Тиздән Камал театры сайты яңа тормыш белән яши башлаячак

10 августта Г.Камал исемендәге Татар дәүләт Академия театрының шәхси сайты яңа тормыш белән яши башлый. Сезнең игътибарыгызны беренче чиратта редизайн җәлеп итәр. Сайтның йөзе тулысынча үзгәрә. Ул якты һәм заманча төсләр ала. Фотосурәтләр зурайтыла, шрифт уку өчен уңайлыракка алышына. Кыскасы, интерфейс кына үзгәреп калмый, сайтның гомум эшчәнлеге дә үзгәрә: тизрәк, уңайлырак һәм күп функцияле булып эшли башлый.

Сайтта, шулай ук, кибет ачыла. Анда театрның лицензияле спектакльләрен, китаплар, аудио һәм видеоязмалар һ.б. сатып алырга мөмкин булачак.

Шәхси сайтның яңартылуы – Камал театрының барлык фирма стиле яңарышларының башы.

Яңа сайтның уңай якларын һәм кимчелекләрен сез шушы вакытлыча адрес буенча http://kamalshop.ru/ хәзер үк кереп бәяли аласыз. Сезнең фикерләрегезне тетрның вконтакте битендәге “фикер алышу” бүлегендә vk.com/kamalteatr һәм Ilshat.R.Latypov@tatar.ru адресы буенча көтәбез.

10 августтан К.Камал исемендәге Татар дәүләт Академия театрының шәхси сайты үзенең эшчәнлеген сынау режимында башлый. Әлбәттә, башта хаталар килеп чыгуы да ихтимал. Сезнең ярдәм белән без аларны тиз арада төзәтербез дип уйлыйбыз.

Өстәп тагын шуны әйтергә кирәк: сайтның адресы үзгәрми - http://kamalteatr.ru/