«Тамада-шоу»ны оештыручы Замирә Рәҗәпова: «Гаепләүчеләр дә, үпкәләүчеләр дә булды, ләкин... »

- Бу чараны концерт кына дию аз. Әлбәттә, концерт элементлары да бар. Шул ук татар эстрадасының иң якты йолдызлары Резидә Шәрәфиева, Лилия Муллагалиева, Айгөл Бариева, Раяз Фасихов, Филүс Каһиров, Алинә Шәрипҗанова, Азат Фазлыев, Мөнир Рахмаев, Дилә һәм Булат Нигъмәтуллиннар, Салават Миңнеханов һәм тагын бик күп сәләтле, тамашачы ярата торган җырчылар бу чараны бизәячәк. 

 

Ә инде, фестивальгә үзенчәлекле шарм өстәячәк чаралар ул - Казанның билгеле дизайнерлары туй күлмәкләре күрсәтергә планлаштыра. Инде, әйтеп үткәнемчә, ресторан, кафе диварларында гына калмасын иде, зур сәхнәдән күрсәтәсе иде дип хыялланган лазер-шоу, лайт (утлы) шоу, шәрыкъ-шоу, шоу-балет кебек оригиналь жанрларны сәхнәдән күрү мөмкин булачак. 

 

Һәм әлбәттә, фестивальнең төп фишкасы - чараны Казанның иң популяр 20 тамадасы алып барачак. Спонсорларыбыз UNIQUE матурлык салоныннан сертификатлар, “Ривьера” отель һәм күңел ачу комплексыннан сертификатлар, “Регина” кунакханәсеннән номерлар, “Император”, “Валенсия”, “Астория” рестораннары романтик кичке ашка сертификатлар уйнатылачак. Һәм, әлбәттә, төп интрига – ул, ике популяр алып баручы ЗАГСтан соң, безнең сәхнәгә чыгачак. Кем икәнлеге әлегә сер!

 

Тамашачылар өчен тагын бер сюрпризыбыз, тәнәфес вакытында фойеда күп төрле күңел ачу чаралары көтә. Барысын да сөйләп бетерү мөмкин түгел, килеп күрсәләр кызыграк булыр миңа калса.

 

 

- Профессиональ дәрәҗәдә концертлар алып баручы, сценарийлар язучы буларак минем максатым, тамашачыны нәрсә белән дә булса гаҗәпләндерү. Без гел эзләнүдә. Ә шактый еллар бәйрәмнәр оештыру, алып бару өлкәсендә эшләгәч, мәҗлесләрдә нинди генә матур, оригиналь номерлар күрергә туры килми. Мин еш кына уйлый идем, “эх, менә шушы матурлыкны зур сәхнәгә чыгарып, тамашачыларга күрсәтергә иде”, дип. 

 

Аннары бездә, бик оста, талантлы алып баручылар күп. Ләкин, аланың бик азы гына сәхнәдә күренә. Шуңа да аларның барысын да җыеп бер сәхнәдән, тамашчыга күрсәтәсе килде. Чөнки, “Бәйрәм” дигән төшенчә, әлеге юнәлеш бездә, Татарстанда әле үсеп кенә килә. Югыйсә, ул үзе бер культура. Шуңа да, әлеге юнәлешне, киң катлам тамашачыга күрсәтәсе, алып баручының дәрәҗәсен күтәрәсе килде.

 

 

- Чынлап та, татарда тамадалар күп икән. Әгәр дә әлеге чараны оештырырга алынмаган булсам, белмәс тә идем. Ничек сайланды дигәндә, әлеге чараны оештыруга алынгач, иң беренче чиратта, билгеле, күренекле алып баручыларга, бу өлкәдә шактый еллар эшләүче тамадаларга шалтыраттым. Алар Зөлфәт Зинуров, Булат Бәйрәмов, Марсель Мәхмүтов, Фәнил Вакказов, Ләйлә Дәүләтова, Айдар Садыйков, Наилә Хәбибуллина, Илшат Исхаков, Руслан Шәрәфетдинов, Алсу Фазлыева, Рөстәм Гайзуллин, Марсель Әхмәдуллин, тагын башкалар. 

 

Алар минем идеяне күтәреп алдылар, күптән кирәк иде, нәрсә белән ярдәм итә алабыз дип, миңа әлеге эшне башкарырыга көч, дәрт бирделәр. Дөрес, әлеге шәхесләр белән мин таныш, сәхнәләрдә, мәҗлесләрдә бергә эшләгән бар. Ләкин, мин аларны дус, таныш булган өчен генә чакырмадым. Аларның һәрберсе тамашачыга таныш кешеләр, икенчедән, әлбәттә, эшне башлаганда танышларга шалтыратасың. 

 

Ә инде соңрак, проект резонанс алагач, катнашырга телүчеләр артты, гаепләүчеләр дә, үпкәләүчеләр дә булды, ләкин, һәр бер чараның вакыт чикләве була. Мин ни кадәр генә аларны катнаштырырга теләсәм дә, бу мөмкин түгел. Шуңа да, бу проектны мин үз исемемә патентлаштырдым, Алла кушса, киләсе елларда быел катнаша алмаган башка алып баручыларны киң катлам тамашачыга күрсәтербез, Иншаллах.

 

 

- Казан зур, тардицияләргә, гореф-гадәтләргә бай республиканың баш каласы, алай гына да түгел, аны инде Рәсәйнең өченче башкаласы дип атыйлар. Ләкин, шулай булуга да карамастан, шушы бәйрәмнәр оештыру, юнәлеше тулысынча популярлашмаган. Дөрес, күргәзмәләр, төрле чаралар оештырылып тора анысы. Ләкин, бу гына аз. 

 

Әйтик, шул ук Мәсәкүдә, Санкт-Петербург, Омскида төрле дәрәҗәдәге халыкара форумнар уза. Анда алып баручылар җыелып, тәҗрибә уртаклашалар, мастер-класслар уздыралар һәм анда бөтен Рәсәйдән алып баручылар җыелып үзара фикер алыша. Һәм әлеге форумнарда безнең Казан алып баручылары, мәсәлән, “Тамада-шоу”да катнашачак Наилә Хәбибуллина дәрәҗәле спикер. Ә ни өчен әле, шул ук форумны Казанда оештырмаска? Безнең башка төбәкләргә күрсәтә алырлык матур туй йолаларыбыз, традицияләребез бар, мактана алырлык матур калабыз, алар өчен тарихи экскурсияләр оештырырлык урыннар бар. 

 

Киләсе елда, Ходай насыйп итеп, әнә шул мастер-класслар юнәлешен дә колачлыйсы килә. Бездә талантлы, яшь алып баручылар шул кадәр күп, алар да үзләренә тиешле сабак алырлар иде. Әлегә исә әлеге мастер-классны 14 апрель көнне Филармония концерт залында “Тамада-шоу” фестивалендә алып булачак. Килегез, үкенмәссез.