поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 27 Гыйнвар
  • Марат Сафин - теннисчы
  • Эмиль Талипов - актер
  • Рабига Сибгатуллина - җырчы
  • Равил Сабыр - журналист
  • Марат Садыйков - дәүләт эшлеклесе
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ. 89196271171
  • Үзебезенең умарталыктан бик яхшы сыйфатлы бал сатыла. 3л-1200 сум. Шулай ук крем-бал -450 грамм-250 сум, ПЖВМ да бар. Кирәк кешеләр 89625497103 телефонына шалтырата аласыз.
  • Фураж сатыла. 17 сумнан. 89539999493
  • Шушы коннэрдэ угез суябыз. Кг 360 сумнан. 89539999493.яшь ярымлык.
  • Гиссарский hэм романовский сарыклар, тэкэлэр, саулыклар (бикэчлэр) сатыла. Шулай ук торле поролы 6 айдан 8 айга кадэрле тэкэлэр, саулыклар (бикэчлэр) сатыла. Сарык итенен кг.400 сумнан. 89874245531 (Ватсап). Балтач районы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
 
 

 
Архив
 
24.05.2009 Матбугат

ДАНИЛ ГЫЙНИЯТОВ: “ЧЕБЕННӘН ФИЛ ЯСАМЫЙБЫЗ”

Яңалыклар чыгарылышы – һәрбер телеканалның йөзе. Хәбәрләргә карап, аның турында фикер йөртергә мөмкин. Оперативлыкны, объектив караш белән булган вакыйганы күрсәтеп һәм сөйләп бирү осталыгын таләп итә бу эш. “Татарстан-Яңа гасыр” телерадиокомпаниясенең хәбәрләр дирекциясе җитәкчесе Данил Гыйниятов белән очрашып, “Татарстан хәбәрләре”, “Татарстан. Атналык күзәтү” тапшырулары турында сөйләштек.

– Данил, барыбыз да “Татарстан хәбәрләре”н карыйбыз, ләкин “кухнясы” таныш түгел. Хәбәрләр дирекциясендә ничә хезмәткәр эшли? Эш ничек оештырыла?

 

– “Татарстан хәбәрләре” редакциясендә 26 кеше эшли. Үзем белән бергә санаганда 6 алып баручыбыз, 4 продюсер бар, алар көндәлек яңалыклар чыгарылышы өчен җаваплы. “Татарстан хәбәрләре” көненә 5 тапкыр эфирга чыга. Иртәнге сәгать 6 да 10 минутлык яңалыклар чыгарылышы була, аннары 7 дә 5 минутка эфирга чыгабыз, 16.45 тә “Хәбәрләр”нең 15 минутлык тапшыруын карыйлар, аннары 20.30 да ярты сәгатьлек, 00.00 сәгатьтә тагын 15 минут дәвамында барган чыгарылыш эфирга чыгып, көн яңалыкларына йомгак ясый.

 

– “Татарстан хәбәрләре” – көн үзәгендәге яңалыкларны вакытында, халыкка аңлаешлы һәм кызыклы сюжет рәвешендә җиткерергә тиешле тапшыру. Бу җиңел хезмәт түгел. Сезнеңчә, биредә эшләүчеләр нинди сыйфатларга ия булырга тиеш?

 

– Эш режимы, чыннан да, җиңел түгел. Иртәнге 4-5 тә чыгып китәргә туры килә, өйгә еш кына бик соң кайтыла. Режим коточкыч авыр. Моңардан берничек тә качып булмый. Аны үзгәртү мөмкин түгел, бары тик ияләшергә генә туры килә.

 

Сыйфатларга килгәндә, иң беренчеләрдән булып хәбәрчеләрдән оперативлык таләп ителә. Тиз яза белергә кирәк. Кулдан язамы ул аны яисә компьютерда җыямы, баштан уйлап сөйлиме – мөһим түгел, текст булырга тиеш. Биредә эшләүченең тиз уйлый һәм эшли белүе кирәк. Моңардан тыш корреспондентларга дөнья яңалыкларыннан хәбәрдар булырга тиешлеген искәртеп торабыз. Редакциядә профиль буенча бүленеш бар. Сәясәт, икътисад, мәгариф, медицина, мәдәният, дин, авыл хуҗалыгы һ.б. темалар өчен аерым кешеләр җаваплы. Бер хезмәткәр барысын да белеп бетерә алмый, ә менә аерым өлкәдә ул белгеч булырга тиеш. Аннары телевидениедә эшләүчеләр өчен төс-кыяфәт тә кирәк.

 

– Сез җитәкләгән редакция хезмәткәрләре санап кителгән сыйфатларга ия дип уйлыйсызмы?

 

– Әлбәттә. Әгәр алар андый булмаса, биредә эшләмәсләр иде.

 

–  Ә менә милли зыялылар ни өчендер күрше республиканың “БСТ” каналын мактап туя алмый. Безнекеләр башкортлардан калыша дип саныйлар. Ә Сез ничек уйлыйсыз? Бәлки, чыннан да, күрше тавыгы күркә булып күренәдер? “БСТ” белән чагыштырганда, “ТНВ” хәбәрләр дирекциясенең эшне оештыруын, техник яктан тәэмин ителешен,  алып баручылар, корреспондентлар, оператор, монтажерларның профессиональлеген ничек бәялисез?

 

– Тулаем “ТНВ” һәм “БСТ” каналын чагыштырып, кыйблаларын, кем милләткә ничек хезмәт итүен анализлый алмыйм. Ләкин алардагы һәм бездәге  яңалыклар чыгарылышын даими карап барырга тырышам.

 

Ике каналның продукциясен чагыштырганда, җир белән күк арасы. Әлбәттә, техник яктан тәэмин ителеш, студия бизәлеше, яктырту ягыннан “БСТ” чыннан да яхшырак эшли. Сурәтнең сыйфаты югары. Моны таныйбыз. Ә эчтәлек ягыннан без түбәнрәк димәс идем. Аларның да, безнең дә ярты сәгатьлек яңалыклар тапшырулары бар. Бу вакыт эчендә башкортлар 4-5 сюжет күрсәтергә мөмкин, ә бездә 12-13 материал чыга. “БСТ”да урысчадан синхроннар башкортчага тәрҗемә ителми. Тәнкыйть материаллар юк дәрәҗәсендә. Шөкер, бездә ул яктан журналистларга эшләргә ирек бар, сүзне әйтергә мөмкинлек зуррак.

 

“ТНВ”ның техника ягыннан җиһазландырылуы көтелә. Бүген элеккеге ГТРКдан калган аппаратура белән эшлибез. “Татарстан-Яңа гасыр” телерадиокомпаниясенә яңа бина төзелергә тиеш. Минтимер Шәймиев аның проектын караган, өлешчә хуплаган. Анда 15 ләп студия булачак, Алла боерса, Универсиадага төзелеп бетәчәк дип көтелә.

 

– “ТНВ”да татарча бердәнбер мәгълүмати-аналитик тапшыру – ул “Татарстан. Атналык күзәтү”. Дөресен әйтергә кирәк, анда күтәрелгән темалар, проблеманы анализлау тиешле дәрәҗәдә түгел. Шул ук каналда барган “Семь дней” әллә ни зур шау-шу куптармаса да, сюжетлары күпкә кызыграк, алардан калышасыз кебек. Нәрсәгә бәйле бу? Төп сәбәпләрен нидә күрәсез?

 

– Үзем дә бу тапшырудан тулысынча канәгать түгелмен. Аның объектив һәм субъектив сәбәпләре бар. Вакыйгаларны өйрәнеп, аларны шәрехләү һәм тирән анализ ясау татар журналистикасында аксый. Татарстанның Матбугат көне уңаеннан ТР Дәүләт Советында булган очрашуда Фәрит Мөхәммәтшин да, материалларда анализ җитеп бетми, диде. Килешәм. Бу мәсьәлә техника юклыгына да, кадрлар кытлыгына да барып терәлә. “Атналык күзәтү” тапшыруын әзерләү өчен ике көн вакыт кала. Бу бик аз, әлбәттә. Аналитик сюжет эшләр өчен бер көнлек съемка җитми, кимендә ике көн кирәк. “Татарстан хәбәрләре” белән параллель рәвештә эшләнә ул. Шулай да, 4-5 сюжет чыгарырга тырышабыз. Журналистларны сәләтсез дип әйтә алмыйм. Әнә шул мөмкинлек булмау сыйфатлы продукция чыгаруны чикли. Яңа студияләр эшләнгәч, бәлки, бу эш җайланыр. Аннары аналитик тапшыру өчен 25 минут вакыт бик аз, тамашачыга нәрсә генә сөйләп, ни генә аңлатып бирәсең?!

 

– Аналитик тапшыруны тиешле дәрәҗәдә әзерләү авыр булгач, бәлки, аны чираттагы “Татарстан хәбәрләре” итеп кенә эшләргә кирәктер? Вакыты да аз, җитми дисез...

 

– Яхшымы, начармы, ул урынны тотарга кирәк. Иртәме-соңмы, барыбер үсеп китәчәк. Аны яңадан хәбәрләр дәрәҗәсенә төшерсәк, журналистларга эшләр өчен бөтенләй стимул калмаячак. Булмаганның башы авыртмый. Ә җитешсезлекләр бар икән, җиң сызганып эшләргә туры килә, димәк, үсәр, камилләшер өчен мөмкинлек бар. Хәбәрчеләргә дә саллы репортажлар эшли белергә һәм аны сыйфатлы итеп төшерү өстендә даими эшләргә кирәк дип әйтәм. 

 

Эфир вакытын озынайтып булмый әлегә, чөнки башка тапшыруларны кыскартырга туры киләчәк. Аннары үзәк каналларда да аналитик тапшырулар әллә ни озын дип әйтмәс идем. Ә бит Русия, дөнья буйлап чүпләнгән материаллар белән эш итәләр. Аларда да 5-6 сюжеттан артмый. Без икеләтә күбрәк мәгълүмат бирәбез булып чыга.

 

– Үзәк каналларда көн дәвамында барган яңалыкларга кичен йомгаклау чыгарылышы була. “Беренче”дә көн дәвамында “Новости”, кичен 21.00 сәгатьтә “Время” чыга, Казанның “Эфир” каналы хәбәрләр дирекциясенең эше “Город” белән тәмамлана, “НТВ”ның “Сегодня” тапшыруы кичен көн вакыйгаларын тәфсилләбрәк сөйли. “Татарстан хәбәрләре”н караганда шактый күп мәгълүмат күрсәтелми, бер эфир вакытына сыймыйча игътибарсыз кала кебек. Кичке чыгарылышны озынайтырга теләмисезме? “Татарстан хәбәрләре”нең кичке 20.30 да чыгучы саллырак, тәфсилләбрәк итеп эшләргә нәрсә комачаулый?

 

– Хронометраж буенча мәсьәләне җитәкчелек кенә хәл итә ала. Ә сюжетларның читтә калу, эфирга чыгу-чыкмавына килгәндә, бу каналның кыйбласыннан тора. Төрле каналларда төрле сюжетлар күрсәтелергә мөмкин. Кайсыдыр канал  өчен бер вакыйга кызык, ә башкасына ул кирәксез дип табыла. Спутник каналы булгач, читтә яшәүчеләргә кагылышлы материалны чыгаруга өстенлек бирәбез. “Эфир”да, мәсәлән, Оренбург, Екатеринбург, Ульяновскидагы вакыйгалар юк. Тегендә яисә башка каналда күрсәтелгән материал чыкмый калды һәм шуңа безнең канал ярлылана дип әйтеп булмый. Әйе, аңлыйм, халыкка шау-шу куптара торган сюжетлар кирәктер. Кемгәдер түбә ишелгән, янгын чыккан кадрларны карау кызыклыдыр. Чебеннән фил ясау – безнең максат түгел. Иң мөһиме – объектив караш.

 

– Кыйбла, максатыгыз изге икәне аңлашыла, ләкин эштә, практикада барыбер башкачарак килеп чыга. “Татарстан хәбәрләре”, шимбә көнне чыккан “Атналык күзәтү” тапшырулары күбрәк Казан, башкалага якын районнардагы вакыйгалар белән генә чикләнә кебек. Темалары да шәһәрдәге коммуналь-хуҗалык проблемалары, авыл хуҗалыгындагы мәсьәләләргә кагыла. Милли проблемалардан читләшәсез кебек. Бу мәсьәләләргә кагылышлы сюжетларны татарларны артык өнәп бетермәгән “Эфир” ешрак күрсәтә. Әлбәттә, алар сюжетларны үзләренә җайлы позициядән чыгып эшли. Нәрсәгә бәйле бу проблема? Эшне тизләтер өчен Татарстанның шәһәр һәм районнарындагы телестудияләр, чит регионнардагы тележурналистлар белән эшлисезме? Элемтәләр никадәр ныклы?

 

– Милли темаларга “Татарстан хәбәрләре” аз төшерә дип әйтә алмыйм. Күрсәтәбез, сөйлибез. Федераль үзәк тарафыннан БДИны татарча бирүне чикләү турында даими рәвештә сюжетлар чыгып тора, Мәскәүдә булган мәхкәмәне дә күрсәттек. “Эфир” бу хакта сөйләмәде. Безнең чыгарылышларда милләт, мәдәният, социаль тармак – барысы да бар. Тематикалар балансланган. Кер эзләп утыручылар өчен, бәлки, шулай күренәдер, ләкин тапшыруны бер тапкыр карап кына тискәре нәтиҗә ясарга кирәкми. Әйе, кайбер эфир, чыннан да, “аһ” итәрлек булмый. 

 

Ә телестудияләр белән эшләү мәсьәләсенә килгәндә, безнең коррпунктлар Әлмәт, Мәскәү, Екатеринбург, Ижевск, Ульяновск, Оренбургта бар. Чаллы, Түбән Кама, Буа, Нурлат, Азнакай журналистлары актив эшли. Материал интернет аша җибәрелә, көнендә үк килеп җитә. Район телевидениеләре белән килешүләр юк, алар “ТНВ”да сюжетлары чыгуын тели, үзебезгә кирәклесен сайлап алабыз.

 

–  “Татарстан-Яңа гасыр”ны беренче спутник татар каналы дип әйттегез. Хезмәткәрләрегез каналны чит илләрдә, төбәкләрдә карыйлар дип һәрвакыт ассызыклый. Ләкин “ТНВ” бары тик Татарстан территориясе белән генә чикләнә. Бу – зур проблема, ул турыда еш әйтелә, сөйләнә, ләкин алга китеш сизелми. Бүген мәгълүмат, интернет заманында яшибез. Җир шарының төрле почмагында булган вакыйгаларны күреп, укып, ишетеп торабыз. Ләкин безгә дөньяда барган вакыйгаларны татар күзлегеннән карау, анализлау җитеп бетми. Аерым аналитик тапшыру булдыру авырдыр, ә менә шул ук “Татарстан хәбәрләре”ндә Русиядә, дөньяда барган сәясәт, вакыйгаларны сөйләгән сәхифә булдырып булыр иде. Сюжетларны да эшләү әллә ни авырлык тудырмый, интернетта “РИА Новости”, “ИТАР-ТАСС” агентлыклары вакыйга булдымы, шундук сайтларына элеп куялар, фотоларны, кадрларны сатып алу мөмкинлеге бар. “Татарстан хәбәрләре”ндә шундый бер сәхифә булдырырга нәрсә комачаулый?

 

– Әгәр ниндидер вакыйга Татарстанга, безнең милләткә бәйле икән, һичшиксез, моның турында сюжет эшлибез. Себер тайгаларында янгын чыгып, андагы татар авылларына куркыныч яный икән, бу хакта әйтми кала алмыйбыз. Яисә чит илдә бәлагә тарыган туристлар арасында татарстанлылар да булса, әлбәттә, аны да яктыртабыз. Япониягә Путин белән бергә ТР премьер-министры Рөстәм Миңнеханов та барды, бу турыда күрсәттек, кадрларны Мәскәүдән алдык. Ә, мәсәлән, Гыйрактагы чуалышлар турында сөйләүне үзмаксат итеп куймыйбыз. Аны анализлар өчен, комментарий бирерлек белгечләр дә юк.

 

– Татарстан түрәләренең чит илләрдә килешүләр төзү вакыйгаларыннан кала дөньяда тагын әллә нинди хәлләр була бит. Мәсәлән, Косовоның бәйсезлеге игълан ителү, Грузия белән Көньяк Осетия арасында булган бәрелешләр, АКШта президент булып Барак Обаманың сайлануы татар милләтенә ничек тәэсир итү турында сөйләү өчен кадрлар юкмы, әллә сез, чыннан да, халыкка кызыксыз дип уйлаганга күрә эфирга чыкмыймы? Бәлки, эшләргә тырышып карап та бу хакта сөйләргә рөхсәт итмиләрме?

 

–  Рөхсәт итмәүдән түгел бу. Һәр тапшыруның ниндидер бер нигезе, максаты  була. Без бит “Татарстан хәбәрләре”. Төп максат – республикада булган һәм Татарстан, татарлар белән бәйле вакыйгалар турында яңалыкларны җиткерү. Сез әйткән дөнья хәлләрен сөйләмибез икән, моны үзебезне чиклибез дип уйламыйм. Киңкырлы мәгълүмат бирелә, болай да бит бер чыгарылышта 12-13 материал сыйдырабыз.

 

– Телевидение өчен тагын бер проблема бар – ул татарча сөйли белмәүче түрәләр. Хәбәрчеләрнең иң авырткан җире – татарча сөйләшүче кешене табу. Шуңа да еш кына сюжетларда синхрон татарчага тәрҗемә ителеп бирелә. Сездә татарча сөйләшүчеләр һәм белмәүчеләрнең ниндидер төзелгән исемлеге, рейтингы бармы? Бу мәсьәләне ничек хәл итәсез?

 

– Фәрит Мөхәммәтшин да: “Ник татарча начар белгән кешеләрне эфирга чыгарасыз?” – дип шелтә белдерде. Ләкин бу чарасызлыктан шулай эшләнә. Татарча сөйләшүчеләр арасыннан президент, премьер-министр, ТР Дәүләт Советы рәисе, ТР Авыл хуҗалыгы һәм азык-төлек министры Марат Әхмәтов барысы өчен дә үрнәк булып тора. Безнең күз алдында татарча сөйләшергә өйрәнгән министрлар бар. Мәсәлән, ТР Төзелеш, архитектура һәм торак-коммуналь хуҗалыгы министры Марат Хөснуллин. Татарча сөйләшергә өйрәнүгә этәргеч нәкъ “Татарстан хәбәрләре” булды дип уйлыйм. Шәһәр башлыгы Илсур Метшин да башта татарча интервью бирергә читенсенә иде, хәзер планлы рәвештә туган телдә сөйләргә тырыша. ТР Икътисад министры Марат Сафиуллин да ярыйсы гына татарча сукалый башлады, ТР Сәнәгать һәм сәүдә министры Равил Зарипов үзебезчә сөйли, ТР Мәгариф министры да алмашынгач, татарча интервью бирү проблемасы хәл ителде. Татарча белмәүчеләр сафында иң беренче булып ТР Сәламәтлек саклау һәм Элемтә министрлыклары тора.

 

– Түрәләр тарафыннан “татарча интервью бирмим”, матбугат очрашуларында журналистларның татарча сорау биреп тә, кайбер түрәләрнең сорауларны урысча гына әйтүне таләп итүе яисә бары тик урысча гына җавап бирү очраклары еш булып тора. Бер зур түрә “ТНВ” хәбәрчесен дә шул рәвешле читләштергән иде. “Ватаным Татарстан” хәбәрчесенең дә матбугат очрашуында татарча сорау бирүенә тискәре караш булды. Ләкин хәбәрче матбага тарафыннан яклау тапты, түрәгә аның  ике телне дә белергә тиешлеге аңлатылды. Сездә шундый очраклар еш буламы? Түрәләр “Корреспондентыгыз татарча сорау бирә. Урысча сөйләвем җитмимени?” дигән дәгъва белдерәме? Сезгә хәбәрчеләрегезне якларга туры килгәне бармы?

 

–  Аллага шөкер, андый дәгъва итү очраклары булмады, булырга да язмасын. Түрә татарча сөйләшми, өч сүзнең берендә урысча кыстыра икән, “Син татарча сөйләргә тиешсең!” дип таләп итә, көчли алмыйбыз. Бу очракта түрәне гаепләп тә булмый. Мөмкин икән, татарча сөйли белгән урынбасарыннан интервью алына. Әйе, тәрҗемә ителгән синхроннар белән сюжетны карау авыр, ләкин бу чарасызлыктан. Җәмгыятьтә телгә карата ихтыяҗ тудырылмыйча бу проблема белән мәңге җәфаланачакбыз.

 

–  Башка бер каналда да алып баручыларның хәбәрче булып эшләү очрагы юк. Ә “ТНВ”да бу гади күренеш. Ни өчен?

 

– Безнең тәҗрибәне кайбер үзәк каналлар да үзләрендә сынап карадылар.  Павел Лазарев берьюлы тапшыруны да алып барды, башка көннәрдә репортажлар та эшләде. Белгеч универсал булырга тиеш. Туры эфирдан башка репортажлар эшләп йөрүнең нинди начар ягы бар?!  Бу бик файдалы, бары тик текст кына уку кешене роботка әйләндерергә мөмкин. Димәк, шәхес эшләп, тырышып  акча эшли.

 

– Хәбәрләр дирекциясендә эшне тагын да яхшырту, камилләштерү өчен ниләр эшләргә мөмкин? Сез нәрсә үзгәртер идегез?

 

– Идеалист түгелмен, тормышка ашмаслык планнар кормыйм. Иң төп максат – эчтәлекне камилләштерү. Материалларның тирәнлеге, өстәмә мәгълүматлар белән баетылуы өстендә эшләргә кирәк. Эчтәлек булмаса, нинди генә сурәт күрсәтелмәсен, сыйфатка ирешү мөмкин түгел. Сурәт сүз белән куәтләнгән булырга тиеш. Шул вакытта гына сюжет камил килеп чыга.


Римма БИКМӨХӘММӘТОВА
Ирек мәйданы
№ 20 | 22.05.2009
Ирек мәйданы печать

Фикерләр

Исем:
E-mail:
Текст:
 
№85 (19148) / 04.06.2009 20:26:05

зато филдән чебен ясыйлар инде! осталар!

№84 (19143) / 04.06.2009 12:31:30

ДАНИЛ ГЫЙНИЯТОВ: “ЧЕБЕННӘН ФИЛ ЯСАМЫЙБЫЗ”

чонки хэтта чебенебез дэ юк

№83 (19054) / 02.06.2009 19:42:14

былсырак, 

№82 (19042) / 02.06.2009 16:55:16

Шәһәр башлыгы Илсур Метшин да башта татарча интервью бирергә читенсенә иде, хәзер планлы рәвештә туган телдә сөйләргә тырыша.

Планлы рэвештэ? Хороший у вас пылан, туварищ Метшин))))

№81 (19011) / 02.06.2009 08:37:31

куке, мелаксен эчеп кара әле, 450 сум, седативный препарат. Әйбәт дип сөйләделәр.

№80 (18995) / 01.06.2009 19:01:26

Хе, акылга ойрэтерлек кеше инде ул Сиражи... Эйттегез суз.

№79 (18982) / 01.06.2009 11:20:55

Жимеш, ялгыштың, мин Искәндәр Сираҗига гашыйк! марсель аның тырнагына да тормый..какуй чын журналист? настолько ...ярар, әйтмим инде...тәнкыйтьне күтәрү авыр бит сезгә, ә тәнкыйтьләү сәләте ваче юк,а это многое значит: димәк, сез һәрнәрсәне шулай тиеш дип кабул итәсез!
әйт әле марсельгә, сөйләү, киенү, акыл мәсьәләләрендә Сираҗидан сабак барып алсын. Дружеские пожеления!

№78 (18975) / 01.06.2009 08:26:49

Марсель белэн Чулпан кемнэр ул? Алар нинди программа алып баралар?
курэсе килеп китте эле аларны...

№77 (18971) / 31.05.2009 23:42:08

Кая карма шул бер ук кешеләр язмасы!
Үзләре мәкалә яза, узләре диспут кутәрә. Мин моны оештыручыларны тотып Европа судына, яисә Гыйрак судына тәкъдим итәр идем. Шәригатьтә Ф Е Т Н Ә чыгару дип атала бу!!!
Җыен булдыксызлар!

№76 (18967) / 31.05.2009 22:29:30

Мина да ошый. Прикольный. Силэме ошый. Как ребенок но ниндидер душевный сили.

№75 (18966) / 31.05.2009 22:27:09

э мина Альфред Мохэммэтрэхимов ошый. ижади подход анын. анын сюжетларында хэрэкэт бар.

№74 (18964) / 31.05.2009 21:59:45

менэ кемгэ кемгэ э Чулпан белэн Марсельга бэйлэнерлек тугел. алар менэ чын журналистлар! ТНВнын момкилеклэреннэн чыгып, булдыра алганча тырышалар. Йозлэренэ, киемнэренэ дэ бэйлэнерлек тугел, Марсельнын стиле бар ичмасам.
Марсельеза, син ахрысы МАрсельга гашыйк... нэкъ шулай тоела...

№73 (18941) / 30.05.2009 16:49:45

Марсель,а че так?
серкәң су күтәрмиме "звезда?"
кызганам мин сине! 

№72 (18938) / 30.05.2009 15:10:16

марсельеза, 
Згинь БЕТ!!!

№71 (18932) / 29.05.2009 23:32:49

ТНВ яклы, алай бик авыр булгач, ник азапланасыз ул анда? Шуңа аптырыйм, берсе мине көнләшә ди, икенчесе, ул мин "көнләшкән" эш авыр ди.... Аптырап утырам... Римма әйтмешли, бала йоннарын кабартмый гына, тәнкыйтьне кабул итеп, конструктив хәл итәсе урында эшне яхшырту мәсьәләләрен. Ә сез тырнакларыгызны кадарга торасыз. Монда сезнең тамашачыгыз утыра, алар сездән продукция көтә. Газетаны ошамаса, яздырмыйсың, ә сез бит, карыйлармы, юкмы, финансланасыз. Әгәр сезгә подписка булса, нишләр идегез икән????
Кыскасы, бик авыр икән эшегез, китегез сез ул авыр эштән, бүсерегез чыга күрмәсен аыр күтәреп. Нишләп сез тамшачыга "Менә үзең кил дә эшлә", дисез. Ул башка эштә эшли бит инде. Ә сез аның шул эшләгәненнән түләгән налогына яшисез. Чалыш тегелгән күлмәк сатып алмыйсыздыр бит. Шундый күлмәк тегүче сезгә, сезнең кебек "Үзең килеп тегеп кара, безнең эш авыр", дисә, син нәрсә дип җавап бирәсең ул?
КЫСКАСЫ, АБСУРД.....
Язмам инде, бесполезно бу темага, дигән идем, ачуымны чыгаралар

№70 (18930) / 29.05.2009 23:21:02

 Ничек кенэ начар язсагыз да,минем куршелэр мактый.Вэт тэртипле программа Татарстанда гына калды диеп,э алар татарча белми,урыс халкы.

№69 (18929) / 29.05.2009 23:18:38

Эх, гайбэт оясы да инде узегез!!! Бер атна(кон дип эйтмим, чонки эшнен ритмын хэм авырлыгын тоеп олгерэ алмаячаксыз) китереп эшлэтеп карыйсы иде сезне телевидениедэ... аннары карар идек, урнэк алыр идеме андагылар сездэн эллэ кычкырып колэр идеме???!!!

№68 (18923) / 29.05.2009 21:20:20

марсель,мин чын күңелдән әйтәм! самовлюбленный кеше икәнсең бик.
каршыңа чыгып та әйтәләм, нет проблем.үзең турында югары кубып бик уйлама яме, сине мактап башкалар сүз әйтсен, вәт булырсың акыллы егет. ату, ..уф, көлдермә мине яме? 

№67 (18919) / 29.05.2009 18:53:15

марсельеза. Син кеше исеме астына качып чиелдама туган. Бу сузне мина уземэ йозгэ бэреп эйтэ алмыйсын. Шуна курэ тынчлан, кара энергиянне башка урында файдалан. эгэр минем каршыма чыгып пластик хирург турында суз кузгатсан бэреп утерэм!!!!!

№66 (18918) / 29.05.2009 18:04:11

марсель,о, ярар инде! сиңа соң, пластический хирургка барырга киңәш, монда Версачелар не поможет! 

№65 (18917) / 29.05.2009 17:56:33

Сираҗи үзен шундый опупенный критик дип уйлый ахры ул, ә инде мине Колхоз базарыннан киенә дип санаса ялган җәмәгат, мин колхозкага хәзер әчтерхан чикләвеге белән җимеш алырга гына төшәм, ә кием алган юк. СТАТУС не ПОЗВОЛЯЕТ!

№64 (18888) / 29.05.2009 00:18:00

Тэнкыйтьлэгэндэ нидер тэкъдим дэ итэргэ кирэк. Ямьсез итеп каныкмагыз аерым шэхеслэргэ.
ТНВга ярдэм итэргэ кирэк, кызыклы сюжетлар турында хэбэр итик, кинэшлэр бирик.
ну бу очракта кинэшлэрне тынларга эзерме ТНВ, шунысы да бар. Лэкин анда да эллэ нинди хэшэрэт кешелэр эшлэмидер дип ышанасы килэ.
Диалог булырга тиеш, "сами с усами" дигэн эйбер булмасын иде

№63 (18886) / 28.05.2009 23:31:28

мышиная возня

№62 (18880) / 28.05.2009 20:37:40

Әнә шулайдан башка сүз беләме ул Данил?

№61 (18879) / 28.05.2009 20:16:36

Данилга сүз әйтмәгез! Миңа аның мыегы ошый!

№60 (18876) / 28.05.2009 18:10:44

Белгеч,соң эшләсә соң! Караган кешегә ул мөһимме, кайда, кем эшләгәне?! Шул ТНВдан күренгәнгә мин ни әйтим?!Килешүләре бармы-юкмы, миңа ни?! ТРК Казан дигән каналны белмим бит мин...

Алыштыр шулай да нигыңны! Белмәүгеч диген.Хөппи апаң белми сөйләмәс. 

№59 (18874) / 28.05.2009 17:13:38

Сон Хоппи ускэнем, "Адымнар"ны ТРК Казан эшли бит. ТНВ тугел... Э бу каналда эфига чыгуы анын боооотеенлэй чупскийй мэсьлэ. Бразилия сериаллары да эйлэнэ бездэ. Тошерелгэн тик чит илдэ....
Так ычту Хоппи никны алыштыру кирэк микэн??? (аннан белмэуче нигы бар инде монда)

№58 (18873) / 28.05.2009 17:03:33

Белгеч, син нигыңны алыштыр Белмәүчегә!

Адымнар ТНВ каналыннан бара, Хөппи әйткәние дип әйт башкаларга да!

Админның кирәкми ярдәме, табарбыз яхшыракны..


№57 (18871) / 28.05.2009 16:58:16

Админ ТНВ тармасыннан куренми. Ул ТРК Казан эшли торган "Адымнар"да катнаша дип белэм! Хоппи, эгэр демократия телисен икэн регестрируй уз сайтынны. Админ ярдэм итэр бэлки. ул эшлэгэн сайтлар байтак. ХОППИ.РУ шэп янгырый вообще то....

№56 (18867) / 28.05.2009 15:55:00

Риммага добивать иту ник кирэк? ул телэгэнен сораган, жавап алган. Хэбэрлэр очен жаваплы кешедэн сораган. тагын нинди турэлэр инде ул? юлэрлэнэсез бугай инде ТНВ дип.

№55 (18866) / 28.05.2009 15:50:15

Ха! "Һава торышы" кызларын-- надан дип атау---шәхескә кагылу түгел булып чыга!

№54 (18865) / 28.05.2009 15:43:51

Белгеч,әйдә үрнәк итеп барсына үз исемең белән яза башлале?

Мин монда беркемне дә сүкмәдем, минем админ сөрткән комментта ямьсез сүзе кулланылмады!!!!!!!!!!

Димәк нәтиҗә шул: хөрмәтле админыбыз, үзе ТНВ тартмасыннан күренештерү сәбәпле, канал адресына тәнкыйть сүзләре язырга ярамый, фәкать мактарга тиешсез!(тәнкыйть сүзләре күпчелекне тәшкил итсә дә)!

Димәк, кемнедер профессиональ түгел дип әйтергә беркемнең хакы юк.????????

Ә сез демократик җәмгыятьтә яшибез дип уйлыйсызмы ул? Кайсы чорлар бу, искә төшерегез әле, плиз?
 

№53 (18863) / 28.05.2009 15:39:58
№52 (18862) / 28.05.2009 15:31:14

Эй Хоппи,Хоппи
синен янаудан
берни селкенми.
Эгэр конкрет кешене сугэсен икэн, уз исемен белэн сук, яки ямьсез диген....Нигэ койрыгынны да курсэтмичэ комга кумелден? Исен генэ чыгып тора...
Римма, (автор) эйдэ ТНВ турэлэре белэн эшэ эле эйбер, шушы фикерлэрне жыеп. Алайса ТНВ турэлэре монда керми, э яраннары узлэренэ кулай фикерне генэ житкерттерэ торандыр....Теманы алгансын икэн, добей ахырына кадэр!!!

№51 (18861) / 28.05.2009 15:16:36

admin, Сөртергә яратсаң, сөрт минем фикерләрнең барын да!

Баганаң синең дә артык биек булып чымады!Синең кадәр генә ни әйткәнне аера беләбез, аллага шөкер! Мактагыз-мактаныгыз әшнәләрегез белән!

Бүтән мин һәм минем танышларым монда кереп, вакытны бушка үткәрмәячәк!

№50 (18860) / 28.05.2009 15:04:36

Профессионализмны тәнкыйтьләү белән шәхескә пычрак ату - икесе ике нәрсә. Аңламагач - аңлатырга туры килә.

№49 (18859) / 28.05.2009 15:04:25

Берәү! "Һава торышы" кызларына кагыласы булма! Минем сөекле вә гыйззәтле Иркәгә сүз тидерәсез икән, манчыйм үзегезне!

№48 (18858) / 28.05.2009 14:58:24

Монда мине алдагы фиремне сөртеп кую-- бу ни аңлата? Димәк, монда фикер язуның мәгънәсе юк? КЕМНЕДЕР чибәр дияргә хакыбыз бар, димәк, КЕМНЕДЕР ямьсез дип әйтергә хакыбыз юкмыни? ӘЛЕ БИТ АНДЫЙ СүЗЛәР КУЛЛАНЫЛМАДЫ ДА??

Ну админ, разочаровал син мине!

№47 (18857) / 28.05.2009 14:57:43

тэнкыйть - кэнфит тугел, шулай да аны кабул итэ белергэ кирэк

№46 (18856) / 28.05.2009 14:49:05

берәү, мин үз фикеремне белдердем, моңа минем тулы хакым бар! Һәм дә син Чулпан дәрәҗәсендә профессионализм күрәсең икән, извини инде мине иптәш,ТНВның алга китүендә мин инде өмет күрмим!

Ә миңа килгәндә, иптәш, әгәр мин тәнкыйть әйтәләм икән, киңәш-фикер бирәләм икән, димәк ТНВ да эшләгән очракта, явно алга китеш булыр иде! Бу хакта Айтуганова ханым белән дә сөйләшкәнем бар хәтта. Ул килешә һәм бик матур аклана да белә шул.

Беләм, монда язуның бернинди нәтиҗәсе юк. Тик шулай да, татар теленә кагылышлы нәрсәләргә битараф булмавым фикер әйтергә этәрә.Кызганыч,сез үзегезне никадәр макталырга сәбәп тапсагыз, тәнкыйть өчен дә шулкадәр табарлык шул.

Килешәм, аерым кешеләрдә эш тормый.
Татарча канал булмау, булганының да сыйфаты бик шикле булу---илдәге хәлләрнең көзгесе.

№45 (18852) / 28.05.2009 14:27:01

Хөппи!Кешенң шәхесен тикшерерлек булгач син үзең бик матур һәм акыллы, аналитик фикер йөртергә сәләтле шшхестер инде. шулай булгач ник исемеңне яшерәсең. Аңлавымча биредә берсен берсе күрә алмаган татар журналистлары утыра. Димәк без сине беләбез, курыкма , исемеңне күрсәт. Ә Чулпанга килгәндә "Татарстан хәбәрләрендә" аның кебек журналитс юк. Теләсә нинди законга кагылышлы, катлаулы темалар булмасын, көн озынына барган сессия, җыелышлар булмасын, ул аларны тамашачыга аңлаешлы итеп продюссер биргән 2 минут эчендә сөйләп бирә ала.Ә чибәрлеккә килгәндә, андыйлар ТНВ да шактый, мәслән "Һава торышы" кызлары. Чибәр булсалар да наданлыклары чырайларына чыккан. Ә син әйткән параметрлы ңурналистлар, алып баручылар ТНВ да бар.Игътибарлырак бул!!!!!!!!!!!!!

№44 (18851) / 28.05.2009 14:20:59

ТНВ кешелэренен кыяфэтлэрен тикшермэгез инде,зинхар, менэ дигэн матур кешелэр анда.
Икенче сорау. ТНВ хезмэткэрлэре, житэкчелеге диалогка барамы юкмы? Чыннан да, куплэр ТНВ язмышына битарф тугел, барыбызнын да аны яхшы, сыйфатлы канал итеп курэсе килэ. Торле олкэлэрдэ эшлэуче шэхеслэрне туплап, ниндидер мозговой штурм оештырырга кирэктер ТНВ кешелэренэ.
Кинэшле эш таркалмас

№43 (18850) / 28.05.2009 14:19:50

Эх, Т А Т А Р Л А Р !!! Откуда в Вас столько желчи и зависти? Ошамыймы "милли ТВ"? Килегез! Тәкъдим итегез! Таләп итегез! Әминов белән сөйләшегез! Президентка хат языгыз: Татарстанның йөзек кашы булырга тиешле ТВ нишләп адәм мәсхәрәсе дип. Берәрегезнең хет бер генә әйбер эшләп караганыгыз бармы соң?

Ә ТНВга шуны әйтәсе килә: ну, ужасный бит канал. Ну, бар анда бер-ике-өч бөртек әйбәт тапшыру. Ну, тулаем алганда - к О Ш М А Р ! ! !

№42 (18849) / 28.05.2009 14:12:08

Чулпанның кыяфәте абсолютно нормальный. шыттырмагыз.

№41 (18848) / 28.05.2009 14:05:22

Хөппи, кеше шэхесенэ ник кагыласыз инде э? Аллахы Тэгалэ ничек яраткан - шулай, кешенен узеннэн тормый.

№40 (18844) / 28.05.2009 13:05:58

Идел, Чулпан Набиуллина Хэбэрлэрне караганда аны ТНВда стендап ясарга ин яраткан кеше дип анлыйм, шуна да ана матур итеп киенергэ кирэктер, ин беренче чиратта шуна игътибарын юнэлтэдер, э менэ ни сойлэгэнен узе дэ анлап бетми кебек тоела((((((

№39 (18839) / 28.05.2009 12:03:18

ТНВ хәбәрләрендә милләт темасы әлбәттә бар. Февраль аенда данлыклы, тарихи Шарык клубы туган көнен үткәрде, ТНВ хәбәрләре моны бик оста итеп күрсәтми кала алды. Татар телен Россиядә дәүләт теле итүне хуплап имзалар җыйдылар, хәтта Мәскәү җурналистлары көнендә үк кызыксынды, ТНВлар 3 көннән генә уянды. Мин татарча сөйләшәм аксиясе быел да Казанны гөрләтте, ТНВ бу хакта ләм-мим. яһудләр Эфирыннан үрнәк алыгыз чтоли, алар тут как тут.
Милли темаларны яктырталар алар имеш. Һәр нәрсәдән хәбәрдар алар имеш.
Монда язганнарга үпкәләп утырасы юк, колагыгызга киртләп барыгыз, язылганнар дөрес һәм обектив. камилләшергә тырышыгыз.

№38 (18838) / 28.05.2009 11:52:52

бервакыт Искәндәр Сираҗи ТНВ җурналисты Марселнын киеменә бәйләнгән иде. имеш, экранга әллә-нәрсәләр киеп чыга. ә сез ничек уйлыйсыз? Шәхсән миңа анда стил буенча Чулпан Набиуллина ошый. оста киенә. матур да, зәвыклы да.

№37 (18837) / 28.05.2009 11:47:21

ну вот видите, я же говорила что завидуете. завидуете даже тому, что наши корреспонденты ездят на съемки на машине.

№36 (18836) / 28.05.2009 11:41:47

ТНВ кешесе, акыллы кеше дәшми торып акыллы булып кала ала. Ә сез глупость сөйләп акыллы күренмәкче. Пресс конференцияләргә башкалар махсус салынган юлдан, мигалкалы машиналарга утырып килә чтоли, күп корреспондентлар сезнең кебек машинага утырып йөрми, общественный транспортка утырып чаба...
И вообще бу интервью бирүдән баш тартырга кирәк иде редакторга. Твдан карап акыллы дип утырган булыр идек. ә болай чего то не блещет. Ну каков кадр, таков экран... Извините, поҗалысты. ПРосто татар Твсын юньле итеп күрәсе килә, ә күреп булмый. Сез үзегез газеталарны мин укымыйм, рәтле газета юк, дип сүгәргә яратасыз бит, җай чыккан саен звездаланып...
Монда өстәгеләргә хезмәт итүдә генә түгел хикмәт. Акылда, сәләттә дә. Әгәр программа сюжет саны белән бәяләнә икән , мин нәрсә дип әйтә алыйм. "Ватаным"да ничә тема языла икән. Бәлкем башкаларга да бу опытны алыргадыр, мактаныр өчен. Әнә Мәскәү кадәр Мәскәү Хәбәрләр методын үзләренә алган бит...

№35 (18833) / 28.05.2009 11:16:48

понимаете, телеканал ТНВ находится не в центре города, и в этом я вижу проблему. поскольку на улицах города много пробок, возможно, нашим корреспондентам не всегда удается вовремя приехать на места событий. но это вовсе не значит, что наши корреспонденты непрофессионалы. участие в конкурсах, победы, наши дипломы и награды - все это говорит об обратном. надеюсь, вы спрячете свою зависть. не надо так открыто завидовать нашим корреспондентам, эта вас совсем не красит, госпрода журналисты. мы все коллеги, и давайте уже перестанем искать причины чтобы в очередной раз обидеть тех, кто работает на ТНВ.

№34 (18832) / 28.05.2009 11:12:05

моңарчы ничек эшләгән булсалар, моннан соң да шулай эшләрпләр. пресс-конференцияләрдә ТНВ каналы хәбәрчеләре өчен күп кызарырга туры килә. алар өчен нипочем:
1)соңга калып килү;
2)соңга калып килүгә карамастан һәм конференция башлануга карамастан кычкырып сөйләшү яисә кыт-кыт көлешеп утыру. шелтә белдергәннән соң да әле алар пыш-пыш көлешүгә күчәләр, кыскасы, непрофессионаллар.
3)конференция ни хакында, нәрсәгә багышланган - аларны бөтенләй кызыксындырмый. шуңа күрә алар сюжетта пресс-релиз үкып котылалар.
шуннан? о чем речь? ни кирәк сезгә тагын?
Тәрбиясезлекме бу, йолдыз чиреме?

№33 (18830) / 28.05.2009 10:24:29

Дааа, маныганнар "хэбэрлэрне"... Мескеннэр,ничек эшлэрлэр инде моннан сон.

№32 (18821) / 28.05.2009 09:05:15

Инглизнең ВВС каналын карагыз. Анда төп алып баручылар һәрвакытта да иң кайнар, иң актуаль темаларга сюжетлар төшерә. Это нормальное явление. Сөйләп утырган буласыз тагын. Ә ТНВга килгәндә: против батьки не попрёшь... Республика җитәкчелеген әйтүем. Әминовка да кемне кушалар сүгәргә - шуны манчый ул 7 көнендә. Мактарга дияләр икән, мактый үлеп. Әминов та ирексез кош ул.

№31 (18810) / 27.05.2009 21:41:57

Якташ, хэерле кичлэр!
эйбэт-гайбэт куптэн ялда бит инде ул, дус кеше... 

№30 (18808) / 27.05.2009 20:49:23

Яна гасыр каналы.
Егерменче гасыр бозылды дип,
Коткэн чакта яна гасырны.
Улым кайтып куптэн карамаган,
Телевизорны басып кабызды.
Улым, мэйтэм анда рэтле нэрсэ,
Курсэтмилэр халык ялангач.
Хэр вакытта кеше аздыралар,
Рэхэт микэн шуны карагач.
Юк инде ди , хэзер яна канал,
Яна гасыр бездэ курсэтэ.
Яле мэйтэм, яле элдер улым,
Поймеш микэн татар сойлэсэ.
Анын очен укып - бисмилла дип,
Баскан идем малай каналга.
Эйтерсен лэ тоштэ кургэн кебек,
Кайтып килдем ойгэ , Казанга.
Ате мен татарсча ураням дип,
Кызым баса яна каналга.
Кайчагында эйбэт - гайбэт карап,
Онытылып китэ ашау да.
Вэт мин эйтэм рэхэт икэн ойдэ,
Уз телендэ хэбэр анлагач.
Хэзер узем язам узем жырлыйм,
Айдар жырлыйк диеп башлагач.
Рэхмэт кенэ эйтеп калмыйм эле,
Язам сезгэ шигерь юллары.
Яна гасыр якты, боек булсын,
hэр адымын, килер еллары.


Зофэр Эхмэт
Безгэ ошый ,безгэ тансык,


2005-04-04

№29 (18803) / 27.05.2009 18:50:25

М-да, бетереп атканнар "Татарстан Хәбәрләрен" - болай булгач карарга кирэк эле ул тапшыруны, кызык очен. БСТны караган бар, узган гасыр рухындагы репортажлар инде, нэрсэсен мактыйлардыр...

№28 (18768) / 26.05.2009 22:35:15

нинди аналитик тапшыру турында сойлисез инде, монда редакторнын узендэ аналтик акыл ташып тормый. уз-узенэ каршы сойлэп утыра.
гарьлек

№27 (18764) / 26.05.2009 20:36:45

МИН АНЛАМЫЙМ!!! Нигэ хаман бер-беренэ пычрак атарга, гаеплэргэ, батырырга!!!
БЕЛМИСЕЗМЕ??? Бездэ нормальный телевидение юк бит! ТНВ начар, Хэбэрлэр начар, Адымнар начар, Эфир начар.
ОПРЕДЕЛИТИСЬ!!! Сезнен очен нэрсэ яхшы хэм нэрсэ начар!
P.S.
Концертлардан кала, "Хэбэрлэр" хэм "Адымнар" ТНВда татарча ин рейтинглы программалар. Я ВАМ ЭТО КАК КОМПЕТЕНТНОЕ ЛИЦО ГОВОРЮ. ДЛЯ ЭТОГО РЕГУЛЯРНЫЙ МОНИТОРИНГ ДЕЛАЕТСЯ. Его проводит очень серьезная российская компания. ЗАКАЗ ВСЕГДА ПЛАТНЫЙ.

ЧЕЛОВЕК ВОСПРИНИМАЕТ МИР ТАК, КАК ХОЧЕТ ЕГО ВИДЕТЬ!!! БУДЬТЕ ПРОЩЕ!!!

№26 (18761) / 26.05.2009 19:50:12

Безнең тәҗрибәне кайбер үзәк каналлар да үзләрендә сынап карадылар. Павел Лазарев берьюлы тапшыруны да алып барды, башка көннәрдә репортажлар та эшләде.

Моный был тоше косле

№25 (18756) / 26.05.2009 18:51:49

Җәмагать, сәбәпне әллә кайлардан эзләмик. Хәбәрләрдә 12 сюжет чыга икән, ул шуңа бик шәп икән.... Бу главный редактор өчен бик көлке аңлату түгелме? Кайсы газетаның бездә фәләнчә язма чыга дип мактанганы бар? Миңа димәгәе 5 сюҗет чыксын, тик алар шәп булсын. Шул 12 сюҗетның бәлкем өчесен генә күрсәтергәдер. Калганнарын чүплеккә. Ул тел, ялгыш сөйләм, кайсы диалект икәнен дә белеп булмый, грамматик хаталар... Колак шаулый башлый кайбер тавышлардан. ирексездән Твны башкага күчерәсең. Ә "Атналык күзәтү" аналитик тапшыру янында кунып та чыкмаган әле ул. Аның максаты нидәдер, нигә кирәктер.
кысксы, ТНВда кризис. Анда юньле кеше эшләми бугай инде, китеп бетәләр бугай.

№24 (18750) / 26.05.2009 17:30:31

Жәмәгть! Бу язмадагы әңгәмәдәшнең ТНВ каналы структурасын формалаштыруга ни катнашы бар? Данил башкаручы звено дип беләм. Төп йөрешне җитәкчелек ясый! Монда кризис "Хәбәрләр"дә түгел, ТНВның үзендә! Җитәкчеегендә! Әминов итәш үзе продвинутый кеше инде ул, ә нигә татар телле тапшырулары эчтәлеге белән аксый? Билгесез! Урыс телле тапшырулар кызыграк. Урыс хәбәрләреннән кала!!!!

№23 (18740) / 26.05.2009 14:17:07

Спутник каналы исеме бу күкрәк кагып сөйләү өчен генә бара.Ә бит эчендә чыга алмаслык "сазлык". ТНВ упкынга таба баруын дәвәм итә."Хәбәрләр" тапшыруында хатын- кыз оясы.Ни бары 5 ир кеше бар. Ә башка каналарны карагыз, анда хәл башкача. "Атналык күзәтү"- бөтен яктан да "слабый" тапшыру. Чөнки дөреслекне сөйләргә куркалар анда. Шул ук мактау һәм шул түрәләр эшләгән эш хакында гына халыкка сөйләүгә кайтып кала. Бүген бу редакция "ботка" оясына әверелде. Кем гаепле соң? Жавап гади. Баш мөхәрир эшне тиешенчә куя аламый. Үзенең "җылы урыны" өчен куркамы? Сәбәпләр төрле. Билгеле, сөйләргә бар кеше дә булдыра. Ләкин үз гомерендә бер аналитик язма эшләмәгән кеше башкаларның мантыйкы турында фикер йөртә алмый. Үзгәрешләр кирәк, револция!

№22 (18736) / 26.05.2009 13:29:21

Татарстан турында сөйләүче спутник ТВ - что в этом такого непонятного?

№21 (18726) / 26.05.2009 10:35:47

бабай, без үтермәдек, үзен үзе үтерде ул. Наданлыкның чиге юк. Башта спутник каналы дип мактаналар, аннары үзе үзенә каршы килеп Төп максат – республикада булган һәм Татарстан, татарлар белән бәйле вакыйгалар турында яңалыкларны җиткерү дип әйтеп куя. сез определитесь инде, интервью биргәндә генә булса да. монда без дә бар бит әле, бер кеше сүзенә карап безнең хакта да начар уйлаулары бар.

№20 (18725) / 26.05.2009 10:35:35

бабай, без үтермәдек, үзен үзе үтерде ул. Наданлыкның чиге юк. Башта спутник каналы дип мактаналар, аннары үзе үзенә каршы килеп Төп максат – республикада булган һәм Татарстан, татарлар белән бәйле вакыйгалар турында яңалыкларны җиткерү дип әйтеп куя. сез определитесь инде, интервью биргәндә генә булса да. монда без дә бар бит әле, бер кеше сүзенә карап безнең хакта да начар уйлаулары бар.

№19 (18719) / 26.05.2009 08:54:28

ин алдан фэлэнчэ сюжет тошергэнче, татарча камил сойлэшуче дикторлар табарга иде дэ бит...дорес дикция белэн...

№18 (18716) / 26.05.2009 00:18:15

ТНВга суз эйтмэгез инде, бердэнбер татарча канал, и читтэ аларны реально карыйлар, Казан дип ах итеп карыйлар.

№17 (18712) / 25.05.2009 23:12:18

ТНВны үтереп бетергәнсез бит җанкайларым.....................

№16 (18708) / 25.05.2009 21:53:38

Караганым юк, бәлки, бик әйбәт тә төшерәләрдер. Картинкалары әйбәттер диюем.

Аларның картинкалары әйбәтләнгән саен халыктан ераклаша баралардыр. Бигрәк тә Интернеттан информация алучылар өчен. Т.е. картинка, видимо, не соответствует реальности.

Минем татарча CNN карасы килә. Прямой эфир. Парадтан гына түгел, башка җирләрдән дә. Кыскасы, планкам югары, шуңа күрә ТВ карый алмыйм.

№15 (18706) / 25.05.2009 21:20:57

"хәбәрләр"гә тартып-сузып 3ле! 5легә никогда тарталмыйсыз, иманым камил-шамил-наил..

чит ил татарлары дип лаф оруны туктатырга вакыт, бер 10 кеше( максимум) карыйдыр караса сезне.анысына да иманым камил-шамил-наил...

соңгы ярты елда караган юк сезне, карасам, точно дөньядан артта калам!миңа фәлән фәләнефнең дуңгыз фирмысында акыллы сүзләр сөйләп торуы гүпчим кызык түгел!

№14 (18696) / 25.05.2009 20:33:27

ТНВга определяться итэргэ кирэк кыйбласы белэн нафиг. Или ботен донья буйлап яшэгэн татарлар очен или Арча белэн Актаныш очн эшлиме алар?

№13 (18694) / 25.05.2009 20:25:56

Фикерләр күп язылгангамы администраторыбыз бу язманы аскарак күчереп куйган. Фикерләрдән нигә куркабыз7
әйтсеннәр!!!!!

№12 (18693) / 25.05.2009 20:23:52

Адымнарда Кадактан башка каар ни бар соң анда? Алып баручы кызларның кайсы як диалектында сөйләшүен сорашасы бар әле... Тел түгел, диалекты да ботаклы-чатаклы...

№11 (18692) / 25.05.2009 20:01:39

курше, син узен Адымнарда эшли торгансындыр инде:-)))

№10 (18691) / 25.05.2009 19:46:05

ТНВда бары бер программаны гына яратып карыйм. Ул да булса Адымнар.

№9 (18664) / 25.05.2009 14:16:32

Бар министрларны да санап чыккансыз дип әйтергә була. Санап үтелмәгәннәре телсез түгелдер ич? Ник барысын да санамадыгыз?

№8 (18663) / 25.05.2009 14:15:00

Таныш кешене кургеч жанга рехет булып ките, е инде уз авылдашынны кургеч кунеллер кутереле, канатланасын, е инде ул кеше куршен ук булып чыкса... анысын узегез белегез инде;))))

№7 (18660) / 25.05.2009 13:59:57

ТНВда татарча тапшыруларны карагач, йөрәгем "балеть итә" башлый... Дуңгыз "выращивать" итүдәге яңа "методлар"ны "внедрять" итә башлаулар да, "ысвабудный иканамический зуна"га әйләнү турындагы "рипартажлар" "балеть иттерә" аны... "Татар телен дәүләт күләмендә бозучылар"ның беренче дәрәҗәдәге орденын бирергә кирәк бу каналга...

№6 (18648) / 25.05.2009 10:37:36

"Редакциядә профиль буенча бүленеш бар. Сәясәт, икътисад, мәгариф, медицина, мәдәният, дин, авыл хуҗалыгы һ.б. темалар өчен аерым кешеләр җаваплы". Айда не будем, ааа... Сездэге журналистларнын яртысы матгуьа конференциясенэ килгэч кенэ теманы ойрэнэ башлый бит. сугеп тугел, чын кунелемнэн эйтэм: шулай бит инде...

№5 (18647) / 25.05.2009 10:36:00

ТР Сэламэтлек саклау министры татарча хэйран сойли тугелме сон ул9

№4 (18641) / 25.05.2009 10:13:18

ТНВны Татарстанда гына карыйлармы? Мин ботен Россия хэм БДБ иллэрендэге татарларга бу канал сигналы барып житэдер дип уйлый идем.

№3 (18634) / 25.05.2009 00:00:27

Скучно.

№2 (18633) / 24.05.2009 23:55:09

12 сюжет тошерулэре хакында...

№1 (18632) / 24.05.2009 23:51:35

нәрсә турында бу язма

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar