"Халыкка эндәшәсем килә: көзге якка, хәтта җәйгә дә бәрәңге җитмәячәк..."

Билгеле, 60 яшьтә дә өйләнеп, кияүгә чыгып була. Тик ул яшьтә ниндирәк бәби туа алыр икән? Көзге якта бәрәңгегә булган ажиотажны искә төшерәм. Килосы кибетләрдә 120 сумга җиткән вакытны. Хәзер дә 40 сумнар дип сөйлиләр.  Кызык бер мисал. 90 нчы елларда бәрәңгенең дәүләт сатып ау бәясе килосына 10 тиен иде. Кибеттә – 12-16 тиен. Шикәр 78-80 тиенгә сатылды. Димәк 5-8 кг бәрәңгегә 1 кг шикәр килә. Ә хәзер шикәр белән бәрәңге бәясе тигез. Ел саен илебез Белоруссия, Мисыр һәм башка күп илләрдән бәрәңге кертә иде. Ә быел аның ничек булачагы бер Ходайга гына билгеле.

 

Менә бу җирдә халыкка эндәшәсем килә. Көзге якка, хәтта җәйгә дә бәрәңге җитмәячәк. Хәзер - ул дефицитны булдырмас өчен иң кулай вакыт. Гомерлек җир кешесе, колхоз җитәкчесе, сугыштан соңгы авыр елларны үткән ач бала буларак та әйтәсе сүзем шул: авылларда озак еллар кулланылмаган бакчалар күп. Сөрелмәсә дә, сакланган алар. Сөреп, җир хәзерләп бирүдә район башлыклары да, авыл җирлеге җитәкчеләре дә булышыр дип ышанам. Чөнки бу гомумдәүләт сәясәте булачак.

 

Базларны ачып, бәрәңгеләрне карадык. Әйбәт кышлаганнар. Быел бәрәңге мәйданын дүрт тапкыр арттырырга булдык. 

 

Хәзер орлык өчен мөмкин булган һәр бәрәңгене сак тоту кирәк. 50 еллар башында әнкәй мәрхүмнең бәрәңге әрчегәндә күзләрен калынрак итеп алып калып, кабыгын туфракка күмеп, бәрәңге тишелдерүе.

 

Безнең халык элек тә күктән бәлеш яуганын көтеп яшәмәде. Быелгы язга аеруча җаваплы карыйсы килә. Киләсе кышны уйлап. Ул бит киләчәк...

 

Мөхәррәм Мөхәммәтҗанов, Буа