ГАФУРОВ ИБРАҺИМ НАСЫЙР УЛЫ

(1910–1972)

Казан шәһәрендә туа.

1934 елда Татар театр техникумын тәмамлый һәм Казан эшче татар театрында эшли башлый.

1937 елдан Татар академия театрына алына. Бөек Ватан сугышы елларында театр-концерт бригадалары белән фронтларга йөри. Төрле характердагы тормышчан образлар иҗат итә. Танылган артист.

Аның рольләре: Тукай — «Тукай» (Ә.Фәйзи), Хәммәт — «Хуҗа Насретдин» (Н.Исәнбәт), Масленников — «Көннәр һәм төннәр» (К.Симонов), Шут (Тиле) — «Король Лир» (В.Шекспир), Хәй — «Кызыл йолдыз» (М.Фәйзи), Марат — «Таймасовлар», Әсфән — «Изге әманәт», Нургали — «Ташкыннар», Гәрәй — «Наемщик» (Т.Гыйззәт), Нургали — «Таң атканда» (Ш.Шаһгали), Әпсәләм — «Каюм Насыйри» (М.Галәү, Х.Уразиков), Әхмәт — «Тапкыр егет» (Д.Аппакова), Максимов — «Диңгездәгеләр өчен» (Б.Лавренев), Эрик — «Ул килде» (Дж.Пристли), Сильвио — «Ике хуҗаның хезмәтчесе» (К.Гольдони), Гуслин — «Ярлылык гаеп түгел», Дергачев — «Соңгы корбан» (А.Островский), Сәхәп — «Рәйхан», Тугыш — «Һиҗрәт» (Н.Исәнбәт), Лотфи — «Гөлҗәннәтнең җәннәте» (Ю.Әминов) һ.б.

ТАССРның хал. арт. — 1970 ел.