ӘХМӘТҖАНОВ ИЛДУС ХӘНИФ УЛЫ (ИЛДУС ӘХМӘТҖАН)

1950 елның 19 июнендә Баулы районы Татар Кандызы авылында туа.

1973 елда Ленинград театр институтын (ЛГИТМИК) тәмамлый һәм Татар академия театрында эшли башлый. Сәхнә эшчәнлеге белән бергә татарчага пьесалар тәрҗемә итә, нәфис сүз остасы. Көчле төрле драматик һәм көлкеле рольләр иҗат итүче артист.

Аның рольләре: Педро — «Канлы күләгәләр» (Г.Боровик), Рәүф — «Ике килен-килендәш» (Х.Вахит), Дионис — «Ташлама утны, Прометей!» (М.Кәрим), Максим — «Һаваларда йолдыз» (М.Горький буенча), Шәйхел — «Татар хатыны ниләр күрми» (Г.Ибраһимов),Закир— «Банкрот» (Г.Камал), Тукай — «Без китәбез, сез каласыз» (Т.Миңнуллин), Бостан — «Ахырзаман» (Ч.Айтматов), Ялчыгол — «Ай тотылган төндә» (М.Кәрим), Бәдри — «Галиябану» (М.Фәйзи), Әхмәтҗан — «Зөләйха» (Г.Исхакый), Ислам — «Әни килде» (Ш.Хөсәенов), Гаделша — «Су төбендә сөйгәнем» (З.Хәким), Субра — «Идегәй» (Ю.Сафиуллин), Задорожный — «Урланган мәхәббәт» (И.Франко), Диоген — «Баскетболист» (М.Гыйләҗев) һ.б.

ТРның хал. арт. — 1996 ел.
Татарстанның М.Җәлил исемендәге премиясе лауреаты — 1988 ел.
Татарстанның Г.Тукай исемендәге Дәүләт премиясе лауреаты — 2000 ел.