• 25.10-27.01 16-я специализированная выставка «ДорТрансЭкспо». «Казанская ярмарка»
  • 02.11-04.11 Гүзәл Уразова-Илдар Хәкимов. Эксклюзив программа концертлары. УНИКС, 18:30
  • 03.11-04.11 Филюс Каһиров концерты. Казан. Филармония.
  • 14.11 Азат Абитов концерты. Казан, Филармония. 18.30
  • 22.11-25.11 Российский Форум Маркетинга 2017. г. Москва, ул. Веткина, д.4, Ювелирный Дом «Эстет».
  • 24.11 Илһам Вәлиев концерты. Казан, БКЗ. 19.00
  • 25.11 Elvin Greyның 3D-шоулы концерты, Казан - Боз сарае. Башлана 19:00.
Туган көннәр
  • 23 Октябрь Ленар Сәйфиев
  • 23 Октябрь Марсель Зарипов
  • 23 Октябрь Дания Гыймранова
  • 24 Октябрь Рәис Шәйхелисламов
  • 24 Октябрь Софья Гобәйдуллина
  • 26 Октябрь Раил Өметбаев
  • 26 Октябрь Резидә Галимова
  • 27 Октябрь Фәрит Таишев
  • 27 Октябрь Рөстәм Вәлиев (1961-2014)
  • 27 Октябрь Мансур Кашапов
  • Продаю новый электрический водонагреватель Haier, 50 литров. Тел.89674628716
  • Продаю коляску. 2 в1 Коляска- трансформер.Все аксессуары,сумка-переноска, переходники. Универсальная коляска зима-лето Качество коляски отличное. Ручка коляски перекидывается! возможна доставка. 7000 руб тел 89274544590
  • Составлю иски, претензии, жалобы, отзывы и тд. любой сложности (по семейным спорам, защита прав потребителей, отзывы на исковое требования и тд.) ⠀ Обжалование штрафов гибдд, решения правоохранительных органов в том числе решения судов. Составление исков в арбитражный суд. Большой опыт работы с процессуальным документами. Звоните 89178559788
  • Готовим гуся на заказ. Украсим. 8-927-417-25-72
  • Актаныш. Норка туны сатыла, размер 46-48, тун озын, капюшонлы, кара төстә, яхшы сыйфаттагы тун, бәясе килешү буенча. 89625707653
  • Әтнә районында сатыла: Кама Evro185/65 R15 шипованный көпчәкләр, литой дискалар бн 89518982100
  • Актаныш. Үгез ите сатыла (бер ал, бер арт ботка хуҗа кирәк) 22 октябрьдә үгез суела. 89375757095
  • Арчада йорт сатыла. Кирпич 120 кв.м. Барлык шартлар да бар. Газ мунчасы өйдән керәсе. Сарай ,гараж. Бакчада бар да үскән. 2800000.тел 89656083354
  • Казаннын Ад.Кутуй урамында 18,4кв.м.,5/5 гостинка сатыла.89272469637
  • Пр.Победы тукталышы. Ике булмәле фатирның бер булмәсенә эшли торган, начар гадәтләре булмаган татар кызы эзлим. 89631201352

 

 

 

 
Архив
 

               

10.02.2012 Сәясәт

"Путин үзгәрергә мәҗбүр булачак"

ТР Дәүләт Советының икътисад, инвестицияләр һәм эшмәкәрлек комитеты рәисе Марат Галиев җәмәгатьчелегебезгә һәр мәсьәләгә үз карашы булган шәхес буларак мәгълүм. Илебездә башланган, нигездә сайлауларга бәйле булган вакыйгалар җәһәтендә, без аңа берничә сорау белән мөрәҗәгать иттек.

– Марат әфәнде, берәүләр – илдә икътисадый кризис, икенчеләр сәяси кризис күзәтелә дип белдерә. Сез аны ничек бәялисез?

 

– Һәр гасыр икътисадта, сәясәттә ниндидер яңа башлангычлар, яңа үзгәрешләр алып килә. XXI гасыр башында да элек күзәтелмәгән сыйфат үзгәрешләре барлыкка килү гаҗәп түгел. Әйтик, Интернет дөньяны шактый нык үзгәртте. 90 нчы елларда аннан файдаланучылар аз булса, хәзер җәмгыятебезнең сизелерлек өлеше аны куллана. Әлбәттә, кешеләрнең үзара аралашу рәвешен үзгәртә ул. Бу – соңгы еллар җимеше – иң мөһим шарт-факторларның берсе.

 

Икенче яктан, икътисадый кризисның да формасы үзгәрде. 2008 елда булган дөнья кризисы моңарчы күзәтелгәннәрнең берсенә дә охшамаган иде. Ул төрле илләрнең икътисадый мөнәсә­бәт-мөгамәләләрен сизелерлек үзгәртте. Глобаль күренешкә әйләнү белән бер-береңә бәйлелек артты. Әлеге кризисның сәбәпләре һаман да бетерелмәгән. Шуның өчен дә икътисадта тотрыклылык, бер илдә дә имин генә үсешкә ирешербез дигән ышаныч юк. Икътисадый үсеш модельләрен эзләү генә түгел, технологияләрне үс­терүдә дә шактый үзгәреш күзәтелә. Дөнья моңарчы шәйләнмәгән яңа технологияләр бусагасында тора. Гомумән, XXI гасырда зур үзгәрешләр булыр төсле. Бу технологияләр, үзара аралашуда булган яңалыклар һич искәрмәсез барча илләрдә дә авторитар идарә итү системасының кризиска керүен күрсәтә. Ягъни технологияләрнең үсеш-үзгәреше киңрәк демократия таләп итә. Шуңа күрә ХХI гасыр башында күзәтелгән­нәрне җәмгыятебез кабул итсә дә, хәзер бу хәл халыкны канәгатьләндерми башлады.

 

Үзгәрешләр таләп ителгәнен һәр сәясәтче, шул исәптән РФ Президентлыгына кандидатлар да сизәдер дип уйлыйм. Алар бездә бишәү. Араларыннан иң яше – Прохоров. Калганнары – гамәлдә булган сәясәтчеләр. Аларны халык белә инде. Прохоров оппозициядәге өч кандидатны – Зюганов, Жириновский, Мироновны "сәяси картлачлар" дип атады. Минемчә, моның нигезе бар. Алар алга түгел, артка карый. Нәрсәнедер кире кайтарырга чакыралар яисә үтәп булмастайларны вәгъдә итәләр. Шуның өчен дә алар Прохоров өчен әллә ни җитди көндәш түгел. Әйе, ул Президентлыкка кандидат буларак кызыклы гына фикерләр белдерә. Тик аның бернинди дә сәяси тәҗрибәсе юк. Әлегә сәясәт сәхнәсендә үзен бер тамчы да күрсәтмәде. Мондый хәл сайлаучыда ышаныч тудыра алмый, билгеле.

 

– Әле аңа сайлаучыларның күбесе олигарх дип карый.

 

– Әйе, бу яктан да аны иң лаеклы кандидат дип булмый. Дөрес, ул алдынгы карашлы, төпле кешегә охшаган. Әмма әле аңа үзе таянырлык тарафдарлар булдырырга, аерым алганда, үз партиясен оештырырга кирәк. Әгәр ачык аңлаешлы программасы булган партия оештыра алса, бу сайлау циклында булмаса да, аның алдагы сайлауда җиңеп чыгу мөмкинлеге бар. Вакыт күрсәтер. Әмма хәзер аңа сайлаучыларның күбесе тавыш бирәчәген күз алдына китереп булмый. Димәк, төп көндәше булып Путин кала. Җәмгыятьне аның белән таныштырып торасы юк. Ләкин аңа күп кенә гамәлләреннән, әйтик, хакимият вертикаленнән һәм авторитар башлангычларны ныгыту омтылышыннан баш тартырга туры килер шәт. Чөнки үзгәрешләр күбрәк демократия таләп итә. Соңгы вакытта матбугатта басылган дүрт программа мәкаләсенә караганда, ул моны аңлый сыман.

 

– Сезнеңчә, президент беренче турда ук сайланырмы, әллә икенче турда гына ачыкланырмы? Икенче тур булган сурәттә, бәлкем, бу хәл аны тизрәк демократлашырга мәҗбүр итәр?

 

– Мәсьәлә беренче турда ук хәл ителер дип уйлыйм. Дөрес, Сахаров һәм Болотная мәйданнарында уздырылган митингларда каршы чыгыш ясаучылар күп булды. Әмма анда әллә ничә төрле сәяси көчләр җыелган иде. Минемчә, Президент беренче турда сайланмаса, әлеге митинг­ларга чыккан көчләр үзара тарт­калашып, ачуланышып бетә­чәк. Араларында бер лидер да юк. Әлеге ыгы-зыгы нәтиҗәсендә илдәге сәяси кризис тагын да көчәячәк кенә. Чөнки аларның берсенең дә киләчәктә нәрсә эшләргә дигән ачык кына программасы юк. Без анда чиста сайлауга чакырудан тыш башка өндәмәләр ишетмәдек әле.

 

– Әгәр Президент сайлау 2014 елга күчерелсә, быелның декабреннән дә калдырмыйча яңа Дума сайланса, әйтик, ике елга хакимият кәнәфиенә Кудринны утыртсак, заманында Ельцин Путинга кәнәфиен тапшырган кебек, Медведев Кудринны варис итеп калдырса, ничек булыр?

 

– Минемчә, Кудрин бу вазыйфага әзер түгел. Әле моңа законлы нигез дә кирәк. Дөрес, сәяси кризис белән идарә итеп булмый башласа, андый ихтималлык бар. Әмма моның өчен Президент карары кирәк. Минемчә, үз вакытында Ельцин, сәламәтлеге какшаганга, шундый карарга килде. Әмма, Аллага шөкер, Президент Медведев исән-сау. Бүгенге вәзгыятьтә андый зарурлык күренми. Әгәр кризис көчәйсә, белеп булмый анысы. Әмма Мәскәүдә генә митинг ташкыны шулкадәр зур. Әнә Петербургта халык митинг­ларга әллә ни күп чыкмады. Башка шәһәрләрдә исә, нигездә, Мәскәүдәге митингларга иярү генә күзәтелә. Аларны халыкның гаять зур өлеше яклый дип әйтә алмыйм.

 

– Халыкта канәгатьсезлек зур бит. Социаль баскычлар юк.

 

– Теләсә кайсы җәмгыятьтә халыкта канәгатьсезлек күзә­телә. Бу – гадәти күренеш. Ул канәгатьсезлекнең баш күтәрү дәрәҗәсенә җиткәне юк бит. Ачыгучылар юк, булса да, аларның саны кимеп тора. Бөтен ил буенча товар әйләнеше артып бара. Аз милеклеләрнең, эшсезләрнең саны кими. Казан кайнамый, димәкчемен. Дөрес, халыкның бер өлешендә канәгатьсезлек бар. Моны беркем дә кире какмый. Әмма пыр туздырып бөтенесен тарату зарурлыгы да юк. Думага сайлауда закон бозылган икән, аны судта расларга кирәк. Җиренә җиткереп рәсмиләштерелгән бер генә гариза да юк бит. Татарстанда, гомумән, күзәтелми.

 

– Татарстанда бер закон бозу очрагы да булмадымыни?

 

– Судка бирсеннәр. Әгәр хокукый җәмгыятьтә яшәргә теләсәк, суд карарыннан риза булмасалар да, бу юлны үтәргә кирәк. Сайлау гадел булмады, дип митингта кычкыру ансат ул.

 

– Ялгышмасам, бездә дә берничә кеше судка мөрә­җәгать итте.

 

– Бәлкем, кайбер очраклар булгандыр. Әмма әле бу гына Дәүләт Думасын таратуга нигез була алмый. Әнә Чуров та, аерым закон бозу очраклары булды, ди. Әмма бозусыз бер сайлауның да булганы, закон бозуларның гаять киң таралып, сайлау нәтиҗәләрен юкка чыгарырлык дәрәҗәгә җиткәне юк. Кайбер бозулар һәрвакыт очрый. Гомумән, чип-чиста сайлау беркайчан да булмыйдыр.

 

– Әле бит илдә вице-президент вазыйфасы булдырырга, Медведевны вице-президент итәргә җыеналар, дигән сүз чыкты.

 

– Конституциябездә вице-президент вазыйфасы каралмаган. Бу постны булдыру өчен Конституцияне алыштырырга туры киләчәк. Аны алыштыру – шактый катлаулы эш. Үзгәреш кертү дә ансат түгел. Мондый процесс кимендә бер елга сузыла. Без хәзер 1993 елның 12 декабрендә кабул ителгән Төп Закон нигезендә яшибез. Ул вакытта Руцкойны куып чыгарганнар, вице-президент вазыйфасын бетергәннәр иде инде. Шуның өчен дә әлеге тәкъдим Конституциягә каршы килә. Бу – әлегә аерым кешеләрнең фикере генә. Икенчедән, Путин сайланып берни дә үзгәрмәсә, канәгатьсезлек артачак, кризис тирәнәячәк. Әмма дөнья күргән мәкаләләрендә үзгәрешләрнең котылгысыз икәнлеген аңлавы күренә. Әлбәттә, үзгәрешләр зарур. Артык зур үзәкләштерүдән котылырга, демократияләштерергә, федерализмны ныгытырга кирәк. Татарстан һәрвакыт шушы позициядә торды. Бу безгә файдалы. "Татарстан – Яңа гасыр" хәрәкәте заманында парламентта субъект җитәкчеләрен сайлауны бетерүгә каршы чыкты. Аллага шөкер, бу норма кире кайтачак. Бездә бу нәрсә кире кагылмады да, туктатылып кына торган иде. Димәк, сайлап кую мөмкинлегеннән ваз кичмичә, дөрес эшләгәнбез.

 

– Бәлкем республикабызга Президентның икенче турда сайлануы отышлырактыр?

 

– Юк, сайлауны беренче турда уздырып, җиң сызганып эшли башларга кирәк. Әле яңа хөкүмәт формалаштырасы бар, ул ярты елны ала. Вакытны югалтмаска иде.

 

– Шартнамә эшләми бит. "Бердәм Россия" партиясе тырышлыгы белән 309 нчы законны кабул итеп, татар теле укытуны мәктәпләрдән куып чыгардылар.

 

– Алай ук әйтеп булмый инде. Әнә Зюганов, Жириновский бу җәһәттә ни уйлый? Алар, Конституцияне үзгәртеп, бер генә халыкны әйдәп баручы дип язып куярга, кабат халыкларны төрле сортларга аерырга чакыра. Путин исә, бөтен халыклар да бертигез хокуклы, дип әйтеп тора.

 

– Кандидатлыкка уза алмаган Явлинский да милләтләргә тигез каравын даими әйтеп килде.

 

– Беренчедән, исемлектә ул юк. Икенчедән, Явлинский егерме ел элек төпле егет иде. Хәзер аңа 60 яшь. Алтмышка җиткәч, нәтиҗәләр ясарга кирәк инде. Нәрсә кырды соң ул? Дөресен генә әйткәндә, бер нәрсәгә дә ирешә алмады. Әгәр бер-бер хәл килеп чыгып, вәзгыять кискенәя икән, монда тыгылмыйм, мине катнаштырмагыз, дип белдерә, чиста каласы килә. Тормыш андый түгел бит, ак бияләй киеп тирес түгеп булмый. Ә ул һаман егет булып йөри, нәрсәдер вәгъдә итә.

 

– Ә менә Рогозин, Навальный, Рыжков кебек сәясәтчеләрнең киләчәге бармы?

 

– Беренчедән, алар кандидат түгел. Әйтик, Навальный артында кем торганлыгы караңгы. Андый эшчәнлек алып бару өчен күп акча таләп ителә. Минемчә, ул мөстәкыйль фигура түгел, аның артында кемдер тора. Икенчедән, Интернеттагы фаш итүче язмалары яхшы, билгеле. Әмма ачык программасы юк. Милләтче белдерүләре мәгълүм. Фаш итә торган мә­каләләр бастырудан тыш, әле тагын ниләрдер эшләргә кирәк. Рыжковны тыңлау рәхәт. Бик демократ сәясәтче. Әмма аның да кылган гамәлләре юк.

 

– Кешене хакимияткә куеп карамыйча, нәрсәгә сәләтле икәнлеген кайдан беләсең?

 

– Рыжков Дәүләт Думасында ике срок депутат булып торды. Шунда нәтиҗәсе юк икәнлеген күрдек. Ә инде Рогозинга килгәндә, ул беркайчан да карашларын яшерми. Урыс милләтчесе. Көч куллану ысулларына өстенлек бирә. Аның карашларын оборона комплексында эшләүчеләрнең күпчелеге яклый. Әгәр ул зур сәясәттә эш йөртсә, дөньяның башка илләре белән гел каршылыкка кереп торачак. Минемчә, хәзер Россия дөньяның бер өлеше икәнлеген яхшы аңларга тиеш. ХХ гасырда барча дөньяга каршы торып яшәвебез дә җиткән инде. Бу хәл халыкның фәкыйрьлеккә төшүе белән тәмамланды. Янә шул эзгә кайтып төшсә, Россиянең сакланып калуы икеле.

 

– Россия белән Кытай, башка илләрдән аермалы буларак, Сүриядә Бәшәр Әсәдне яклап чыкты. Без дөрес эшләдекме?

 

– Бу сорауга мин үзем дә төгәл генә җавап бирә алмыйм. Чыннан да, дөньяның күп илләре Россия ягында түгел. Бу – беренчедән. Икенчедән, без һәрвакыт Гарәп илләре лигасы белән аңлашып яши идек. Хәзер бу мәсьәләдә аңлашу таба алмыйбыз. Өченчедән, БМОның Иминлек советы, гади кешеләрне тупка тотуны туктатырга кирәк, дип чыкты. Россия бу фикерне хупламый. Икенче яктан, янәшә генә диярлек Иран бар. Анда сугыш чыгу куркынычы зур. Шуңа күрә Россиянең бу җәһәттә позициясе аңлашыла да кебек. Әмма безне яклаучылар бик аз. Моны күрми мөмкин түгел. Шуңа күрә тәгаен бер фикергә килеп бетмәдем әле.

 

– Язын булмаса, җәен Иранга каршы сугыш башланырга мөмкинме?

 

– Моны фаразлау кыен. Сугыш уты кабынмасын өчен, зур тырышлык куярга кирәк. Теләсә нинди сугышны башлау ансат булса да, туктату бик читен. Вәзгыятьне сугышка җиткермәскә иде.

Рәшит МИНҺАҖ
Ватаным Татарстан
№ 24-25 | 10.02.2012
Ватаным Татарстан печать

comments powered by HyperComments

Фикерләр

№84 (796072) / 18.02.2012 18:54:36

Юк-юк Иркә,кызыкма әле шул урысия кызларына!Алардарух көчлелеге түгел ул,ә вульгарность.Нинди генщ булсагыз да ъзебезнеж татар кызлары,ягъни сез - иң әйбәтләре.Ышаныгыз миңа,читтә йөргәндә бу бигрәк тә көчле сизелә.Сезнең горурланырлыгыгыз бар,татар кызлары!

№83 (796068) / 18.02.2012 18:46:13

""Мондый басым астында яшәгәннәр табигый иреккә омтылалар, аларны берни дә туктатып кала алмый""

Бу урыны белән килешмәскә рөхсәт итегез Сократ сеңлесе....


Басым кайсыдыр бер чиктән узгач, характер сына. Тыңлаучан гади бер чүпрәккә әйләнә. Әйтергә кирәк Россия ирләренең күпчелеген тәшкил итә шундыйлар. Моның дәлиле - сау-сәламәт кешеләр иле белән без ни эшли алаюыз дип ыңгыраша.

Кызларга андый басым булмаганга, Россиядә рух ягыннан хатын-кызлар көчлерәк тә.

№82 (796063) / 18.02.2012 18:33:03

Энҗебикә,син Сократның сеңлесе мәлллә?Югары бәягә лаек!))) 

№81 (796057) / 18.02.2012 17:54:04

Энҗебикә
Менә бу постың белән килешмичә мөмкин түгел.

№80 (796053) / 18.02.2012 17:00:57

\"...физик һәм рухи яктан да... уртак...\"
Кадерлеләрем, сез бик яхшы беләсез:хатын-кыз физик яктан да, рухи яктан да беркемгә дә бәйле булмаган азат тормыш алып барырга сәләтле булып туа. Шуңа күрә аны кем беләндер бүлешергә һич тә кирәк түгел. Шул исәптән сездән туган балалар да сезнеке генә була алмый, чөнки һәркемнең дә аерым шәхес булуын никтер таныйбыз, ә барыбер аларны үзебезгә бәйләп куярга тырышабыз. Янәсе, минеке булдымы, ул минем кушуым буенча гына яшәргә тиеш, мин кушмасам, шаг та атларга тиеш түгел. Кайберәүләрнең, Кешене әйбер дәрәҗәсенә куеп, алар өстеннән әмер илә идарә итәргә омтылу теләге әнә шундый.
Мондый басым астында яшәгәннәр табигый иреккә омтылалар, аларны берни дә туктатып кала алмый. Алар теләсә нинди юләрлекләр эшләргә әзер, бернинди кыйнаулар да, мораль, үгет-нәсихәт укулар да, бигрәк тә акырулар-бакырулар ярдәм итми.
Берни дә яшереп булмый, дигәндә, мин, гомумән, кылган эш-гамәлләрне күздә тоткан идем. Өй эчендә нидер эшләгән, укыган, ни белән шөгыльләнгәнне, әлбәттә инде, яшереп булмый, әмма читтә кылган гамәлләр кайчан да булса барыбер ачылмый калмыйлар. Кайбер күңел, йөрәк серләре һәркемнең ерак яшеренгән була. Аларны үлгәнче үзең генә беләсең.
Бер-береңә ышаныч белдереп, һәр шәхесне \"бәйдән\" азат итеп яшәгәндә юк-барга бәйләнү, тавыш чыгарып нервы таушалдырудан котыласың, мин-минлек чире артка чигенә, сәламәт яшәү рәвеше алып баруга юл ачыла.
Ни генә өйрәтмә, Кешене барыбер дөньяга булган карашларыннан(ул карашлар уңай яки тискәре булса да) ваз кичтереп булмаячак. Һәркем тормышта абына-сөртенә билгеле бер тәҗрибә тупларга өйрәнә, абсолют хакыйкатькә дә үз ялгышлары аша килә.


 

№79 (796035) / 18.02.2012 14:48:53

Соры кортка.,№77 
" Мин хатынымның физик һәм рухи яктанда кемнәрдер белән уртак булуын теләмим"
Кем әйтте аны,хатын уртак булырга тиеш,дип.Әммма телисеңме-теләмисеңме,без җәмгыяттә яшибез,шулай булгач хатының да ирләр бн аралаша,үзең дә хатын-кызлар бн авыз ерып сөйләшкән чаклар була.Әйе,бар андыйлар да,һәм хәтта күп дип тә әйтер идем,мондый (ир - хатын) диалогларын "күтәрә"алмый.Һәм син дә шундыйлар рәтендә ахрысы.Андыйларга бер генә киңәш биреп була :Лесничий профессиясе алып урманга күчеп китәргә,гомер итәргә.Синең сүзләргә карасаң,син - чын Таңбатыр инде менә.Якыннанрак күрәсе иде синең тормышны.Нормалный ирнди генә очракта да үз-үзен кулда тота белергә тиеш.Синең кебек уйлаучылар минем танышлар арасында да бар,хатыны еллар буе кешеләр бн чын мәгънәсендә аралаша алмый.Сәбәп - ир тиран!.Ну и конечно ,мөгез өстерәп тә йөрергә кирәкми,барысы да уртача гына булырга тиеш.

№78 (796031) / 18.02.2012 14:18:43

Соры кортка. №77

Соң, сау-сәләмәт ир-ат хатыны алдында гел дә гаепсез була алмый торгандыр инде. Сөйкемле хатын-кыз күргәндә, нинди ир-ат тыныч кала алсын инде, хәттә, үз хатыны фәрештә белән бер булса да.)))

№77 (796029) / 18.02.2012 13:33:34

соры корт. Чын татар.
Берәүнең берәр кеше алдында гаебе булса, гаепле кешенең теге кешегә карата мөгамәләсе искиткеч яхшы була..Бу мин уйлап чыгарган нәрсә түгел.. Психология..Кызыксынсагыз укып карый аласыз..
Мин хатынымның физик һәм рухи яктанда кемнәрдер белән уртак булуын теләмим.Кайберәүләр кебек аерылышудан, алимент түләүдән дер калтырап куркып утыра торган кеше түгел..Һәм шулай ук хатын кызның эшләп алып кайткан акчасын көтеп утыра торган ир түгел.Мин барсында үзем эшләп табучы.

№76 (796027) / 18.02.2012 13:23:38

Соры корт, ну безнең тормозной колодкалар озакка чыдамый инде анысы - күп йөрибез бит, износ көчле)))

Яздым да уйлап куйдым, һәр кешегә үзенчә кирәктер инде ул. Миңа мәсәлән игътибар күрсәтеп тору кирәк, башка кешегә яныңда, һәм үзеңнеке икәнлеген белеп тору да җитә торгандыр.
(ирем табигате белән тыныч кеше, башын катырамдыр инде мин аның гел игътибарлылык таләп итеп))))

№75 (796025) / 18.02.2012 12:56:49

Mәрьям
))) Нәрсә, тормз калодкаларыгыз бик ышанычлы түгел, дип уйларгамы инде моны))) (Ачуланмагыз, шаярып кына.)

№74 (796023) / 18.02.2012 12:52:31

Ыһы, Соры корт, шулайдыр... Менә ирем минем шәхси тормышыма кысылмый башласын әле, мин шунда ук әллә нәрсәләр уйлап бетерәм. Кысылып торсын ул, аның өчен артык кызык булмаса да сораштыргалап, белешкәләп торган булсын. Миңа карата пофигистически карашны не потерплю, мәсәлән. Хатыныңның кемнәр белән аралашканын, ниләр уйлап йөргәнен дә белергә теләмәү пофигизм була бит инде аңа карата. Юююк...

№73 (796021) / 18.02.2012 12:43:56

соры кортка.. №69 (796014)
Шуннан ни? Тотты да, сөйләшүдән туктадымы? Сөйләшсен рәхәтләнеп, СМС язып кына түгел, телефоннан шалтыратып. Әллә үзең фәрештә кебекме? Менә монда, "чын татар" белән тулысынча килешәм, иң мөһиме: "миңа карата могамәләсе яхшы булгач шул җиткән".
Тагы сер итеп кенә, көнчелләр колагына шуны әйтәм, икенче яртыңның шәһси тормышына күпме азырак кысыласың, аның сиңа карата могамәләсе шул кадәр яхшырак була.

№72 (796018) / 18.02.2012 12:06:31

Энҗебикә, юк шул ,белеп бетереп булмый.Яшергән була кортка.)))
Бу дөньяда ниләр булмас дисең,Мине аның сикритләре бик кызыксындырмый инде,кызыксындыруын,миңа карата могамәләсе яхшы булгач шул җиткәндер инде дип уйлыйм.Без мескен ирләр шулайрак бит инде)))
Сорыга рәхмәт,за солидарность!!!)))

№71 (796017) / 18.02.2012 12:04:04

Мәрьям!

№70 (796016) / 18.02.2012 12:00:55

17, Путин әфәнденең бензин бәяләре югары булуына үз аңлатмасы бар. Имеш әгәр дә безнең илдә бензин бәяләре төшә икән, нефть компанияләренә аны безгә түгел, чит илгә сату отышлырак булачак. Һәм автамматически илдә ягулык дефициты барлыкка киләчәк икән. Менә бит эш нәрсәдә... Кем әйтә Путинны ил турында уйламый дип!

№69 (796014) / 18.02.2012 11:51:15

Соры корт, 
Безнең урыс туган, "доверяй, но проверяй", ди..Бөтенләй наивный булмагыз инде, тем более хәзергесе вакытта..Минем хатын туалетта утыра иде,кеше муҗигы белән СМСка язышып.. Чисто случайно тотым..Стирать итәргә оныткан..лоханулась.. Телефондан сөяркәм белән сөйләшәбез ди бер хатын кыз..Мин аңа хатын кыз исеме белән эндәшәм, кирәксәдә кирәкмәсәдә ди..

№68 (796011) / 18.02.2012 11:26:33

Энҗебикә №64 (795913) / 17.02.2012 / 01:26
Нишләп ир хатынының бар серне белергә тиеш??? Аллам сакласын. Үз сере ибулмаса, ул шәһес булудан туктый бит. Бичәм телефоннан сөйләшә башласа да, мин читкәрәк китү ягын карый, балаларга да, кеше сөйләшкәнне тыңлап тормаска кушам. Бер-береңә нидер белдерергә кирәк икән, үзең әйтәсең бит инде, әйтелми икән, чокчыну кирәкми, вакыты җиткәч белдерелер, белдерелми икән, димәк сиңа кирәк түгел...

№67 (796007) / 18.02.2012 10:59:30

Иркә.
Узган гасырның 90 елларында депутатлыка кандидатлар белән очырашулар була иде.Минем иң яраткан сорау аларга:"Зачем вам нуҗен депутатский мандат", иде..Күбесе шок халендә калалар иде.Алар гына түгел, очырашуга бушлай чәй - шикәр, конфет эләкмәс микән дип килгән әби - бабайлар да аптырап кала иде
Кызганыч, җавап бирәсе урынга , күбесе авыз эчендә ботка пешерүдән ары китәлми иде

№66 (796005) / 18.02.2012 10:27:26

"Ул платформасында күрсәткән киләчәктә эшлисе эшләрен ни өчен бүген яки кичә эшләмәгән? Аның ул турыдан туры эше бит, кем комачаулаган? Ни өчен аңа президент урыны кирәк булган?"


Путинга төп сорауларның берсе бу миннән дә? 12 ел буе утырдың бит инде.Елга булып аккан акечалар кай бирдә кибеп беттеләр???

МВД,ФСБ - ник исемен кирегә алыштырыр дәрәҗәгә җитте - гражданнар өчен куркыныч тудыра? Жандармерия дип алыштырсыннар инде болай булгач.Россия яшәү өчен куркыныч илгә әйләнде. Тагын 10 ел үзгәрешсез барса, кан коелачак.Һичшиксез. Әмма үзгәрешләр хәзерге система эчендә түгел, системадан читтәгеләргә дә үсеш мөмкинлекләре булырга тиеш.
Бер партиянең җимерелгәнен күрдек бит инде. Хәзерге партияләрне ЕРның декоратив канатлары дип кенә карарга кирәк.

№65 (796002) / 18.02.2012 09:59:58

Сайлау көне якынлашкан саен оешма-предприятиеләрдә ЕРлар белән предприятие башлыклары эшчеләренә бер кешене генә сайлатырга өндәп җыелышлар оештырып, ни өчен булачак президент В.Путин кирәклеген төшендерәләр. Янәсе, ул гына булдыра ала, ул белә,тәҗрибәсе бар, калганнары алда торган мәсьәләне белми. Алыр әллә ничә ел Думада утыралар, берни эшли алмыйлар... Булачак президент та әллә кайда утырмый, иң югарыда. Ә менә минем аңа сорау бирәсем килә,Ул платформасында күрсәткән киләчәктә эшлисе эшләрен ни өчен бүген яки кичә эшләмәгән? Аның ул турыдан туры эше бит, кем комачаулаган? Ни өчен аңа президент урыны кирәк булган? Факт та ул болай да бер команда да, президент белән янәшә, хәтта бер башка югары булып эшләде бит. Бүгене президент үзе һәр гамәлен аның белән киңәшәм дип кабатлап торды ....
ЕРларның нинди партия һәм алар ни өчен шулай кыланганнарын халык төшенми дип уйлыйлар ахыры. Калын букчалылар һәм аларның сәер юл белән җыеп калган байлыгына җил-яңгыр тимәсен, утырган акчалы урыннарында озак еллар урындыклары кыйшаймасын дип курыкканнан эшлиләр аны, минемчә. Безнең ДСында, аннан килеп Мәскәүдә ДДсында ничә эшче яки гади кеше бар икән дә, чыгарылган кануннар кем хокукын күбрәк яклый икән? Халыкны сарыкка санарга кирәкмидер. Президент тәхеттә утырып бөтен эшне бер үзе хәл итә торган булса, ул монархия була. Кем килсә дә,аны андагы команда эшли. Яңа кеше килеп кенә, 100% команда алышынмый. Барыбер, кемнәрдер кала, ни дә булса яхшы якка үзгәртергә тырышачаклар. Шунсыз алга китеш юк. Совет чоры, коммунистларның килүе белән дә куркытырга кирәкмидер. Халык үз хокумәтен хөрмәт итсен дисәк, хокумәтнең халыкка йөз белән борылуы гына кирәк. Ул ЖКХ мәсьәләсе, турыдан туры хокумәт эше. Президент булу бөтенләй кирәк түгел. Сәнәгать һәм экономика мәсьәләсе дә хокумәтнеке. Саный китсәң, бүгенге хокумәт башлыгы бүген хокумәттә эшлисе эшләрен, президент булгач, эшләргә ниятли. Дөрес, көчле дәүләт, көчле экономика, үз завод - фабрикаларыбыздан чыккан машина- тракторларның чит илләрнекеннән яхшырак булын бар кеше дә тели, чит илләрдән башкалар. Ни өчен соң бүгенге көнгә кадәр бер коррупцияне дә богаулый алмады бүгенге хокумәт? Бөтен ил хәрбиләргә әйләнеп бетте, ә коррупция үсә генә. Ни өчен караклар, тагын да күбрәк урласыннар дип, штрафлар белән генә котыла? Ни өчен һаман ил байлыгы - урман таланганнан таланып, киселеп, чит илгә агуын туктатмый? Моны бит хокумәт контрольдә тотарга тиеш. Ни өчен бүген барлык югарыда утырган кешеләр балаларын чит илгә укытырга, аннан яшәргә җибәрә? Путинның үзенеке дә шунда. Ни өчен үзебезнең яхшы уку системасы җимерелеп, чит илләр системасына күчелде һәм шуның яхшылыгын исбатлау өчен югары уку системасы, фән тиешнчә финансланмый? Нәтиҗәдә, иң көчле фән белгечләре чит илләргә китеп бетте. Аларның күбесе монда кайтмый инде. Ни өчен бүген милли мәсьәлә коммунистлар чорындагы дан да начаррак хәлдә? Ни өчен милли мәктәпләр юкка чыга бара. Ни өчен милли республикалар юкка чыгу алдында тора? Бу геноцид дип әйтми чарам юк. Бүген хокумәт һәм президент өчен җан атып йөргән ЕРлар бүген бу эшләр тиз генә эшләнә торган эш түгел дип акланалар. Путин властька килгәнгә уналты ул үтте түгелме соң инде? Ә бу аз вакыт түгел. Совет чоры казанышларын тамырына кадәр җимереп, яңа система төзүчеләрнең элеке системадан кай ягы белән яхшы соң? Менә бүген шуларга үзләренә охшаган президент кирәк. Минем лично Путинга ачуым да, башка кара фикерем дә юк. Әмма, аның сөйләгәне эше гамәле белән еш кына туры килмәвен күреп, аңлый алмыйча йөрим. Мисал китер, диярсез. Узган ел, бензин күтәрелми диде, ике көннән бензинны күтәреп куйдылар. ЖКХга түләүләр сайлуга кадәр күтәрелми диде, мең тәңкәдән юары күтәреп куйдылар. Әле бу, безнең тормыштагы вак мәсьәләләр генә... Халыкта әйтем бар, җитәкче башта исем өчен җиң сызганып эшли, аннан соң исем аның өчен җиң сызгана.Шул турда уйларга кирәк. Бүген кем кем өчен эшли торгандыр.....

№64 (795913) / 17.02.2012 01:26:37

чын татар, ирем барысыннан да хәбәрдар (в курсе), аннан бернәрсәне дә яшереп булмый.)))) Ә син хатыныңның секретларын беләсеңме соң?)))

№63 (795909) / 16.02.2012 23:07:27

Энҗебикә,)))анысын иреңнән сора!))) 

№62 (795908) / 16.02.2012 23:05:57

Хе, кызык икән, мин үтә күренмәле Ягъни өрәк түгел икән.)))))

№61 (795907) / 16.02.2012 23:02:46

Энҗебикә,әлегә минем супер комп аермый сине. 

№60 (795906) / 16.02.2012 22:46:19

чын татар тиздән мине дә спам дия башлаячак. )))

№59 (795902) / 16.02.2012 22:28:41

Хөрмәтлеләрем!Астагы язманы робот яза,бу-спам!
Кемдер бу язмадан яңа нәрсә эзлэмэсен,юк ул анда.

№58 (795885) / 16.02.2012 20:50:32

Кем дип белер идең,сиңа киңәш бирүче шул мин-"сүпер" инде.

№57 (795883) / 16.02.2012 20:44:16

син кем ?

№56 (795877) / 16.02.2012 20:10:56

Соң булсада шуны аңладың,ә синңа бөтенләй ышаныч юк тегендә-монда сикерәсең,сайт ачырга акчаңда тети-мити генәдер эле.

№55 (795868) / 16.02.2012 18:06:46

"Тик аның бернинди дә сәяси тәҗрибәсе юк. Әлегә сәясәт сәхнәсендә үзен бер тамчы да күрсәтмәде." Әйтерсең сәясәткә аспирантура бетереп, фәнни эш язып керәләр. 17 елдагы түнтәрешне дә 24-25 яшьлек егетләр ясаган. Аларның да бернинди тәҗрибәсе булмаган... Ышандырмый...

№54 (795867) / 16.02.2012 17:53:18

Шуңа сайтны сом. да ачарга уйлап торам. ру. га ышаныч юк.

№53 (795831) / 16.02.2012 11:18:43

Бүген "ЭМ" ру. домены Прохоровныкы булуын, һәм кирәк санаса, сайтларны үз теләге белән теләсә кайчан ябу мөмкинлеген әйтте.


Ну ничек, кыекмы? Иэ мөһиме хәбәр!

Прохоров теләмәсә, утырып булмас монда. Шул!

Һәм шул кеше президентлыкка кандидат! имеш яңача тормыш оештырмакчы! Ябып куюны, тыюны ул уйлап тапкан диярсең...


50гә җиткән, бер бала тәрбияли алмаган, бер гаилә өчен җавап бирә алмаган кеше президент имеш.

Нормаль ирнең оныклары була ул яшьтә.Аларның үзләрендә үрчү инстикты юкка чыккан.Типтерү инстинкты гына калган.Алар хисабынча, Россия мигрант хисабына яши ала, шунлыктан елга 300000 мигрант белән тутырмакчылар. Көннән -көн яшәргә куркыныч була бара.

№52 (795828) / 16.02.2012 10:22:39

Бөкрене кабер төзәтә диләр,ә кәкрене? Кыек турыга кире була аламы?

№51 (795822) / 16.02.2012 08:58:32

сайтларны ябу -төзәтү

№50 (795821) / 16.02.2012 08:57:39

Бүген ЭМ рудомены Прохоровныкы булуын, һәм кирәк санаса үз теләге белән теләсә кайчан ябу мөмкинлеген әйтте.

№49 (795819) / 16.02.2012 07:53:33

Әкият,син БОМЖ мени?Алайса компны каян чәлдердең? 

№48 (795818) / 16.02.2012 07:19:03

№43,-"...Чынлыкта исә бик зур сынаулар тора безнең ил алдында.Путинның..."
Менә, иле булганнарга ничек рәхәәт. Әкияәәәт.

№47 (795817) / 16.02.2012 06:49:28

Ә што,мин татарларга байлыкны аз бирдем штоли,RIM?
Рәхәтләнеп калдыгыз! Шәйми бик хитри булып чыкты. Россия пенсионерлары ачка интеккәндә,продукт талоннары бирде. Үз песионерларына түлисе акчаны мәскәүгә җибәрмәде,турыдан туры түләде.
Рәсәй производствосы үлгәндә,Татарстанныкы эшли бирде. Колхозлар яшәде. Ипи сөт-үзенекен ашады.
Аякка бастыгыз,йота алганча бәйсезлек алдыгыз. Шаукымы бүгенгә кадәр бара. Артык кыланмагыз, алтын балык әкиятен исегездән чыгармагыз...
Сез дә мине хурласагыз татарлар.... ,оятыгыз юк икән.

№46 (795807) / 15.02.2012 22:57:06

Сүз кемнең президент булуында түгел. Сүз гадел сайлаулар турында бара.http://www.azatliq.org/content/article/24480142.html Татарга Рәсәй патшасы булып кем сайланса да яхшылык булмаган һәм булмаячак. Татарга түгел урыска да яхшы патша булмаган. Ельцин вакытында да кем бар инде башка сайлап куярлык дигәннәр иде.

№45 (795806) / 15.02.2012 22:54:43

Теләсәгез кемне сайлагыз мин Прухырны сайлыйм.Байлыгыда кирәк түгел, үзенә булсын.Путин кайчаннан бирле алдалап утырды.Ике срок патша булгач,аю килер, миндә бар әле дип.Думаның карт мәчеләрен тагын сайлап булмый-тычкан тотмыйлар.Инде без утырып карадык яшьләрдә утырып карасыннар димиләр hаман борын тыгалар.Без булдырабыз дип.

№44 (795803) / 15.02.2012 22:24:50

Путин егет! Үләргә сузылып яткан илне аякка бастырды..Ил башы итеп Путинны күрәсе килә.
Быел суган бәяләре ничегерәк. Орлык суганы, чернушка кайда ничек..Бәяләр ничек???

№43 (795800) / 15.02.2012 22:02:38

Бер әйткән идем инде,монда эш Путинның ил хуҗасы булуы бн генә бетми,Аның президент булып сайлануыннан бөтен җир шарындагы политиканың язмышы хәл ителәчәк.Ул президент булса ,күп кенә сугышлар булмыйча калачак.Иң беренче куркыныч сугыш Иран бн НАТО арасында күренеп тора.Ә бу сезгә Ирак та,ливия сугышы да түгел,ә бик киң масштаблы- бөтен планетаны үзенә тартып кертә тоган сугыш булачак.Әгәр дә Путиннан башкасы килсә,Россия көнбатыш өчен элеккечә юнь нефть,газ чыганагы булып кына калмыйча,эле аларның бәдрәфләрен чистартып торучы лакей да булачак.Монысы ике икең дүрт булган кебек үк хак.
Бүгенге көндә Путинга каршы агитация алып баручылар ,путинның рәсәйдәге \"булдыксызлыгын\" гына күрсәтеп,төп (глобаль) куркынычтан игътибарны Рәсәй эчендәге проблемаларга юнәлтмәкче булалар.Чынлыкта исә бик зур сынаулар тора безнең ил алдында.Путинның сайлану-сайланмавыннан Россиянең башка илләр арасындагы урыны билгеләнәчәк.Шулай булгач азрак баш бн уйлап сайлагыз,корсак бн түгел.

№42 (795798) / 15.02.2012 21:45:06

ярар,
"Сайлыйбыз инде.Выбра нет Жирик, Зюган,Мирон так себе.Прохор=? - не обкантан.",-дигәнсең.Син бит 1-2 нче канал күрсәткән өтек-төтек өзек буенча гына фикерлисең.TV аларны махсус шулай эт кояшы итеп күрсәтә.Ә үз дәдәләре- май кояшы!!

№41 (795797) / 15.02.2012 21:44:28

№27, мәйлең, тыңлый тор, киттем-киттем. Пака!

№40 (795796) / 15.02.2012 21:43:28


Мин дә куркып торам әле,хәерлегә булсын.

№39 (795795) / 15.02.2012 21:38:07

Авыл апаеның "философиясе" безгә батмас шул.
Син лаф орган идең бая:"Фәлсәфәгә кереп китсәм, әле мин сиңа әллә ниләр әйтеп атырга магу",-дип.
Әйдә,башлый тор..Төн безнеке.Кызык булса, тыңлармын да,бәлки..

№38 (795794) / 15.02.2012 21:37:40

"Әкияттә яшәүчеләргә" яки шул рәвешчә хисләнүчеләргә алтын балык Коръән белән кисәтә:

"38. Күктəрҙе, Ерҙе һəм икеһе араһындағыларҙы Беҙ (тик торғанда ғына, эс бошҡандан) күңел асыу өсөн генə яралтманыҡ." 44 нче сүрәдән.

Сайлаучыларга, сайлау, сайлану яратучыларга:


"70. Передают со слов Аиши, да будет доволен ею Аллах, что (в своё время) курайшиты были озабочены делом одной женщины из рода бану махзум, которая совершила кражу и одни(стали) говорить: «Кто поговорит о ней с посланником Аллаха, да благословит его Аллах и да приветствует?», - а другие сказали: «Кто же осмелится (заговорить) с ним, кроме Усамы бин Зайда, любимца посланника Аллаха, да благословит его Аллах и да приветствует?!» И Усама обратился к нему (с ходатайством за неё, на что) посланник Аллаха да благословит его Аллах и да приветствует, сказал (ему): «Неужели ты ходатайствуешь об (отмене) одного из наказаний, установленных Аллахом Всевышним?!» А потом он встал, обратился (к людям) с проповедью, после чего сказал: «Поистине, живших до вас погубило то, что когда кражу среди них совершал знатный, они не трогали его, когда же совершал её слабый, они применяли к нему установленное наказание, и, клянусь Аллахом, (даже) если бы (что-нибудь) украла Фатима, дочь Мухаммада, то я непременно отрубил бы руку и ей!» (Аль-Бухари; Муслим)
В другой версии (этого хадиса, которую приводит только аль-Бухари, сообщается, что Аиша, да будет доволен ею Аллах, сказала):
И тогда цвет лица (Пророка, да благословит его Аллах и да приветствует,) изменился,4 и он воскликнул: «Неужели ты ходатайствуешь об (отмене) одного из наказаний, установленных Аллахом?!», - Усама же сказал: «Попроси для меня прощения у Аллаха, о посланник Аллаха!»
(Один из передатчиков этого хадиса сказал): А потом по его велению этой женщине отрубили руку.
"Книга 18. Книга О Запретных Делах" Бухари.

№37 (795792) / 15.02.2012 21:26:11

ярар, мин дә чую, тучны нидер булачак, түлке тегеләрен сайласак та без ул куркынычтан котыла алмаячакбыз, безгә бары сайлау гына бирелгән, сматря кемне түгел,нәрсә сайлыйсың бит. Әгәр комсызлыкны сайласаң, балыкчы әкиятен беләсең инде.
салам, килешәм, карагыз Пут(ь)ин исеме шуңа ишарә.
№27, алтын балык ул синең белән мин түгел, җаныем, ул ачуын миргә күрсәтеп тормас, ул бик зирәк аңлы балык,әгәр күрсәтсә, алтын балык булудан туктар иде, сразы кәрәкәгә әйләнер иде. Философияне укы инде берәз, җаным.
әкиятче малае,"  син сайлыйсы адәмгә" безнең кебек тәрбиясезләр өстеннән патша булу хокукы бирелгән, ул аңа лаек, димәк. Әгәр синең дә бай буласың килсә, лаеклы гамәл кыл.

№36 (795787) / 15.02.2012 20:40:57

Авыл апае,кемне гаеплисең:
*сезгә һаман нидер җитми. Пушкин әкиятендәге явыз балыкчы хатыны кебек һаман саен акыра-акыра сарайлар, дөнья-диңгезнең үзен даулыйсыз*,дип.Безгә җитә,ә менә син сайлыйсы адәмгә...ай-хай?!
Яңа тагарак сорады - алды,яңа ызба сорады-мә!, бичә буласы килде - булды!Тагын ни кирәк? Пушкинның әкияте бетте.

№35 (795785) / 15.02.2012 20:28:38

авыл апае,
синең ачу килгән әле монда, алтын балыкныкы түгел.Иренмәдем,ачып укыдым бит әкиятне:
"..Ничего не сказала рыбка,
Лишь хвостом по воде плеснула
И ушла в глубокое море."
Кая монда бая син әйткән "балыкның ачуы килә башлый"дигән сүз? Нишләп алтын куллы балык комсыз патшабикәгә нервысын бетереп торсын, начхал ул аңарга.Беткән ди комсыз-явыз патшалар,киләләр дә китәләр алар...

№34 (795784) / 15.02.2012 20:26:05

Путинга карагыз,күз тимәсен,яшь булмаса да карт та түгел, ямьсез дә түгел.Яхшы билге аның өчен.
Аның эчке дөньясы безнең өчен караңгы булса да,тырыша бит инде ул үзенчә.
Мин кечкенә кеше,тузан бертеге. Шундый зур илгә хуҗа, күптән
сайланган... Кешеләр тарафыннан түгел. Тормыш -уен,мәңгелек дөнья дөрес яшәргә өнди.

№33 (795782) / 15.02.2012 19:52:08

авыл катыны,сайладык та ди,җерәктә ниндидер курку бар бит. Күңел тыныч түгел. Задницей чую, что то не так.
Ой-ёой-ёой димәсәк ярый да бит.....Сайлыйбыз инде... Выбра нет.
Жирик,Зюган,Мирон так себе...
Прохор=? - не обкантан.

№32 (795778) / 15.02.2012 19:28:25

№27, шунысын да әйтим әле. Алтын балык "на побегушках" күп йөрде инде ул затсыз хатын сүзен үтәп. Апаем, алтын балыкның нәфесе котырган хатынга ачуы килә башлый, чөнки аңгыра хатын балыкның бөтен биләмәсенә баш булырга кели. Безнең белән дә шулай булырга мөмкин. Алтын блыкның ачуын китермик.

№31 (795776) / 15.02.2012 19:15:45

Мин куйдырмадым, безнең андый эшләргә аерым кеше бар, ул җөри. Скаҗу полоҗа руку, мин кул гына куйдым и фчу. Кул куйдыручы да тегендә теләсә нишләгез, эшем җук диде.

№30 (795773) / 15.02.2012 19:00:41

авыл катыны,син үзең ничә кешегә кул куйдырдың,Путинны сайлагыз дип? Скаҗи полоҗа руку.

Мине кигәвен инандырды Путинны сайларга. Тәк и быть, сайлыйм Путинны.
Күпме сайлаулар булды,мин сайлаганнар бер вакытта да уза алмыйлар иде. Бу юлы ни булыр?!

№29 (795772) / 15.02.2012 18:58:55

аңгыра-явыз-комсыз патшабикә шул ук балыкчы хатыны бит инде ул, апаем, әлләкем түгел. Фәлсәфәгә кереп китсәм, әле мин сиңа әллә ниләр әйтеп атырга магу. Синеңчә генә булып торып торсын.

№28 (795771) / 15.02.2012 18:53:12

Миңә нәмәгә нирәк ул партиә билиты, әнә минем укытучы дустымның бар ул ЕР ныкы, җүләр шуңа акча түләп җата. Күпме сүктем, һаман аңламый. Малайларын укытырга акча кирәк, үзе взнус түли. Каллигалары әллә кайчан чыгып беттеләр, моңа нигә кирәктер партиа. Ябышып яткан. Әгәр мин партиядә торган өчен ЕР үзе ай саен 500 түләп барса, язылыр идем.(((())))

№27 (795768) / 15.02.2012 18:32:46

авыл апае,
Пушкин әкиятен укымаган син, мультигын гына күргән.
Кулыннан эш килә торган алтын балыкның аңгыра-явыз-комсыз патшабикәгә "на побегушках" буласы килми - менә мораль!
Ә син- ярык тагарак, имеш

№26 (795767) / 15.02.2012 18:25:35

авыл апае,
синең партиә билетыңның нумиры 1 нчедер, име?
Алай түгел икән, бу чыгышыңнан соң әйт нәчәнникләреңә, бирсеннәр !
заслужила, епт

№25 (795766) / 15.02.2012 17:39:44

Аптырарсың да шул, җаныем, Путинны сайламыйбыз диләр. Җөгәнеф -ата камунист,СККПСС нәрсә бирде сезгә? Аңа эрвәлүтсе кирәк. Миңа ул кирәк түгел, мина ТЫНЫЧЛЫК кирәк. Җирәневскийнең, апаем, кем икәнен үзең дә беләсең. Төкрекләрен чәчә-чәчә трибунадан акырганын күргән саен, җөрәгем жу итеп китә. Менә шул ике үткән заман кешесе, сайлауда кайсы күбрәк тавыш җыеп җиңеп чыкса да,партияләрен бергә берләштереп, эрвәлүтсе ясарга җыеналар ди, ягъни халыкның канын коерга. Кирәкми, җиңми гнә торсыннар лутчы. Алар берләшүнең беренче көнендә үк канга батышырга мөмкиннәр.
Прохасы - яңа уйлап табылган дары, аның эшчәнлеге нинди нәтиҗәләргә китергәнен без туҗы белә алмыйбыз. Байлыгын лутчы сайлауларга кадәр үк халыкка тигез итеп бүлеп бирсен дә, бөтенләй тынычланып калсын, болай да кайчан эләктерерләр дип,энә өстенә басып җөридер.
Путин калдымы? Ә без хәзер начар яшибезме? Ни ашыйм да ни эчим, ни салыйм да ни киим. Кайсы чорда яшәде халык болай? Кайсы чорлара ачка интегеп берсен-берсе ашый башлады?. Кайсы чорларда без мамык тукымадан чүпрәк-чапракка, гади юыну әйберләренә(сабын, шампунь, кер парашугы, сөлге һ.б.)интегеп яшәдек? Кайсы чорларда безгә балалар үстергәндә бала юындыра торган тазик-ваннаны талонга бирәләр иде? Рәхмәт яусын балачак дустыма, классташыма шул ванна белән үтүкне үз талонына алып биргән өчен. Маегызга чыдашалмыйсыз, булганына шөкер итә белмисез, сезгә һаман нидер җитми. Пушкин әкиятендәге явыз балыкчы хатыны кебек һаман саен акыра-акыра сарайлар, дөнья-диңгезнең үзен даулыйсыз. Ярык тагарак алдында утырган чагыгызга әйләнеп кайтасыгыз киләдер. Белегез: беркем дә үз биеклегеннән югары сикерә алмый. Моны әллә кайчан аңларга вакыт иде.

№24 (795762) / 15.02.2012 16:47:53

Э син,авыл апае кемне сайларга икэн,дип аптыраган иден.Менэ бит,юкка аптыраган булып чыктын...

№23 (795759) / 15.02.2012 16:31:55

Ә безгә бүген Путинны сайлыйбыз, дип кул куйдырдылар. Әгәр иртәгә бүтән фәрмән килсә, аңа да куячакбыз. Менә вәт.

№22 (795747) / 15.02.2012 11:57:56
№21 (795607) / 14.02.2012 08:28:40

Алай булгач,миндә сорыйм.
Ни өчен,даҗе сәбәпсез, татар татарный күрә алмый,бер-берсен яратмый,бер-беренә каршы? №20?

№20 (795597) / 13.02.2012 23:25:45


Ни өчен Европа илләре Россиягә каршы һәм яратмыйлар?

№19 (795586) / 13.02.2012 21:21:08

уйлап йөри торгач,мин Путинны сайларга булдым әле.
пущәй правит.

Җирик,Зюган,Мирон болар ил башы түгелләр,рәвешләре юк. чөнки халыкны алдыйлар,халык канын коеуга этәрәчәкләр. кирәкме бу безгә - һич юк!
что Прохоров,что Сабчак - аерма юк! Сабчакны без белә идек (хатыны,кызы).

пусть Путин!

№18 (795576) / 13.02.2012 20:19:49

Рәшит МИНҺАҖ, син мэкалэнне язгач редакциягэ жибэргэнче тагы бер кат игтибар белэн укып чык. Башта язгансын:"ТР Дәүләт Советының икътисад, инвестицияләр һәм эшмәкәрлек комитеты рәисе Марат Галиев җәмәгатьчелегебезгә һәр мәсьәләгә УЗ КАРАШЫ булган шәхес буларак мәгълүм." Бу жомлэ нэрсэ анлата: "– Бу сорауга мин үзем дә төгәл генә җавап бирә алмыйм.... Шуңа күрә тәгаен бер фикергә килеп бетмәдем әле."
Марат Галиев, тэгаен бер фикергэ килу очен властнен нэрсэ эйткэнен котэме? Остэгелэрнен нэрсэ эйтуен коткэн кешенен УЗ КАРАШЫ була мени?

№17 (795573) / 13.02.2012 19:53:12

Республика һәм өлкәләрдәге путин - медведев куйган хакимиятләр төрле юллар белән агитацияләп, сезне менә кем астында яшәтәсе килә, фотосурәтләрдән игътибар белән карагыз, күзәтегез, укыгыз, фикерләгез, таратыгыз:

http://ivan-rode.livejournal.com/

№16 (795568) / 13.02.2012 19:40:27

буш сүз..
1996 ел, Борис Ельцин икенче срокка сайланган чорны искә төшерә. Күпләп, бигрәктә Татарстанда( без бит хәрвакыт алда, артырып үтибез), әгәр Ельцин узмаса, шгәр болай булса, әгәр тегеләй булса илдә ул була, ил белән бу була дип фаразлаганнар иде.. Көлке..

№14 (795422) / 11.02.2012 21:22:08

Хәбибә, 2 срок президент булды.

№13 (795416) / 11.02.2012 17:01:58

Кышкы вакытны кире кайтару, исерек кышкы каникулларны кыскартып май бәйрәмнәрен озайту - шулмы инде булачак президент эшләргә тиешле эшләр? аны зур итеп сөйләп утырган булалар бит әле! абсурд.

Бу адәм бер срок президент, бер срок премьер булып утырды - ил криминалга әйләнде. и шушы оятсыз бәндә тагы патша булмакчы.

сайларга бер юньле кандидат булмау - Россиянең диагнозы инде.

бу криминал кешенең артын ялаган бабайлар кем була инде?

№12 (795404) / 11.02.2012 09:21:28

"Әмма аның да кылган гамәлләре юк."


Путин хакимияткә килгәндә нинди гамәл кылган иде!!!!Шәйимев кем иде??? Минем өчен ул ясап калдырган буаларда кеше батып үлә иде.Мннеханов Шәймиевта премьер иде. Әле дә Шәймиев президент булып кала бирә.

Көнбатышта әлегә күп юл үтәләр сәясәттә.Ә менә Америкада Обаманы кем белә иде?


Сәясәткә бер кайчан хакимияттә булмаган, то бишь коммунист бклмаган кешеләр кирәк.Менә шул вактытта гына озын озак юл үтеп килә башлаячаклар.Бу очракта Обама мисалы икенче мәгънәгә ия. Америкада доллар кризисын тоткарлау алымы иде.Бөек казаныш- Америкада кара президент.

№11 (795403) / 11.02.2012 09:15:07

Ой, кичә Россия каналында Жванецкий булды. Тагын да яхшырак яза башлаганмы шунда!!!!

"Менә Познер миннән хакимият нәрсә ул дип сораган иде, югалып калдым, әйтә алмаган идем. Хәзер әйтим әле,!-ди.


"Хакимият ул - безнең акчага бездән сакланучы" диде.Татарчасы бигүк төгәл чыкмады әле. "Кому положено охрана за наши деньги охранять от нас же."

Менә моны аңласа бу хаклыкны

№10 (795394) / 10.02.2012 23:22:34

"Урысны тырмаштырсаң, татар килеп чыгар" дигән урыс хәрбие Суворов Суварданмы икән, тик хәзер безгә әйтәсе калды: " Татарны арурак тырмасаң, нәкъ урыс." Бу безнең тешсез - авызсызлыктан түгел, умырткасызлыктан бугай. Шулай да, номенклатур сәясәтчеләргә "ияреп", әйтик Рәсәй файдасына фикер йөртеп:

"...Тик аның бернинди дә сәяси тәҗрибәсе юк. Әлегә сәясәт сәхнәсендә үзен бер тамчы да күрсәтмәде. Мондый хәл сайлаучыда ышаныч тудыра алмый, билгеле..."

Бу әфәнде хакимият хезмәтчесе буларак, казанлылар белән чагыштырганда күпкә баерак, рәхәтрәк, җайлырак яшәүче мәскәүлеләр арасындагы аерманы сизми дә күрми дә. Мәскәүлеләр әле дөньякүләм башланган системлы кризисны чамаламый. Аларның бары тик ялган эчендәге ялганга чыдыйлары бетте. Ягъни квадратлы ялганга. Сәясәтчеләрнең, гомумән ялганчы икәнлеген мәскәүлеләр дә белми - беренче дәрәҗәдәге ялган. Демократия турында хәзергә сөйләнмибез.

Менә мөселманнар игътибарына:
"5.Ни они, ни их отцы не обладают знанием об этом. Тяжки слова, выходящие из их ртов. Они говорят одну только ложь." "Пещера", перевод Кулиева.


"...– Россия белән Кытай, башка илләрдән аермалы буларак, Сүриядә Бәшәр Әсәдне яклап чыкты. Без дөрес эшләдекме?

– Бу сорауга мин үзем дә төгәл генә җавап бирә алмыйм. Чыннан да, дөньяның күп илләре Россия ягында түгел. Бу – беренчедән. Икенчедән, без һәрвакыт Гарәп илләре лигасы белән аңлашып яши идек. Хәзер бу мәсьәләдә аңлашу таба алмыйбыз. Өченчедән, БМОның Иминлек советы, гади кешеләрне тупка тотуны туктатырга кирәк, дип чыкты. Россия бу фикерне хупламый. Икенче яктан, янәшә генә диярлек Иран бар. Анда сугыш чыгу куркынычы зур. Шуңа күрә Россиянең бу җәһәттә позициясе аңлашыла да кебек. Әмма безне яклаучылар бик аз. Моны күрми мөмкин түгел. Шуңа күрә тәгаен бер фикергә килеп бетмәдем әле..."

Намазсыз вряд ли!!!
Чама белән 1987 нче еллар тирәсендә үк, коммунистларның Яковлевы кайбер мәнсезләр өчен "ЦК КПСС не претендует на истину в последней инстанции" дип язып чыккан иде. Ничек кенә әйләндерсәң дә, бу - атеистларның Аллаһ Тәгаләне таный башлаулары иде.

Тырышыгыз, тырыш! Алдаша- алдаша булса да, бәлки Рәсәегезне коткара да алырсыз!

Әмма Аллаһ Тәгалә Коръәндә кисәтеп:

"8.Мы не сотворили их (посланников) телами, которые не потребляют пищу, и они не были бессмертными.
9.Потом Мы выполнили данное им обещание, спасли их и тех, кого пожелали, и погубили преступающих границы дозволенного.
10.Мы уже ниспослали вам Писание, в котором содержится напоминание о вас. Неужели вы не разумеете?
11.Сколько Мы разрушили селений, которые были несправедливы, сотворив после них другие народы!
12.Когда они чувствовали Наше наказание, то бросались бежать от него.
13.Не убегайте и вернитесь туда, где вам было позволено вести роскошную жизнь, и в свои жилища, быть может, к вам будут обращаться с просьбами!
14.Они говорили: «О горе нам! Воистину, мы были несправедливы!»
15.Они продолжали так взывать, пока Мы не превратили их в затухшее жнивье.
16.Мы не создали небо, землю и все, что между ними, забавляясь.
17.Если бы Мы пожелали устроить Себе развлечение, то устроили бы его из того, что есть у Нас.
18.Однако Мы бросаем истину в ложь, и она разбивается и исчезает. Горе вам за то, что вы приписываете!" "Пәйгамбәрләр", Кулиев тәрҗемәсе.
Димәк, хакыйкать ачыла башласа, ялган чигенә.

№9 (795392) / 10.02.2012 23:11:36

Путин күрсәтер кутин!

№8 (795389) / 10.02.2012 23:02:21

Чын татар, теләсәң нәрсә әйт инде, Путинның "предвыборный кампания"сеннән косасылар килә башлады. Телевизорны кабызыр хәл юк - "Путин болай иткән, Путин тегеләй иткән..., Путин вдруг исенә төшеп ниндидер ишелеп беткән йортта яшүчеләрне йорт харәбәләре астында басылып калудан коткарган..."
Без Челябинск өлкәсендә хәзерге вакытта. Монда бөтенләй мәхшәр! Бер шәһәрдә Путин бөтен басымны "здоровый образ жизни"гә ясарга кушты дип бар хәлгә ниндидер областной спартакиадаларга әзерләнеп маташалар. Бер шәһәрдә бөтенләй бөтен булган тормышны туктатып сайлауларга әзерләнәләр: 4 мартка кадәр бернинди күңел ачу чаралары уздырылмый, (шул исәптән балалар өчен исәпләнгән чаралар да)урамнарда, биналар эчендә бернинди белдерү кагәзьләре (хәтта, "этем югалды, булышыгыз" ишеләренә кадәр (безнең ише концерт куям дип йөрүчеләргә бөтенләй өмет юк)) эләргә ярамый. Һәм тагын бик күп парадокслар... Телевидениесын ачып карасаң - Путин-реклама, реклама-Путин. Башка әйбер юк. Бер шәһәрдә бөтенләй шаккатарлык хәлләр кыланыла, әлегә аңлатып яза алмыйм, иртәгә Чиләбе өлкәсенең мәдәният министрлыгына шалтыратып белешергә исәп, бәлки ни дә булса ачыкланыр. Бер гардеробчы әби әйтмешли: "Путин - это уже отстой!"... Мин ул әби белән килешәм.

№7 (795387) / 10.02.2012 22:51:50

...
Надан илдә хокуклылар катыра халык башын,
Чүбек кебек чәйнәп һаман чергән бер балык башын.

“Без әйткәнне тыңласагыз,барсагыз безнең эздән,
Рәхәт тормыш башланачак ,күрерсез, сезнең тиздән!

Берсен-берсе алыштырып, алтын тау вәгъдә итә,
Әнә,кайсы тәре үбә,кайсысы сәҗдә китә...

Бик күпләрне ышандыра ,шул вәгъдә итүләре ,
Таккан мени колак саен сөйдергеч бөтиләре.

Тыңлап торсаң,әйткәннәре чыннан да дөрес кебек,
Шартлыйлар да юк булалар ,шартлаган кебек күбек.

Заман шундый,түзү кирәк ! Барысы рәткә керер!”
Тик боларның бармаклары үз ягына кәп-кәкре!

Килгән берсе китеп бара үз капчыгын тутырып,
Халык кына һаман кала төп башына утырып.

№6 (795386) / 10.02.2012 22:37:40

Сарык та исян, бюре дя тук булсын - шундый караш торганы анлашылды.

№5 (795385) / 10.02.2012 22:37:21

"Тау белән тау очрашкан дисәләр, - ышан, ә 40-ны узган кешенең холкы үзгәргән дип әйтсәләр, - бервакыт та ышанма".
Каф тау татарлары мәкале

№4 (795383) / 10.02.2012 22:29:41

Дааа,зур авыздан зур сүз чыккан монда:Путин үзгәрергә мәҗбүр була имеш.Это и козе понятно.Безне конкретика кызыксындыра шул ,например налоглар иң приоритет сорауларның берсе булып тора,ә шул налоглар турында,(имеется ввиду,дифференцированный налоглар)толком бернинди дә төпле закон кабул итеп,аны үтәү турында ләм-мим.Һаман халыкны ничек тә булса тиресен каезлау тирәсендә сүз куерталар.Алай да сүзара "борьба с коррупцией"дип тә җиббәрәләр.Кайвакыт Сталинны якасыннан тартып торгызасы килә башлый,валлаһи.

№3 (795379) / 10.02.2012 22:02:30

тагын бер тук бабай.

канэгать булмасагыз судка бирегез.

№2 (795378) / 10.02.2012 21:57:53

*Путин исә, бөтен халыклар да бертигез хокуклы, дип әйтеп тора.*
Беләсе иде, кайларда әйтте микән ул аны ?
Аннары әйтү белән эшләү арасында бик зур расстояние.
309 нчы законны кем раслады соң,Путинның ЕдРосы түгелмени?



№1 (795377) / 10.02.2012 21:39:36
▲ Өскә

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Яңарыш
Барс-Медиа
Ирек мәйданы
Татарстан яшьләре
Идел
Gong-TV
Бөтендөнья татар яшьләре форумы
Себерке
Өмет
Диләфрүз
Татарстан Язучылар берлеге
comments powered by HyperComments