поиск новостей
  • 26.04 Ай, былбылым! Тинчурин театры, 18:30
  • 28.04 Хыялый. Тинчурин театры, 17:00
  • 29.04 Кияү урлау. Тинчурин театры, 18:30
  • 30.04 "Шан кызы" Кариев театры, 12:00,14:00,18:30
Бүген кемнәр туган
  • 26 Апрель
  • Габдулла Тукай (1886-1913) - шагыйрь
  • Фәнис Сафин - актер
  • Ильяс Халиков - җырчы
  • Ләззәт Хәйдәров - журналист
  • Римма Бикмөхәммәтова - журналист
  • Әмир Мифтахов - хоккейчы
  • Рафаил Газизов - шагыйрь
  • Камилә Вәлиева - фигуралы шуучы
  • Олылар очен "Сени" исемле подгузниклар сатыла. Размер М. Пачкада 30 штук. 1 пачка - 1200 сум. Казан. Тел. 89274484465 (ВАТСАПКА ЯЗЫГЫЗ) Продаются подгузники для взрослых. Сени. Размер М. 1 пачка - 1200 руб. (Пишите на Ватсап 89274484465)
  • Чупрэле районы, Иске Кэкерле авылында йорт сатыла, 1 800 000 РУБ 79276735505
  • Ремонтирую стиральные и посудомоечные машины, качественно и с гарантией,недорого. 8939 3369 585 Рамиль (Казань,Чистополь)
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227
  • Телэче районы Шэдке авылында йорт сатыла, барлык унайлыклары булган. 89534073195
  • ИСЭНМЕСЕЗ. ЭТЭЧ САТАМ . ТЕЛ 89053184712
  • Казаннын Яна-Савин районында урнашкан 2 булмэле фатирга бер кыз эзлим. Бэясе 6500 сум 89376001290
  • Ассаляму алейкум! Казанда, центрга якынрак булган гостинка яисэ булмэ снимать итергэ телим. Риелторсыз. 89872312932 (ватсап)
  • Казан. Дәүләт органына тәрҗемәче кирәк, рус-тат, тат-рус. Эшләү бары эш урынында гына, 9:00-18:00. Эш урыны шәһәр үзәгендә. З/п уртача 36000 сум. Тел.299-15-58
  • Жэйге язшы сыйфатлы Лукойл нефтегаз очен тегелгэн, бер дэ киелмэгэн спецодеждалар бар. Костюмнар чалбары белэн, чалбарлар серым да бар, 44 размеры резин итек 500 сумга, СУ уткэрми торган перчаткалар хэм башка эйберлэр. Барсы да Казанда Павлюхин урамында. Кыйммэт тугел. Шалтыратыгыз я ватсапка языгыз. 8 927 036 61 07
Архив
 
14.04.2014 Җәмгыять

Бушлай торак башка булмаячак

Татарстанның беренче Президенты Минтимер Шәймиев заманында ук башланган тузган торакка каршы көрәш бик күпләр өчен бәхет ачкычы булды. Уңайлыксыз хәрәбәләрдә көн итүче меңләгән кеше рәхәткә тиенде.

Җимерек йортларны юк итү программасы бүген дә гамәлдә. Әмма хәзергесен элек булганы белән чагыштырырлык та түгел. Теркәлгән кеше санын исәпкә алып, бушлай фатир бирелгән заманнар инде ерак үткәндә калды. Еллар узу белән тузган торактан котылу программалары үзгәрә торды. Әмма яңалыкларның берсе генә дә, кызганычка, гади кеше файдасына булмады. Быел тормышка ашырыла башлаган чираттагысы да сөенеч алып килмәде. Яңа программаны “милекне тартып алу проекты” дип атадылар хәтта.

2014-2017 еллларга исәпләнгән программа буенча республикабызда 1688 авария хәлендәге йортны юк итү ниятләнә. Түрәләребез хәбәр иткәнчә, яңа торакка күченү бәхете 28 мең кешегә елмаячак. Әмма хәрабә хуҗалары гына бер дә шатланмый. Республика җитәкчелеге тарафыннан тәкъдим ителгән шартлар алар тарафыннан кешене талау буларак кабул ителә.

Җимерелә башлаган торакның 1 квадрат метрын дәүләт нибары 11 мең сумнан сатып алырга карар кылган. Бу бәя Татарстанның барлык районнарында да бер үк - Казанда да, Яшел Үзәндә дә, Чистайда да. Билгеле, тузган торак хуҗалары бу акчага яңа торак сатып ала алмый. Шуңа да җитәкчелегебез аларга социаль ипотека программасына кушылырга яки социаль найм шартларыннан файдаланырга тәкъдим итә.

Тузган торак, чыннан да, тузганмы?


Беренчеләрдән булып тузган торакны юк итү юнәлешендәге эш Яшел Үзән районында башланды. Республикабыздагы тузган торакның иң күбе нәкъ шунда икән. Әйтик, Яшел Үзән шәһәрендә һәр өченче йорт авария хәлендә дип табылган. Узган ел башында аларның фатирларының квадрат метрына 20,7 мең сум түләргә вәгъдә ителгән булса, быел инде бу сумма икеләтә киметелгән.

Татарстан Төзелеш һәм торак-коммуналь хуҗалык министрлыгында аңлатканча, программаны гамәлгә ашыру өчен 13 миллиард сум акча кирәк. Әмма федераль бюджеттан субсидияләр азрак бирелә, республика казнасында да акчага кытлык. Нәтиҗәдә, бар булган акчаны күчерелергә тиешле квадрат метрлар исәбенә бүлгәннәр дә 11 022 суммасы килеп чыккан.

Зуррак ачаларга өмет итүчеләрдә бу, билгеле, ризасызлык уятты. Бу карардан соң бик күпләр хәтта үз торакларын авария хәлендәгеләр исемлегенә кертелүгә дә каршы чыга. Яшел Үзәндә яшәүче Муза Егорова сүзләренчә, алар шәһәрендә тузган торак дип танылган бик күп ике катлы йортлар әле шактый яхшы хәлдә.

- Элек йортларны сыйфатлы төзи иделәр. Тагын йөз ел торырга сәләтле әле алар. Әзрәк төзекләндерү дә җитәр иде. Бик күп йорт хуҗалары инде күптән торакларын үзләренә җайлаштырды, коммуникацияләрен дә алыштырды. Тәкъдим ителгән акчалар исә бернәрсәгә дә җитмәячәк. Бу акчаны, чыннан да, җимерек йортларда яшәүчеләргә бүлеп бирсәләр иде. Әйтик, минем әнием яшәгән Комсомол урамыныдагы 36 йортта бүген, гомумән, яшәргә яраксыз хәлдә. Менә шундыйларын кайгыртсыннар иде беренче чиратта, - ди Муза Егорова.

Президент каршындагы Дәүләт торак фонды җитәкчесе Тәлгать Абдуллин сүзләренчә, үз йортларын тузган дип санамаучылар судка мөрәҗәгать итеп, карарны кире кага ала. Суд карары буенча яңадан экспертиза үткәрелә һәм аның нәтиҗәсенә карап, яңа карар кабул ителә.

Казанның Побежимов урамы, 33 йортта яшәүчеләр шул рәвешле үз хокукларын яклый алган. Муниципаль комиссия үткәргән экспертиза буенча йортның таушалу дәрәҗәсе 71 процент дип табылган. Бәйсез экспертиза исә йорт 18,2 процентка гына таушалган дип күрсәткән.

Күченерләр иде дә...


Берәүләр үз торакларын тузган дип санамыйча, аннан күченүгә каршы чыкса, хәрабәләрдә яшәүчеләр йортларын авария хәлендәгеләр исәбенә кертә алмыйча азаплана. Әйтик, Казанның Богатырева урамындагы 6 йортта яшәүчеләр уңайлы шартларга хокуклы икәннәрен яклап әллә ничә суд аша үткән. 5 еллар элек аларның торагы тузганнар исәбенә кертелгән. Әмма ул вакытта ук яңа фатирларга күченергә тиешле кешеләрнең шактые әле дә шул хәрабәдә яшәргә мәҗбүр.

- Анда түбәдән су үтә. Дымлылык зур булу сәбәпле, диварлар гөмбәчекләр белән капланган. Йортның бер як дивары ишелеп тә төште инде. Шуңа да бер подъездда яшәүчеләрне ничек булса шулай башка фатирларга күчерделәр. Калганнарны артык кайгыртучы юк. Яшәргә яраксыз булгач, бик күпләр аннан үз көчләре белән күченде инде – кемдер туганнарында яши, кемдер фатир арендалап тора. Күченер урыннары булмаган пенсионерлар гына яшәп калды. Администрация вәкилләре фатирлар булмауга сылтап, суд карарын үтәүне кичектерүне сораган иде. Соңгы елларда кайбер фатир хуҗаларына торак вариантлары тәкъдим дә итә башладылар. Әмма күпләр аннан баш тарта. Чөнки бер хәрабәне икенчесенә алмаштырырга берәүнең дә теләге юк, - дип сөйләде бу йорттагы бер бүлмә хуҗасы Юлий Степанов.

Татарстанның күп кенә районнарында тузган торакны юк итү программасы бик зур авырлык белән бара. Тузган торак исәбе елдан-ел арта гына бит. Анда яшәүчеләрне уңайлы шартлар белән тәэмин итәргә фатирлар да, акча да юк. Гамәлгә кергән яңа программа да моның ачык дәлиле.

“Бушлай торак башка булмаячак. Безнең өчен иң мөһиме – яшәү өчен куркыныч булган торакларны юк итү. Шуңа да хәрабәләрдә яшәүчеләргә тәкъдим ителгән белән килешергә генә кала”, дип кырт кисә түрәләр.

P.S.
Татарстанстат мәгълүматлары буенча, 2012 ел ахырында Татарстанда 289,5 мең квадрат метр торак булган. Бүгенге көндә исә таушалуы 70 проценттан артык булган торак 420 мең квадрат метр тәшкил итә. 


Гүзәл НАСЫЙБУЛЛИНА
Интертат.ру
№ | 14.04.2014
Интертат.ру печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»