка тапшырылачак, шэһэрдэн участокка кадэр асфальт юлдан 40 минут вакыт кирэк булачак. Кадастровый номер 16:22:060501:111 Тел 89674628716
  • Журналистлар урамында урнашкан ике бүлмәле квартирага бергә торырга татар кызы эзлибез. Якында гына Попова, Пионерская, Ак. Губкина остановкалары. 16000 всё включено. 89274052074
  • Газель, грузчик хеэмэте курсэтэбез 24/7. 89196271171
  • Энергетиклар урамында урнашкан (Мәскәү базары) тулак торактагы бүлмә арендага бирелә. Булмәдә яшәү өчен кирәкле бөтен җиһаз бар. 89050215173 номерына шалтыратып, тулырак мәгълүмат белә аласыз.
  • Ф. Амирхана урамында 1-булмэле фатырны озак вакытка арендага бирэм. Яшэу очен ботен унайлыклары да бар. Айлык тулэу бэясе 17мен.89173903748.
  • Казанда сатам диван яна 20 менгэ алган идем бер тапкырда ятмаган кучеп киту сэбэпле сатам 15 менгэ тел89178840723
  • Казан Чапаева урамында 2 булмэле фатирны арендага бирэм.17500+ счётчики газ+ вода+ свет.т.89655931320.т.89872630522
  • Ищу девушку на подселение в комнату к девушке, в 2-х комнатной квартире. Желательно на долгий срок. По адресу Восстания/Ибрагимова. Оплата 4500 руб. в месяц. Оплата после заселения. Всё необходимое в квартире имеется. Без комиссий. Собственник! Не риэлтор. +7 917 873-82-13 или +79179361290 (ватсап)
 

 
Архив
 

               

22.02.2016 Киңәш-табыш

Йөкле хатыннарга машина йөртергә ярыймы? (Замирә Рәҗәпова фикере)


Хәзерге заманда руль артында йөрүче хатын-кызга беркем дә гаҗәпләнми. Нәфис затларыбыз юлларда үзләрен кыю тота, кайвакыт хәтта ирләрне дә уздыра. Ә йөкле хатыннарга руль артында йөрергә ярыймы? Белгечләрнең күбесе моңа каршы чыга һәм йөкле хатыннарга бары тик пассажир утыргычында гына йөрергә киңәш итә. Шул ук вакытта йөкле хатын-кызның машина йөртүендә бер начарлык та күрмәүчеләр бар.

Хәер, һәр хатын-кыз йөклелек чорын төрлечә кичерә, шуңа күрә һәр очракка аерым тукталырбыз.

Токсикоз. Токсикоз булганда (күбесенчә беренче триместрда), машинада йөрү түгел, урын җиреннән дә тору авыр булырга мөмкин. Ул, гадәттә, иртән түгел, ә төшке аш тирәсендә үзен сиздерә башлый. Көтмәгәндә-уйламаганда баш әйләнергә, йокы төшәргә, хәл китәргә мөмкин. Бу хәлләргә әзер булырга кирәк. Әгәр йөкле хатын-кыз токсикоздан интегә икән, машина йөртүдән токсикоз чоры узганчы баш тартырга киңәш ителә.

Руль артындагы хатын-кыз, ирләр фикеренчә, юлда көтелмәгән хәлләр китереп чыгарырга мөмкин. Ә инде йөкле хатын-кыз, кызганычка каршы, чынлап та, куркыныч тудыра ала, чөнки авырга узган хатын-кызның игътибары аз була икән. Бигрәк тә өченче триместрда хатын-кызның кәефе кискен үзгәрүчән булуы белән аерыла.

Йөклелекнең соңгы чорында машина йөртү. Күп вакытын руль артында үткәрә торган хатын-кызны машина йөртүдән баш тартырга зур корсагы кына мәҗбүр итә аладыр, мөгаен. Бу - табигый хәл, психологик фактор. Дөрес, кайбер хатын-кызлар ахырга кадәр - бала тапканчы машина йөртә. Ул вакытта кайбер мөһим кагыйдәләрне истә тотарга кирәк. Мәсәлән, куркынычсызлык каешы корсак уртасыннан үтмәскә тиеш. Андый очракта махсус адаптер яисә аерым каеш сатып алырга да мөмкин. Утыргыч белән руль арасындагы ара да иркен булырга тиеш.

Руль артына утырырга теләүче йөкле хатын-кызларга берничә киңәш:

1. Руль артына утырганчы, кәеф-хәлегезгә карагыз. Үзегезне яхшы хис итүегез мөһим.

2. "Час пик" вакытында хәрәкәт итәргә тырышмагыз. "Бөке"дә утырганда хасил булган газ концентрациясе сәламәтлеккә начар тәэсир итәргә мөмкин. Аннан соң "бөке"дә йөкле хатыннар гына түгел, хәтта ирләр дә нервлануга дучар була.

3. Ерак юлга чыкканда, тукталышлар ясап, саф һавага чыгып керергә тырышыгыз.

4. Руль артында йөрүче йөкле хатын-кыз барлык документларын үзе белән йөртергә тиеш. Ә йөклелекнең соңгы чорында бала тудыру йортына алып барырга тиешле "чемодан"ны да онытмаска киңәш ителә.

5. Организмдагы үзгәрешләргә, бигрәк тә күз күременә игътибарлы булыгыз. Кирәк булса, табиб белән киңәшләшегез.

Әгәр йөкле хатын-кызга машина йөртү ошый икән, нигә әле бу гадәттән баш тартырга? Ләкин алай да чамасын белегез, бала тудыру йортына булачак әти кеше алып барсын! Юлларда сак йөрегез!

Талантлы, популяр алып баручы, Аяз исемле ул үстерүче һәм тиздән кабат әни булачак Замирә Рәҗәпова фикере: "Йөкле хатын-кызга машина йөртергә ярыймы-юкмы икәнен белмим, ләкин йөртмичә булмый. Җәяү йөрү файдалы дисәләр дә, минем тормыш рәвешем белән бу мөмкин түгел. Баланы авыр сумкалары белән хоккейга алып барырга кирәк, үзем көненә берничә җиргә очрашуга барам, шуңа күрә миңа җәмәгать транспортында яисә таксида йөрергә уңайсыз булыр иде. Әлегә бер авырлыгын да тоймыйм, бик җайлы. "Бөке"дә утырганда, киресенчә, кызыл ут озаграк торсын иде дим, чөнки ул арада берәр кешегә шалтыратып алырга, смс язырга өлгерәм. Руль артында йөрүемә ирем каршы түгел, шулай да үземне генә ерак юлга - Башкортстандагы авылыма җибәрергә курка".

Эльвира ШАКИРОВА
Интертат.ру
№ --- | 21.02.2016
Интертат.ру печать

Фикерләр

Исем:
E-mail:
Текст:
 
▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Казан филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Фирдүс Тямаев
Шаян
Татаркино
Балмай
Раяз Фасихов
MINBAR
Татарстан Диния нәзарәте