• 13.12 Айдар Рәкыйпов концерты. УНИКС. 18:30
  • 15.12 Ришат Төхвәтуллин. КСК "Уникс". 17:00
  • 16.12-20.12 Данир Сабиров концерты. КСК "Уникс"
  • 24.12-25.12 "Һәлакәткә бер адым" (Премьера!) Тинчурин театры
  • 02.01-03.01 Нәфкать Нигъмәтуллин концерты. Филармония. 19.00.
  • 14.02-23.02 Мунча ташы. Кырыкта да кызыкта. КСК "Уникс"
  • 29.02-09.03 Фирдус Тямаев. Ялгыз торна. КСК "Уникс"
Туган көннәр
  • 14 Декабрь Әнәс Галиуллин
  • 14 Декабрь Нур Әхмәдиев
  • 14 Декабрь Алсу Әбелханова
  • 14 Декабрь Алмаз Сабирҗанов
  • 14 Декабрь Сәет Шәкүров (1917-1989)
  • 15 Декабрь Кави Нәҗми (1901-1957)
  • 15 Декабрь Фәридә Кудашева (1920-2010)
  • 15 Декабрь Данил Гыйниятов
  • 15 Декабрь Габделбарый Болгарский (1884-1927)
  • 15 Декабрь Диләрә Илалтдинова
  • Срочно дворник кирэк 89377734777
  • Туалет, ваннага плитка жаям теплыи пол уткарам, стенага плитка куям, тел.89600325048
  • Казаннын узэгендэ, Назарбаев урамында кызлар очен ботен унайлыклары тудырылган 1 булмэле фатир тэкъдим итэм. тел.89178887888.
  • Казанда.Карбышев 60 адресында 13 кв.м.булмэ сатыла.7 эт.Булмэдэ ремонт ясалган.Куршелэр бик эйбэт.Бэясе 800000.Т 89274084073.
  • Продаётся однокомнатная квартира в центре Актаныша с площадью 26 кв.м.8 904 673 59 09
  • Татар телендә дипломнар, курс эшләре язуда студентларга ярдәм. Тиз арада оригиналь эшләр. 917-885-45-12
  • Туалет булмэсе ясыйм и унитаз урнаштырам. Тел.89196484445 Актаныш
  • Ремонтируем бойлеры водонагреватели 8-960-060-77-38 Актаныш
  • Сборка и ремонт мебели!Тел.89196484445 Актаныш
  • Бергэ квартира снимать итергэ иптэш егет эзлим квартира Габишево ягында) 895066660021

 

 
Архив
 

               

02.03.2009 Җәмгыять

ӘСГАТ СӘФӘРОВ: “МИН КЫРЫС, ӘММА ГАДЕЛ”

ТР Эчке эшләр министры, генерал-лейтенант Сәфәров Әсгат Әхмәт улы Әтнә районының Яңа Шимбер авылында Үгез елында, Үлчәү йолдызлыгында туа. Йолдызнамәдә: “Андыйлар түзем, чыдам, аз сүзлеләр. Үзләренә ышаныч уяталар. Зур физик көчкә ияләр. Алар менә дигән адвокатлар, журналистлар, дипломатлар”, – дип язылган. Бу сүзләр безнең бүгенге кунагыбызга бик тә туры килә дисәм, һич ялгышмам. Үземнән шуны да өсти алам: Әсгат Әхмәтович – гади, тыйнак һәм таләпчән. Казан дәүләт университетын, Русия Федерациясенең ФСБ Академиясен тәмамлаган. Хатыны Луиза Вилсор кызы белән ике кыз – Диана һәм Элинаны, уллары Русланны тәрбияләп үстерәләр. Олы кызлары Диана Казан дәүләт финанс-икътисад институтын тәмамлаган, Элина бүгенге көндә Англиядә архитектор белгечлегенә укый. Русланга биш яшь.

– Әсгать Әхмәтович, республикада Спорт һәм сәламәт яшәү рәвеше елы башланды. Эчке эшләр министрлыгы спорт ярышларында гел алдынгы урыннар яулый. Үзегез спортның кайсы төренә ныграк игътибар бирәсез?

 

– Кышын чаңгыда йөрергә тырышам, спиннинг белән кызыксына башладым. Футболга да битараф түгелмен. Соңгы арада волейбол белән “җенләндем”: һәр дүшәмбе һәм пәнҗешәмбе кичке сәгать җидедә мин спорт залында, ветераннар командасы белән икешәр сәгать уйныйбыз. Ат чабышларын карарга яратам. Гомумән,  атлар – минем куанычым һәм горурлыгым. Безнең ТР Эчке эшләр министрлыгының “Динамо” ат-спорт клубы республикада иң яхшылардан санала. Бүгенге көндә  Анчар исемле атыбыз Русиядә иң елдам ат дип табылды, ул безгә кубок алып кайтты. Бу әле беренче тапкыр! Һәр елны туган ягым Әтнә сабантуена ат чабышын карарга  кайтам,  җиңүче атның хуҗасына  махсус бүләк – ТР Эчке эшләр министрлыгының исемле сәгатен тапшырам.

 

– Туган  авылыгыз Яңа Шимбергә еш кайтасызмы?

 

– Елга кимендә бер тапкыр булса да кайтырга тырышам. Әтием шунда күмелгән. 9 май көнне аның каберен зыярәт кылам. Ә әнием Нәкия Фатыйховна, сугыш һәм хезмәт ветераны,  Аллага шөкер, исән-сау, бүгенге көндә Казанда яши. Яңа Шимбердә туганнарыбыз җитәрлек.

 

– Русиянең татарлар күпләп яшәгән район, авылларында милләттәшләребез арасында наркоманнар, авыр җинаять кылучылар бөтенләй юк. Мисалга Ульян өлкәсенең Иске Кулатка районын, Пермьнең Барда районнарын китерергә мөмкин.  Татарстанда татар авыллары ничек яши?

 

– Мин бу сорауга милли яктан гына чыгып карамас идем. Авылларда  гомер-гомергә тәртип, чисталык, бер-береңә ярдәм итү кебек матур сыйфатлар хөкем сөргән.  Авыл мохитендә  наркомания, авыр җинаятьләр кылынырга җирлек тә булмаган. Бу республикабыздагы  барлык авылларга да хас булган. Соңгы вакытта хәлләр бераз үзгәрде, чөнки наркоманнар авылда да күренә башлады. Монда авылларның шәһәрләргә якынаюы да, урбанизация дә, авыл яшьләренең шәһәр гадәтләрен үзләштерүе дә сәбәпче. Дөрес, узган ел нәтиҗәләре буенча Әтнә, Саба, Теләче, Апас районнарында наркотикларга кагылышлы бер генә җинаять эше дә кузгатылмаган. Бу сөенечле күренеш. Арча, Югары Ослан, Мөслим, Чирмешән кебек районнарда берәр эш теркәлгән. Ә менә Баулы, Менделеевск, Нурлат районнарында    наркотикларга кагылышлы җинаятьләрнең саны шактый.

 

– Әсхәт Әхмәтович, әледән-әле маньяклар, педофиллар кылган коточкыч җинаятьләр турында ишетеп торырга туры килә. Ничек уйлыйсыз, безнең илдә андый кабәхәтләргә карата хөкем җәзасы йомшак түгелме?

 

– Кызганыч, тик, чыннан да,  мондый җинаятьләрнең саны бездә генә түгел, дөнья күләмендә елдан-ел арта. Күп еллык тәҗрибә күрсәткәнчә, андый җинаятьчеләр беркайчан да туры юлга басмыйлар. Русиянең премьер-министры Владимир Путин да педофилларга карата хөкем җәзасын көчәйтү турында сүз кузгатты. Җинаять кодексының 132нче маддәсендә мондый җинаять кылучыларга 8 елдан 15 елга кадәр ирегеннән мәхрүм итү каралган. “Бу статья эшләргә тиеш, бәлки аның түбәнге планкасын күтәрергә кирәктер”, – диде Владимир Путин. Минем фикеремчә, авыр җинаятьләр өчен үлем җәзасын кулланырга кирәк. Үлем җәзасын бетерү ашыгычлык белән кабул ителгән карар дип саныйм. Дөньяда  демократия үрнәге булып та үлем җәзасы кулланыла торган илләр бар.

 

– Сез кырыс министрмы?

 

– Кырыс, әмма гадел. Минем кул астында эшләүче хезмәткәрләр моны яхшы аңлыйлар. Әгәр дә алар тырыш, төгәл, үз вазифаларын җиренә җиткереп башкаралар икән, мин бик гадел. 

 

– Русиянең бер генә шәһәрендә дә Казандагы кебек интим хезмәтләр тәкъдим иткән стена язулары күрмәссең. Аларның очына чыгу шулкадәр авырмени соң?

 

– Килешәм, мондый игъланнар шәһәрне бизәми. Бу сезне генә түгел, барыбызны да борчый торган проблема. Ләкин ул язуларны бетереп йөрү безнең вазифага  керми.  Ул телефоннарны өзәргә тырышып карадык, Элемтә министрлыгына, "Таттелеком"га мөрәҗәгать иттек. Әмма закон буенча безнең моңа хакыбыз юк икән. Әлбәттә, без кул кушырып утырмыйбыз. Әлеге телефоннар аша хуҗаларын табабыз. Узган ел фахишәлек оештыру очраклары буенча 29 җинаять эше ачтык, фахишәлек белән шөгыльләнгән өчен 357 хатын-кызны административ җаваплылыкка тарттык.

 

– Татарстан Республикасы Эчке эшләр министрлыгы каршында Иҗтимагый шура эшли. Аның эшчәнлеге белән дә таныштырып китсәгез иде?

 

– Иҗтимагый Шура Русия төбәкләрендә беренчеләрдән булып Татарстанда оешты. Аның эшчәнлегендә иҗтимагый, фәнни, мәдәни, дини оешмаларны дәүләт һәм җәмгыять куркынычсызлыгын тәэмин итүче төрле концепцияләр һәм программалар әзерләүгә җәлеп итү кебек максатлар каралган. Бүгенге көндә аның составына республикабызның танылган фән һәм сәнгать әһелләре, массакүләм мәгълүмат чаралары вәкилләре, оешма җитәкчеләре,  танылган эшмәкәрләр керә. Елга ике тапкыр утырыш уздырабыз, эшләнгән эшләр турында сөйләшәбез.

 

– Сер булмаса, әйтегез әле, ул Шурага кергән шәхесләр арасында кемнәр бар?

 

– Сер түгел, нигә сер булсын. Халкыбызга яхшы таныш булган сәнгать әһелләре Салават Фәтхетдинов, Венера Ганиева, Равил Шәрәфиев, Татарстан мөфтие Госман хәзрәт Исхакый, Бөтендөнья татар конгрессы Башкарма конгрессы рәисе Ринат Закиров... Мин бик күп таныш исемнәрне саный алыр идем, алар арасында төрле милләт һәм дин вәкилләре бар.

 

– Әсхәт Әхмәтович! Газета укучыларга теләкләрегезне дә ишетик инде.

 

– Хөрмәтле “Татарстан яшьләре”н укучылар! Татарстан милициясе һәрвакыт халык иминлеге һәм тынычлыгы сагында. Без халык ышанычын һәм ярдәмен тоеп эшлибез. Рәхмәт сезгә. Алда да бергә булырбыз дип ышанабыз. Чөнки явызлыкны бердәм булганда гына җиңеп була. Барыгызның  да йортларыгыз имин, кайгы-хәсрәтсез булсын!

 

Гөлназ ШӘЙХИ
Татарстан яшьләре
№ 24 | 26.02.2009
Татарстан яшьләре печать

Фикерләр

Исем:
E-mail:
Текст:
 
№6 (14078) / 08.03.2009 22:04:47

Акыллы господин мент, бездэ проституткалар белэн корэшу ин актуаль хэм бик куркыныч проблема инде хэл ителмэгэн, пунктлап тикшерергэ.Калганнары хэл ителеп бетте! Бутэн нэрсэлэр турында сойлэшу куркыта, яисэ куркытмый торган итеп сойлэшу син булдыра ала торган эш тугел.Аргумент булмагач, оскорблениега кучэлэр инде недалекийлар.Мне по барабану синен фикерен

№5 (14073) / 08.03.2009 18:41:22

Мәкалә башындагы йолдызнамә кызыксыну уятты. Мин мәсәлән физик яктан хәлсез,сабырсыз, ышанычсыз бер үлчәү

№4 (13755) / 03.03.2009 13:57:48

Иркэ, син ангырамы, прикидываешься гынамы?

монда суз проституткалар турында бармый. монда нелогично сойлеген министр хакында язам мин. узен бик яхшы разбираться иткен дип санаган Веберлар турында яз, башка темаларны анлап бетермисен.

№3 (13751) / 03.03.2009 13:28:30

Ментка. Эйдэ без проституткаларны покойда калдырып торыйк.Мескенкэйлэргэ ходай бутэн сыйфатларны жэллэгэнэгэ шул Юл белэн акча эшлэргэ мэжбур.Эйдэ сутинерлар турында сойлэшик. Берара шул услугаларны кулланучылар тонлэ шалтыратып бимазалады.Бу ни хэл булыр дим? Нихаять, эле исереп бетмэгэн адекватныерагына тап булдым. Ул минем номерны кайдан алуын эйтте. Шул рекламалардан икэн. Э анда отвечик кабат конкрет телефон номерлары эйтэ. Шунда берсе нэкъ минекенэ охшаган иеэн, исереклэр анламыйча мина шалтыраталар. Шул номер белэн шалтыратып: «Тагын бер звонок булла икэн, мин сезне сдаю!»- дигэч, тынды телефоном. Ул бизнеста алар узлэре катнаша курэсен

№2 (13749) / 03.03.2009 13:08:50


– Русиянең бер генә шәһәрендә дә Казандагы кебек интим хезмәтләр тәкъдим иткән стена язулары күрмәссең. Аларның очына чыгу шулкадәр авырмени соң?


– Килешәм, мондый игъланнар шәһәрне бизәми. Бу сезне генә түгел, барыбызны да борчый торган проблема. Ләкин ул язуларны бетереп йөрү безнең вазифага керми.

маладис!!!

Ул телефоннарны өзәргә тырышып карадык, Элемтә министрлыгына, "Таттелеком"га мөрәҗәгать иттек.

- Сезнен вазифага кермегеч, ниге элемте министрлыгына чыгарга? хезмэт вазифаларын арттырып жиберу жинаять булып санала тугелме сон ул?

Әмма закон буенча безнең моңа хакыбыз юк икән.

- берер нерсе эшлер алдыннан законнарны ойренеп карап маташмыйлар инде, министр бит ул, ниге андый тубенлекке барсын, башта задержанныйны кыйныйлар, аннары "гафу итегез, кыйнарга ярамагынын белмедек, закон буенча мона безнен хакыбыз юк икен" дилер.

Әлбәттә, без кул кушырып утырмыйбыз.

- конечно!!!

Әлеге телефоннар аша хуҗаларын табабыз.


Узган ел фахишәлек оештыру очраклары буенча 29 җинаять эше ачтык, фахишәлек белән шөгыльләнгән өчен 357 хатын-кызны административ җаваплылыкка тарттык.

- шул ук мвд казанда аз дигенде 5 мен проститутка бар ди. боларнын эш нетижесе - конге бер кызны административ жаваплылыкка тарталар. исеплеп чыгарыгыз, хэр проститутканы жаваплылыкка тарту очен ниче ел кирек?

№1 (13718) / 02.03.2009 20:40:26

– Әсхәт Әхмәтович! Газета укучыларга теләкләрегезне дә ишетик инде.



– Хөрмәтле “Татарстан яшьләре”н укучылар! Татарстан милициясе һәрвакыт халык иминлеге һәм тынычлыгы сагында. Без халык ышанычын һәм ярдәмен тоеп эшлибез. Рәхмәт сезгә.

СЛУЖУ ОТЕЧЕСТВУ елы-палы

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Фирдүс Тямаев
Шаян
Татаркино
Ханский дом
Балмай
Раяз Фасихов