• 05.10-22.10 2021-2022 хоккей сезоны. Татнефть Арена
  • 22.10 Премьера! "Сөннәтче бабай", 12+, Кариев театры, 18:30
  • 23.10 Рөстәм Вәлиевнең тууына 60 ел. Искә алу концерты. Филармония. 17.30
  • 23.10-24.10 Премьера! "Сөннәтче бабай", 12+, Кариев театры, 18:00
  • 27.10 "Мио, минем Мио", 6+, Кариев театры, 18:00
  • 28.10 "Ләйлә вә Мәҗнүн" , 12+, Кариев театры, 18:30
  • 29.10 Микулай, 12+, Кариев театры, 18:30
  • 30.10 Премьера!"Бәхетле көнем", 3+, Кариев театры, 11:00 һәм 13:00
  • 30.10 "Яратып туялмадым", 16+, Кариев театры, 18:00
  • 31.10 Премьера "Бәхетле көнем", 3+, Кариев театры, 11:00
  • 31.10 "Шәй-бу, Шай-бу!", 12+, Кариев театры, 18:00
  • 01.11 Юрий Шатунов. КСК "Уникс". 19:00
  • 02.11 "Хикмәт әкиятләре", 6+, Кариев театыр, 18:00
  • 03.11-07.11 Ришат Төхвәтуллин. Сула. КСК "Уникс"
  • 04.11 "Корт", 12+,Кариев театры, 18:00
  • 05.11 Премьера! "Бәхетле көнем", 3+, Кариев театры, 13:00
  • 05.11 "Мәхәббәт күгәрченнәре", 12+, Кариев театры, 18:00
  • 06.11 "Кәҗүл читек", 6+, Кариев театры, 13:00
  • 06.11 "Шәй-бу, Шәй-бу!", 12+, Кариев театры, 18:00
  • 07.11 "Сәлам, Актәпи",3+, Кариев театры, 13:00
Бүген кемнәр туган
  • 18 Октябрь
  • Әнвәр Гобәйдуллин (1922-2012) - актер
  • Кадрия Фәтхуллова - галим
  • Юныс Сафиуллин - драматург
  • Равил Бохараев (1951-2012) - язучы
  • Илсур Һадиуллин - дәүләт эшлеклесе
  • Телэче районы Шэтке авылында йорт сатыла.Газ, су кергэн. 89534073195
  • Торле породалы тавыкларны бик арзан бэягэ сатабыз. Кученеп киту сэбэпле 89274897219
  • В Казани семейная пара снимем однокомнатную квартиру, без детей и животных, РИЭЛТОРАМ ПРОСЬБА НЕ БЕСПОКОИТЬ!!! 89046705587(18+КУ)
  • Детскому саду №100 Советскому району требуются воспитатели,ст.медсестра адрес ул.Кирпичная 2а телефон 295-54-15
  • Исэнмесез! Ремонт стиральных и посудомоечных машин,качественно и с гарантией! Частный мастер Казань 89393369585 Радис
  • Үзебезнең умарталыктан бик тәмле, яхшы сыйфатлы бал сатыла. 3л - 1300 сум. Күпләп алучыларга, бәясе килешү буенча. Шулай ук кәрәзле бал да бар. 89625497103
  • В Казани на улице Сахарова ищем девушек (девушку) на подселение в зал в двухкомнатную квартиру 89923389181
  • Актаныш.услуги:жалюзи рулонные шторы рольставни рольворота ,ремонт москитных сеток 89375814252 Айдар
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Детскому саду N 292 ново-савиновский район, требуется музыкальный руководитель на 1,5 стаки
 
 

 
Архив
 
22.03.2015 Әдәбият

Сөенче (ХИКӘЯ)

Җәмиләсенең, йортын-балаларын калдырып, алдан барып ятасы килмәсә дә, Надир корсагы иягенә җиткән хатынының тулгагы башланганны көтмәде, йөк машинасының кабинасына чак сыйдырып, аны район үзәгендә урнашкан хастаханәгә алып китте. Бу арада биле борчыганга да зарланып алды хатыны.

Ярый, машина үз кулында, анысы әйбәт. Шулай да, баланың кайчан туганын минуты-сәгатенә хәтле алдан белеп булмый. Әллә бүген, әллә иртәгә. Биш минутка соңга калуга караганда, ун минутка алдан бару хәерле. Юлларны кар баса башласа да, тиз генә ачмыйлар. Аннары, хатыны күпме тукып торса да, Надирның да әзрәк, аның юклыгыннан файдаланып, иркенләп “сыйланып” аласы килә. Шундый бит инде бу хатын-кызлар, гел алар теләгәнчә булсын. Авызга әз генә капсаң да, чәрелди башлыйлар. 
 
Җәмиләсе бүген аеруча бәйләнчек. Юл буена: “Надир, эчә күрмә берүк, кеше булсаң, эчә күрмә генә”, – дип бертуктаусыз тукып барды. Иренең, ярар, ярар, дип баш кагуына да бик ышанмады кебек. Әз генә тынып тора да, тагын үзенекен сөйли: “Надиркаем, ике малай синең өстә кала. Алар хакына эчә күрмә, зинһар”, – дип тагын үзенекен башлый. Надирның хәтта вакыты белән ачуы да кабарды. Тик авырлы хатыны белән бәйләнешәсе килмәде, телен тешләде: “Бу хатыннарны да әйтер идем инде!”. Сүзне икенчегә борыр өчен генә булса да, әйтеп куйды: “Әй суыклыгы быел кышның!”
 
Юлның ватык-бозык җирләрендә машинасын бик сикертмәскә тырышып, җай гына бара торгач, хастаханәгә дә килеп җиттеләр. Кулына төенчеген тотып утырган Җәмилә кабинадан чыгарга ашыкмады. Утырган җиреннән җайсыз булса да, борылып, иренең күзләренә төбәлде: “Надир, мин сиңа ышанам... Өйне, балаларны сакла берүк...”. Түземлеге төкәнә башлаган Надир хатынын акыртып куйды: “Ярар дим бит инде! Бер балык башын күпме чәйнәргә була?!”. Җәмилә җавапка иренең кулларын авырттырырлык итеп кысты да, әкрен генә кабинадан төшеп, хастаханә ягына атлады. Хатынын балалар тудыру бүлегенә кабул иткәнче, Надир шактый гына көтеп утырды. Инде кайтырга дип кузгалган ирен Җәмиләнең һаман да яныннан җибәрәсе килмәде. Шәфкать туташы үзен ашыктыра башлагач та, Надирның җиңеннән тотып, күзләренә карады: “Балаларны кара...”. Әллә нинди, моңарчы күренмәгән, сәбәбе билгесез курку, өркү шәйләнә иде аның карашында. Надирның хатынын тынычландырасы килеп китте: “Борчылма, дим бит. Беренче кат кына калдырмыйсың безне аулак өйдә”. Ишектән чыкканда Надир хатынына борылып карыйсы итте. Аның карашын сизгәндәй, баскычтан менеп барган Җәмилә дә иренә борылып карады...
 
Надир район үзәгендәге йомышларын үтәгәнче, берникадәр вакыт үтте. Ир, азык-түлек кибетенә кереп, ике улына тәмле-татлы күчтәнәчләр алды. Киштәгә кукраеп тезелгән акбашлы шешәләргә карап торды да, үзенә дә сый алды. Тагын бер-ике җиргә тукталып, авылга кайтып кергәндә кышкы кыска көн кичкә авыша башлаган иде инде. Идәра янында басып торган бухгалтер хатын Мәдинә, кулын болгап, Надирның машинасын туктатты. “Әле генә шалтыраттылар. Ай да Җәмиләң булдыра! Иртән генә алып киткән идең, шул арада кыз да табып өлгергән!” , – хәбәр итте хатын елмаеп. – Сөенче синнән! Сөенче!
 
Надир шатлыгыннан колач җитмәслек юан Мәдинәне, күтәреп, бер-ике әйләндерде дә: “Булыр сиңа сөенче!” – дип өенә очты. 
 
Ул кайтып кергәндә, алты яшьлек олы улы Камил ике яшькә кечерәк энекәше Иршат белән яңа алган төсле телевизор карап яталар иде. Надир бу кибетләрдә яңа гына күренә башлаган замана могҗизасын, хакына карамыйча, бер-ике көн элек кенә, берничә ай акча җыеп, район үзәгеннән барып алган иде. Моңа хәтле ак-каралы телевизордан башканы күрмәгән балаларның шул төсле телевизорга исләре, ушлары китте. Надир белән Җәмилә дә, бәләкәй балалармыни, бу хәтле ачык, бу хәтле төрле буяуларга шак катканнар иде. 
 
Ике малай яңа телевизорга шул хәтле мөккибән китеп утыралар, хәтта әтиләренең кайтып, сеңелкәшегез туды бит, сөенче! дигән сүзләрен дә ишетсәләр ишеттеләр, ишетмәсәләр юк. Ә Надирның шатлыгы эченә сыймый иде. Сыярлыкмы соң?! Җәмиләсе белән күпме көттеләр алар кыз! Әй дә булдыра Җәмилә! Аның тазалыгы өчен тотып куймый булмый! Әй дә булдыра хатын! Аннан әти кеше булдырмыймени? Ул да булдыра! Тоттык әти кеше өчен! Ә кызның кечкенә тәпиен юарга кирәкмимени?! Кирәк! Шактый гына исереп өлгерсә дә, Надирга бу гына аз күренде. Алпан-тилпән атлап, кибеткә юнәлде. Кибет алдында басып торучы мәңгелек сәрхүшләрне ярыйсы гына сыйлап, бәйрәмен дәвам итте: “Сөенче..!”
 
Кесәсенә ике акбашны тыккан әтиләре чак-чак атлап ишектән кергәндә, Камил белән Иршат яңа телевизорны яртылаш сүтеп яталар иде инде. Каршысына, кара, әти, нинди лампочка! дип килеп җиткән Иршатка Надир томанлы күзләре белән карап торды да: “Ах сез эт балалары!” – дип ачуыннан сүгенә-сүгенә, улының кулындагы лампаны идәнгә ыргытты. Малайларны елата-елата, икесен дә җилкәләреннән тотып, ишек алдына сөйрәп алып чыгып китте...
 
... Надир башы чатнавыннан уянып китте дә әле генә күргән төшен искә төшерергә маташты. Җәмиләсе, яңа туган кызларын күкрәгенә кысып, урам буйлап килә. Тик каршысына килгән Надирны күрә дә, кире борылып йөгерә... Нинди сәер төш... 
 
Ярым исерек Надир, урыныннан чак-чак торып, су эчте. Кире урынына ятарга теләп, диванына авам дигәндә, аяклары идәндә яткан ниндидер пыялага бастылар. Надир, ямьсез сүгенеп, ут кабызды... Идәндә яртылаш сүтелгән төсле телевизор... Ватык пыяла кисәкләре... Бу ни хәл бу? Ә малайлар кая? Ирне кинәт яшен суккандай булды... Ул, киенеп-нитеп тормыйча, тышка атылып чыкты. Келәт ишегенең йозагын суырып алды һәм катып калды... Келәтнең бер мөешендә, бер-берсенә сыенып, ике бала утыра. Камил энекәшен иске капчыкларга төрсә дә, кышның челлә салкынында ике малай да суынып өлгергәннәр иде инде... Надир, яраланган ерткычтай бәргәләнеп, балалары янына егылды. Бераздан төнге тынлыкта, бөтен авылны сискәндереп, мылтык шартлаган тавыш ишетелде...

Физәлия ДӘҮЛӘТГӘРӘЕВА
Матбугат.ру
№ --- | 22.03.2015
Матбугат.ру печать

Фикерләр

Исем:
E-mail:
Текст:
 
№26 (907774) / 24.03.2015 14:48:24

Япон телевизорлары чүплеккә ыргытылган заманда...

№25 (907773) / 24.03.2015 14:45:06

"Надир хатынын акыртып куйды: “Ярар дим бит инде! Бер балык башын күпме чәйнәргә була?!"
"азык-тҮлек"
Ә, иң мөһиме, җан азыгы юк монда.

№24 (907750) / 24.03.2015 07:42:27

К.Каранын бер повесте нэкъ шушы хакта.

№23 (907694) / 23.03.2015 17:45:01

Бәгырем, гыйбрәт алырдай кеше МРУда утырмый, эчү ягын гына карый. Аңа яздың ни үзләре кебек турында язмадың ни. Админга киңәш - бу язманы алып куйсаң яхшырак булмасмы. Сеңелем, ике хикәяң ошады, бусы -юк. Тормыш төбеннән туеп укырга омтыла зыялы халык, көч алыр өчен. Гыйбрәт - аны язмасаң да гыйбрәт алып торабыз. Гыйбрәт белән көрәш юллары - бүтән.

№22 (907654) / 23.03.2015 10:38:53

Укыгыз,гыйбрэт алыгыз.

№21 (907651) / 23.03.2015 09:44:53

Бу-плагиат. Х
икәя 1995елда "Сөембикә"журналының июнь санында басылган иде.Исеме башкача.Персонажлардан ирнең генә исеме бар иде.Ялгышмасам,Закир.Хикәя поездда бер купеда барган хатын сөйләгәннәрдән чыгып язылган ."Эчмә,егет" дип башланып китә иде.
Ул җәйдә мин үзем дә өченче балама авырлы идем.Минем дә ике малай.Бу хикәяне укып елый-елый шашып беткән идем.Шуңа мин бу хикәяне гомер онытмыйм.
Физәлия булган хәлдән алынды дип язган.Мин 19 ел инде хикәядәге хатын исән микән ,кем белән ничек яши икән дип борчылып яшим.Чөнки теге хикәядәге хатынның яңа туган баласы да үлгән иде."Ник яшим,кем өчен яшим,үзем дә белмим" дип беткән иде ул хикәя.
Физәлия сеңелем,син ул хатынның язмышын да язып чык инде.

№20 (907646) / 23.03.2015 06:34:35

Хикәя шәп булсын, дип,балалар үтерү белән мавыйкмыйк әле.

№19 (907645) / 22.03.2015 22:59:55

Минем дә балаларымны Ходай саклаган. Бер-ике тапкыр балалар кечкенә чакта әтиләре белән калдырып китәргә туры килгән иде. Кайтуыма әтиләре салган. Берсендә чак пожар чыкмаган иде.

№18 (907643) / 22.03.2015 21:58:39

Эхе, сутэ.нишлэп сутмэсен. Минем малайлар шул яшьлэрендэ магнитофоннын частен частькэ сутеп куйганнар иде авылдан килгэнче. Китайскийлар Тиз сутелэ ул сина кирэкмэгэндэ. Эйе, мин дэ нэкь шулай аталарына ышандырып калдырган идем. Э ул узенэ мешать итмэсеннэр очен магнитофонны сутэргэ биргэн. Ходай саклады инде балаларымны

№17 (907642) / 22.03.2015 21:48:39

иргә чыккач мруда күренми башлады. Шулай ул,ир булгач бер кемдә кирәкми хатыннарга.

№16 (907641) / 22.03.2015 21:16:16

Ул куштырнаклар эчендэ булырга тиеш иде.Эхе

№15 (907640) / 22.03.2015 21:01:44

Тәк! Хикәянең исеме эчтәлеккә каршы килә, автор хикәянең фаҗигале финалына ят булган исем сайлаган.
6 һәм 4 яшьлек балаларны ялгыз калдырып, еракка чыгып китмиләр. Балаларга күз- колак булырга олы кешегә әйтәләр.
Бу кадәр үз-үзен белештермичә эчкән алкаш машина йөртә алмый, аларга балалар ышанып тапшырырга ярамый.
6 яшьлек баланың ачкыч белән борып телевизор сүтүе дә ышандырмый. Аны олы кешегә дә көч куеп борырга кирәк.
Урамга чыгарып аткач, балалар елаганны барыбер кем дә булса ишетергә тиеш иде. Алар шыпырт кына утырмаганнардыр, әче тавыш белән елаган булырга тиешләр.
Үз-үзеңне үтереп җаваптан бик җиңел котыласың диючеләр бик нык ялгышалар. Бу адәм имгәге дә үзенә җәзаның иң авырын сайлаган. Аңгыра надан булмаса, бирәненә шулкадәр аракы тутырмаган да булыр иде, җаваплылык тоеп, балалары турында, күкрәк баласы белән хатыны турында уйлар иде.

№14 (907637) / 22.03.2015 20:37:37

Кызганыч "әсәр" дип кисәтергә иде... укымаган булыр идем... күз алдымнан китми... Аллам сакласын

№13 (907636) / 22.03.2015 20:26:13

Ярый. Укырга була. Лэкин нервлары тозек булмаганннарга укып тормаска кинэш итэм. Бигрэк тэ хатын- кызларга. Йорэк озгеч хэл.

№12 (907635) / 22.03.2015 20:18:06

Минем моны кайдадыр укыганым бар

№11 (907634) / 22.03.2015 20:17:18

Синем моны кайдалыр укыганым бар

№10 (907631) / 22.03.2015 19:42:39

Бу плагиат.

№9 (907629) / 22.03.2015 19:32:58

авторга сүзем шул, мондый әсәр булмый

№8 (907621) / 22.03.2015 18:16:07

нормаль 7!
Эчмэгез,эчу гонах дип такылдаган хикэятлэрне бэреп егарлык гыйбрэт курсэтелгэн.
Тик мин укыган тарихта,ул асылынып улгэн иде кебек.
Менэ ботен аерма.

№7 (907620) / 22.03.2015 18:07:45

Бу - шушы хәлендә хикәя түгел, криминаль язма.

№6 (907614) / 22.03.2015 17:52:26

Мин бу тарихны бер журналда укыган идем, тик автор башка иде, хикэя дэ озынрак иде!

№5 (907612) / 22.03.2015 17:49:14

Эчкән кеше неадекватныйга әйләнә инде ул, ни кыланганын белми башлый. Бу хатын да иренең характерын белгәндер, күрше-тирәне булса да кисәтеп куярга иде.

№4 (907606) / 22.03.2015 17:24:54

Булган хэл бу.80 нче елларда Чистай районындагы бер авылда булган хэл.

№3 (907589) / 22.03.2015 16:18:16

Сеңелем, бу хикәяңнең ахыры блай ук бетмәсен иде. Әйе, алкаш наркоман гаиләсендә андый фаҗигалар күп. Эчәрга ярата торган ире була торып ике яшь баласын күзәтүчесез калдырмый акыллы ана.Я күршесен я кайнанасын я әнисен күзәтчелеккә калдыра. Аннан соң көн буена ике сабыйларның үзләрен генә бер ялгызы бер ана да калдырмый. Монда бит син җәҗи таҗучы хатынны әйбәт хатын итеп күрсәтергә тырышасың, асылда ул җиңел акыллы хатын булып чыккан. Я төзәт үзгәрт ахырын, нинди дә булса фаҗига була язсын тик булмасын салдым аркасында кемдер кереп комачаулык итсен. Яисә ертып ташла.Әдәби әсәр укыгач күңелдә яктылык , нур барлыкка килергә тиеш.

№2 (907587) / 22.03.2015 16:12:47

Әлбәттә бу хикәя... Менә нәкъ шушы хикәядәгечә булмаса да, шушыңа охшаш хәлләр турында ишеткән юк түгел. Ярый, хикәя азагында Физәлия үз теләге белән акылыннан язучының гомеренә нокта куя. Тормышта бит тагы да аянычрак: шул ХӘШӘРӘТләр, алар үзләре генә түгел, янындагы күпләр (социал сайтларга кереп карагыз, эчкечелекне мәртәбәгә санап язучылар күпме. Бигрәк тә хатын-кызлар арасында) эчкән кеше гаепле түгел, аракы гаепле дип, аклап маташалар...

№1 (907585) / 22.03.2015 15:41:03

Бу хәтле кайгылы хикәяләр язма , сеңелем. Күңелдә яктылык уятырдайларны яз.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar