Резидә Шәрәфиевага 50, әнисенә - 70, кызына - 10 яшь тулган (ФОТО)

Юбилей дигәч, кызыксынучылар күп булды. “Сиңа 45 мәллә?” – дип тә сорыйлар. “Артында нуле дә бар”, – дип җавап кайтарам. Кичә иртәдән кичкә кадәр җыр яздырып, күлмәк артыннан йөреп, соңыннан җырлавымны бик сораган бер кешенең юбилеенда чыгыш ясап кайттым. Телефон тынмады. Бик күп шалтыратып котладылар. Рәхмәт яусын барысына да. Тик еллар узган саен бик олылап үткәрәсе килми. Алла боерса, Казанда узачак концертымнан соң туганнар, дуслар белән утырырга исәп, – диде Резидә.

 

Аның каравы, 7 январь көнне җырчы кызының 10 яшьлек юбилеен зурлап үткәргән. Килгән кунаклар саны һәм бүләкләр турында мәгълүмат юк. Шунысы кызык: Резидә Шәрәфиева кызын мәрхүм әтисе Дамир туган көнне тапкан булган.

 

 

Җырчының әнисе Рәйхана, кызы Зөләйха (ак күлмәктән) һәм сеңлесенең кызы Виктория.