ЮКАЧЕВА РАУШАНИЯ ХӨСНЕТДИН КЫЗЫ (РАУШАНИЯ ХАФИЗ)

1959 елның 18 февралендә Питрәч районы Күн авылында туа.

1981 елны Казан театр училищесын тәмамлый һәм Әлмәт театрына җибәрелә. 1983 елның 12 октябреннән — Татар академия театрында. Ул иҗат иткән төрле сөйкемле яшь хатын-кыз образларына йомшаклык, лиризм хас.

Аның рольләре: Зөлфия — «Зөлфия» (К.Әмиров), Наташа — «Һаваларда йолдыз» (М.Горький буенча), Гайни — «Бәхетсез егет» (Г.Камал), Айшә — «Без китәбез, сез каласыз», Тәмлетамак — «Авыл эте Акбай» (Т.Миңнуллин), Әминә — «Ләйсән ире Хәсән» (Ю.Сафиуллин), Сәкинә — «Мирас» (Г.Каюм), Фирдәвес — «Казан егетләре», «Тагын Казан егетләре», Руфия — «Бичура» (М.Гыйләҗев), Маша — «Боз астында дулкын» (Ә.-Т.Рахманкулов), Нина — «Тол ханымда тукталыш» (Э.Лабиш), Мәрфуга — «Саташкан сандугач» (Р.Зәйдулла), Саҗидә — «Диләфрүзгә дүрт кияү» (Т.Миңнуллин), Дригамбәр — «Портфель», Танай — «Җирән чичән һәм Карачәч сылу» (Н.Исәнбәт), Зарима — «Китәм инде» (Р.Хәмид), Саҗидә — «Килә ява, килә ява», «Ява карлар, ява карлар» (З.Хәким) һ.б.

ТРның атказ. арт. — 2003 ел.